Adafitswai

◼ Wolo ni akɛbaaha yɛ December: Gbɔmɔ ni Fe Mɔ Fɛɛ Mɔ ni Ehi Shi Pɛŋ wolo lɛ. Kɛ́ shiatsɛmɛi lɛ kɛɛ amɛyɛ bii lɛ, nyɛkɛ Kasemɔ Nii Kɛjɛ Tsɔɔlɔ Kpele lɛ Ŋɔɔ wolo lɛ ahaa. January: Mɛni Biblia lɛ Tsɔɔ Diɛŋtsɛ? Kɛ́ shiatsɛ lɛ yɛ wolo lɛ eko momo lɛ, shiɛlɔi baanyɛ amɛkɛ woji ni hiɛ baafai 192 ní akala yɛ wolo ni hiɛ tsuɔ nɔ loo ni su etsake, loo wolo fɛɛ wolo ni afee dani afi 1992 shɛ lɛ aha. February: Nyɛkɛ woji ni nyiɛ sɛɛ nɛɛ ateŋ nɔ ni nyɛyɔɔ eko yɛ nyɛwojiatoohe lɛ ahaa. Is There a Creator Who Cares About You?, Nɔ Diɛŋtsɛ ni Kɛ Weku Miishɛɛ Baa, loo The Bible—God’s Word or Man’s? wolo lɛ. March: Nyɛkɛ Mɛni Biblia lɛ Tsɔɔ Diɛŋtsɛ? wolo lɛ ahaa. Nyɛbɔa mɔdɛŋ ni nyɛjea Biblia mli nikasemɔi ashishi.

◼ Nyɛkwɛa ni nyɛkɛ afi ŋmalɛ hee ni afee awo Yeartext Banners nɔ ní nitsumɔhe nine lɛ kɛmaje lɛ akpɛtɛa nyɛ-Maŋtsɛyeli Asa lɛ nɔ amrɔ nɔŋŋ yɛ January 1. (Kwɛmɔ Adafitswaa ni akɛha yɛ August Wɔ Maŋtsɛyeli Sɔɔmɔ lɛ mli lɛ.) Afi ŋmalɛ lɛ ji: ‘Ye sanekpakpa lɛ he odase faŋŋ.’—Bɔf. 20:24.

◼ Kɛjɛ January 1, 2009 kɛyaa lɛ, akɛ gbɛi ni ji “onukpai asɛinɔtalɔ” lɛ tsuŋ nii dɔŋŋ. Gbɛi ni akɛbaatsɛ mɔ ni tsuɔ nitsumɔ nɛɛ he nii lɛ ji “onukpai akuu lɛ asaji ahe gbɛjianɔtolɔ.”

◼ Sɔɔmɔ Afi lɛ Naagbee Akɔntaabuu: Aanyɛkoo nyɛmimɛi! Wɔgbe sɔɔmɔ afi lɛ naa kɛ miishɛɛ. Wɔná yibɔ ni fe fɛɛ ni ji 90,243 yɛ August 2008 lɛ mli, ni enɛ ji shii ekpaa nɔ ní wɔná yibɔ ni fe fɛɛ. Kɛ́ aja mli lɛ, shiɛlɔ fɛɛ shiɛlɔ kɛ aaafee ŋmɛlɛtswai etɛ kɛ fã tsu nii daa otsi yɛ shiɛmɔ nitsumɔ lɛ mli. Abaptisi shiɛlɔi 5,173 yɛ sɔɔmɔ afi lɛ mli. Wɔmiijie nyɛyi yɛ mɔdɛŋ ni nyɛbɔɔ yɛ sɔɔmɔ nitsumɔ lɛ mli lɛ. Wɔmiikpa gbɛ akɛ wɔɔye wɔbua Biblia kaselɔi ni fe 250,000 nɛɛ ní amɛshɛ henɔjɔɔmɔ kɛ baptisimɔ he. Eji anɔkwale akɛ, wɔtsui nyáa kɛ́ wɔna Yehowa jɔɔmɔi yɛ wɔmɔdɛŋbɔi lɛ anɔ. Eba akɛ wɔ fɛɛ wɔɔya nɔ ‘wɔye odase faŋŋ.’ (Bɔf. 20:24) Wɔmiikai asafoŋ woloŋmalɔi ni yɔɔ hei ni anyɛŋ akɛ he afɔ̃ post ɔfis ni yɔɔ jɛmɛ lɛ nɔ lɛ ni amɛya nɔ amɛtswa wɔ tɛlifoŋ ni amɛkɛ akɔntaabui lɛ aha dani amɛkɛ maje.