Adafitswai
◼ Wolo ni akɛbaaha yɛ June: Mɛni Biblia lɛ Tsɔɔ Diɛŋtsɛ? Nyɛbɔa mɔdɛŋ ni nyɛje Biblia mli nikasemɔi ashishi. July kɛ August: Nyɛkɛ woji bibii ni hiɛ baafa 32 ni nyɛyɔɔ lɛ ateŋ eko fɛɛ eko ni sa lɛ ahaa. Ebaaŋɔɔ wɔnaa waa kɛ́ asafoi ni yɔɔ woji bibii ni fa fe nine yɛ amɛ wojiatoohei lɛ to gbɛjianɔ ni amɛkɛ nomɛi tsu nii yɛ nyɔji nɛɛ amli. September: Mɛni Biblia lɛ Tsɔɔ Diɛŋtsɛ? Nyɛbɔa mɔdɛŋ jogbaŋŋ koni nyɛje Biblia mli nikasemɔi ashishi kɛ́ nyɛtee shiatsɛmɛi lɛ aŋɔɔ klɛŋklɛŋ kwraa.
◼ Akɛni otsii anaagbee enumɔ yɔɔ August mli hewɔ lɛ, ebaafee nyɔɔŋ ni sa jogbaŋŋ akɛ aaatsu gbɛgbalɔi awamɔ nitsumɔ lɛ.
◼ Esa akɛ mɔ ko ni onukpai asɛinɔtalɔ lɛ ehala lɛ lɛ akwɛ asafo lɛ shika he akɔntaabuu kɛha nyɔji ni ji March, April, kɛ May lɛ mli. Kɛ́ akwɛ mli agbe naa lɛ, esa akɛ atswa asafo lɛ adafi beni akaneɔ shika he akɔntaabuu ni baanyiɛ sɛɛ lɛ.—Kwɛmɔ Instructions for Congregation Accounting (S-27) lɛ mli.
◼ Esa akɛ atsɔ hiɛ akɛ daa gbɛgbamɔ sɔɔmɔ lɛ he gbɛbimɔ woji lɛ amaje nitsumɔhe nine lɛ kɛ hooo lɛ gbii 30 dani be ní shiɛlɔ lɛ etsɔɔ akɛ ebaaje shishi lɛ ashɛ. Esa akɛ asafoŋ woloŋmalɔ lɛ akwɛ akɛ aŋmala woji nɛɛ anɔ nii jogbaŋŋ lo. Kɛji shiɛlɔi komɛi nyɛɛɛ akai be tuuntu ni akɛbaptisi amɛ lɛ, esa akɛ aha amɛtsɔɔ be ko ni eeenyɛ efee akɛ no mli abaptisi amɛ, koni no sɛɛ lɛ aŋma afɔ̃ shi. Esa akɛ woloŋmalɔ lɛ aŋma nɛkɛ be nɛɛ ewo Congregation’s Publisher Record (S-21) wolo lɛ nɔ.
◼ Nyɛfainɛ nyɛkadia ákɛ akɛ ninefɔ̃ɔ wolo krɛdɛɛ tsuŋ nii ní akɛtswa afi 2008 kpokpaa wulu nɔ kpee lɛ he adafi. Shi wɔmiito gbɛjianɔ kɛha tafãa krɛdɛɛ ko yɛ jeŋ fɛɛ yɛ be fioo ni kã wɔhiɛ lɛ mli. Akɛ gbɛtsɔɔmɔi ni kɔɔ nakai gbɛjianɔtoo lɛ he lɛ baaha yɛ sɛɛ mli.
◼ Akɛ Buu-Mɔɔ kɛ Awake! ni abaanyɛ abo toi yɛ Blɔfo wiemɔ kɛ wiemɔi krokomɛi ni ehe shi waa lɛ amli lɛ ewo Web site ni ji www.jw.org lɛ nɔ kɛjɛ January 2008. Mɛi babaoo miisumɔ ni amɛjie Buu-Mɔɔ kɛ Awake! ní abaanyɛ abo toi nɛɛ, ni feɔ klalo dani nɔ ni yɔɔ CD loo MP3 nɔ̃ lɛ bashɛɔ asafoi lɛ amli lɛ kɛjɛ Intanɛt lɛ nɔ. Be fɛɛ be ni mɔ ko baajie Buu-Mɔɔ kɛ Awake! ní abaanyɛ abo toi nɛɛ eko kɛjɛ Intanɛt lɛ nɔ lɛ, asafo lɛ woɔ shika ko. Shi kɛlɛ, enɛ jara baa shi kwraa fe CD loo MP3 ni afeɔ ni akɛmajeɔ lɛ. No hewɔ lɛ, aawo shiɛlɔi ni jieɔ Buu-Mɔɔ kɛ Awake! ní abaanyɛ abo toi lɛ kɛjɛɔ Intanɛt lɛ nɔ lɛ hewalɛ ni amɛkɛɛ mɔ ni kwɛɔ woji tɛtrɛbii lɛ anɔ lɛ ni efo CD loo MP3 ni amɛshɛɔ lɛ mli.