January Sɔɔmɔ Akɔntaabuu

Ŋmt. Wt. SS. BK.

Yifalɛ: Mj. Mj. Mj. Mj.

G’lɔi Krd. 174 134.2 29.6 84.9 17.4

Daa G’lɔi. 4,554 65.6 20.5 36.9 8.1

Gb.W’lɔi. 1,993 50.7 15.9 23.6 5.8

Shiɛlɔi 78,480 13.0 4.3 6.4 2.1

FƐƐ: 85,201 Abaptisi: 624

Wɔmiijie shiɛlɔi fɛɛ yi yɛ ekãa ní amɛyɔɔ kɛha anɔkwa jamɔ, kɛ ekome ni amɛkɛ asafoŋ onukpai lɛ feɔ ni amɛkɛ shiɛmɔyaa he akɔntaabuu lɛ majeɔ mra lɛ hewɔ. Enɛ kɛ jɔɔmɔi babaoo eba. Ákɛ nɔkwɛmɔnɔ lɛ, aha woji 39,698 yɛ January, ni enɛ ji yibɔ ni fe fɛɛ ní aha. Agbɛnɛ hu lɛ, kɛ́ aja mli lɛ, shiɛlɔ fɛɛ shiɛlɔ kɛ ŋmɛlɛtswai 13 ha, gbɛgbalɔi awalɔ fɛɛ gbɛgbalɔi awalɔ kɛ ŋmɛlɛtswai 50.7 ha, ni gbɛgbalɔi krɛdɛi kɛ ŋmɛlɛtswai 134.2 ha, ni enɛ ji nɔ ni woɔ mɔ hewalɛ waa. Yehowa hiɛ sɔɔ bɔ ni nyɛteŋ mɔ fɛɛ mɔ jɛɔ etsui muu fɛɛ mli esɔmɔɔ lɛ lɛ.—Kol. 3:23, 24.

Mɛni wɔbaanyɛ wɔfee koni wɔnyɛ wɔkɛ ŋmɛlɛtswai babaoo aha, ni wɔnyɛ wɔbu wɔshiɛmɔ nitsumɔ lɛ he akɔntaa jogbaŋŋ? Esa akɛ Asafo Woloŋ Nikasemɔ nɔkwɛlɔ lɛ abɔ mɔdɛŋ waa koni eha woloŋmalɔ lɛ nine ashɛ akɔntaabui lɛ fɛɛ nɔ kɛji nyɔɔŋ lɛ gbo sɛɛ nɔŋŋ. Abaanyɛ akai nyɛmimɛi lɛ yɛ naagbee woloŋ nikasemɔ ni abaafee daa nyɔɔŋ lɛ mli lɛ shishi ni amɛkɛ akɔntaabuu lɛ aha. Esa akɛ woloŋmalɔ lɛ abua akɔntaabui lɛ anaa yɛ be naa bɔni afee ni anyɛ ayabi akɔntaabui fɛɛ ni nine shɛko nɔ lɛ, ní ekɛfata nɔ ni abua naa momo lɛ he, ni akɛmaje nitsumɔhe nine lɛ dani nyɔɔŋ ni nyiɛ sɛɛ lɛ gbi ni ji 6 lɛ aho. Kɛ́ shiɛlɔi fɛɛ kɛ amɛ akɔntaabuu lɛ ha mra, ni woloŋmalɔ lɛ bua fɛɛ naa amrɔ nɔŋŋ lɛ, ebaaha wɔkɛ akɔntaabuu ni ja aha nyɔɔŋ fɛɛ nyɔɔŋ. Kɛ́ anyɛŋ akɛhe afɔ̃ post ɔfis ni yɔɔ heni nyɛyɔɔ lɛ nɔ lɛ, no lɛ onukpai lɛ baanyɛ amɛtswa nitsumɔhe nine lɛ tɛlifoŋ ni amɛkɛ akɔntaabuu lɛ aha dani no sɛɛ lɛ amɛkɛ maje. Wɔhiɛ sɔɔ mɔdɛŋ ní nyɛbɔɔ kɛtsuɔ enɛ he nii daa nyɔɔŋ lɛ waa diɛŋtsɛ.