Adafitswai

◼ Wolo ni akɛbaaha yɛ January: Mɛni Biblia lɛ Tsɔɔ Diɛŋtsɛ? Kɛ́ shiatsɛmɛi lɛ yɛ wolo lɛ eko momo lɛ, shiɛlɔi baanyɛ amɛkɛ woji fɛɛ ni hiɛ baafai 192 ni akala dani 1992 shɛ lɛ aha. February: Nyɛkɛ woji ni nyiɛ sɛɛ nɛɛ ateŋ nɔ ni nyɛyɔɔ eko momo yɛ nyɛwojiatoohe lɛ ahaa. Is There a Creator Who Cares About You?, Nɔ Diɛŋtsɛ ni Kɛ Weku Miishɛɛ Baa, loo The Bible—God’s Word or Man’s? wolo lɛ. March: Nyɛkɛ Mɛni Biblia lɛ Tsɔɔ Diɛŋtsɛ? wolo lɛ ahaa. Nyɛbɔa mɔdɛŋ ni nyɛjea Biblia mli nikasemɔi ashishi. April: Nyɛkɛ Buu-Mɔɔ kɛ Awake! woji tɛtrɛbii lɛ ahaa.

◼ Kɛjɛ March kɛyaa lɛ, maŋshiɛmɔ hee ni kpokpaa nɔkwɛlɔi baaha lɛ yitso ji “Kwa Je Lɛŋ Yaka Yiŋsusumɔi lɛ, Dii Maŋtsɛyeli lɛ He Nibii ni Yɔɔ Diɛŋtsɛ lɛ Asɛɛ.”

◼ Esa akɛ asafoi ato gbɛjianɔ ni sa koni amɛye afi nɛɛ Kaimɔ lɛ Soo, April 9, beni hulu enyɔ shi sɛɛ. Esa akɛ asafo fɛɛ asafo abɔ mɔdɛŋ ni eto lɛ diɛŋtsɛ egbɛjianɔ kɛha Kaimɔ lɛ yeli. Yɛ hei ni asafoi babaoo kpeɔ yɛ Maŋtsɛyeli Asa kome nɔ lɛ, ekolɛ asafo kome loo nɔ ni fe nakai baanyɛ atao he kroko kɛha Kaimɔ lɛ yeli. Kɛ́ eeehi lɛ, wɔmiiwo ŋaa akɛ aha kɛ́ hooo lɛ minitii 40 aho dani asafo ni baafee amɛnɔ kɛnyiɛ sɛɛ lɛ aje amɛgbɛjianɔtoo lɛ shishi, koni mɛi fɛɛ anyɛ amɛkɛ amɛhe agba sane jogbaŋŋ yɛ Kaimɔ lɛ sɛɛ.

◼ Esa akɛ onukpai lɛ ato gbɛjianɔ kroko kɛha Kaimɔ lɛ yeli amɛha kui ni etse amɛhe banee loo kui ni wieɔ mumuii awiemɔ ni yɔɔ shikpɔŋkuku lɛ mli lɛ. Esa akɛ ahala wielɔ ko ni he esa ní aha lɛ Kaimɔ wiemɔ he wolo (S-31) lɛ eko. Akɛ mɛi ayibɔ ni baaba yɛ kuu lɛ mli lɛ baafata asafo lɛ nɔ lɛ he ni akɛmaje nitsumɔhe nine lɛ oya.