Teokrase Sɔɔmɔ Skul Lɛ Mlitii
Abaasusu sanebimɔi ni nyiɛ sɛɛ nɛɛ ahe yɛ Teokrase Sɔɔmɔ Skul lɛ mli yɛ otsi ni jeɔ shishi kɛjɛ October 27, 2008 lɛ mli. Skul nɔkwɛlɔ lɛ kɛ minitii 30 baafee saji amlitĩi lɛ, ni ebaadamɔ nifeemɔi ni afee kɛjɛ September 1 kɛyashi October 27, 2008 otsi lɛ nɔ.
WIEMƆ SUI
1. Te wɔɔfee tɛŋŋ wɔle yiŋtoo hewɔ ni mɛi heɔ nibii komɛi amɛyeɔ lɛ? [be-GA bf. 259 kk. 2, 3]
2. Mɛɛ gbɛ nɔ wɔɔtsɔ wɔye wɔbua mɔ ko koni ejie mɛi ahe jwɛŋmɔ fɔŋ loo hetsɛ̃ kɛjɛ etsui mli? [be-GA bf. 260 kk. 2]
3. Mɛɛ gbɛ nɔ wɔɔtsɔ wɔye wɔbua wɔ-Biblia kaselɔi lɛ ni amɛpɛi amɛ diɛŋtsɛ amɛtsuiaŋ bɔni afee ni wekukpãa ni kã amɛ kɛ Yehowa teŋ lɛ ayanɔ emli awa? [be-GA bf. 261 kk. 3]
4. Mɛni esa akɛ wɔha ehi wɔjwɛŋmɔŋ beni wɔbɔɔ mɔdɛŋ ni wɔshɛ wɔtoibolɔi lɛ atsui he lɛ? [be-GA bf. 262 kk. 5]
5. Mɛni hewɔ esa akɛ wɔha wɔhiɛ ahi be ní akɛtsuɔ nii yɛ asafoŋ kpeei ashishi lɛ nɔ lɛ? [be-GA bf. 263 kk. 1, 3, akrabatsa]
NIFEEMƆ NI JI 1
6. Mɛni tsirɛ Paulo ni eŋma eklɛŋklɛŋ wolo ní ekɛmaje Korintobii lɛ? [bsi08-1-GA bf. 20 kk. 3]
7. Mɛɛ yiŋtoi komɛi ahewɔ ni Paulo ŋma ewolo ni ji enyɔ lɛ emaje Korintobii lɛ? [bsi08-1-GA bf. 22 kk. 1-2]
8. Mɛɛ jwɛŋmɔ esa akɛ Kristofoi aná yɛ sɔɔmɔ nitsumɔ lɛ he? [bsi08-1-GA bf. 23 kk. 18]
9. Mɛɛ gbɛ nɔ, wɔ ni wɔyɔɔ ŋmɛnɛ lɛ baanyɛ atsɔ aná Nyɔŋmɔ nɔkpɛlɛmɔ taakɛ nyɛmimɛi ni hi shi yɛ Filipi lɛ ná lɛ, ni wɔha wɔnyɛmimɛi lɛ aná miishɛɛ? [bsi08-1-GA bf. 29 kk. 12]
10. Mɛɛ hewalɛ kpakpa Paulo kɛ ehefatalɔi nitsulɔi lɛ ná yɛ asafo ni yɔɔ Tesalonika lɛ nɔ? [bsi08-2-GA bf. 4 kk. 13]
DAA OTSI BIBLIA KANEMƆ
11. Mɛni ji wiemɔ “wɔŋɔ [efɔŋfeelɔ lɛ] wɔwo satan dɛŋ, koni eheloo lɛ hiɛ akpata, ni ahere mumɔ lɛ yiwala” lɛ shishi? (1 Kor. 5:5) [w08 7/15-GA “Yehowa Wiemɔ lɛ Hiɛ Kã—Korintobii Awolo lɛ Amli Saji Otii”]
12. “Shii” enyiɛ esa akɛ akai Yesu gbele lɛ, ni “kɛyashi” mɛɛ be? (1 Kor. 11:26) [w08 7/15-GA “Yehowa Wiemɔ lɛ Hiɛ Kã—Korintobii Awolo lɛ Amli Saji Otii”]
13. Mɛɛ ninaa 2 Korintobii 12:2-4 lɛ tsi tã, ni namɔ ekolɛ ena ninaa nɛɛ? [w04 10/15-GA bf. 8 kk. 4; bf. 10 kk. 9]
14. Mɛni hewɔ Paulo kɛ Mose Mla lɛ to ‘tsɔselɔ kɛmiiya Kristo ŋɔɔ’ he lɛ? (Gal. 3:24) [w08 3/1-GA bf. 18-21]
15. Mɛni Paulo tsɔɔ beni esɔle akɛ ‘abaa nyɛmimɛi lɛ amumɔ kɛ amɛsusuma kɛ amɛgbɔmɔtso muu lɛ fɛɛ yi lɛ’? (1 Tes. 5:23) [w08 9/15 “Yehowa Wiemɔ lɛ Hiɛ Kã—Tesalonikabii Awoji lɛ kɛ Timoteo Woji lɛ Amli Saji Otii”]