Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ May 1

“Akɛni adebɔɔ naa oshara fɔɔ baa yɛ wɔgbii nɛɛ amli hewɔ lɛ, eha mɛi babaoo susuɔ kɛji akɛ Nyɔŋmɔ miigbala wɔtoi. Te bo hu osusuɔ tɛŋŋ? [Ŋmɛɛ gbɛ ni eha hetoo. No sɛɛ lɛ kanemɔ 1 Yohane 4:8.] Wolo tɛtrɛɛ nɛɛ tsɔɔ nɔ hewɔ ni Nyɔŋmɔ jeee mɔ ni kɛ adebɔɔ naa oshara ni kɛ piŋmɔ baa lɛ baa lɛ mli.” Okɛ sane ni yɔɔ baafa 30 lɛ atsɔɔ lɛ.

Awake! May

Kanemɔ Mateo 6:10. No sɛɛ lɛ bi akɛ: “Ani osusu Nyɔŋmɔ suɔmɔnaa nii kɛha shikpɔŋ lɛ he pɛŋ? [Ŋmɛɛ gbɛ ni eha hetoo.] Biblia lɛ tsɔɔ akɛ Nyɔŋmɔ yɛ yiŋtoo ko kɛha shikpɔŋ lɛ kɛjɛ shishijee tɔ̃ɔ, ni nakai yiŋtoo lɛ tsakeko. Sane ni yɔɔ biɛ lɛ tsɔɔ enɛ mli.” Okɛ sane ni jeɔ shishi yɛ baafa 10 lɛ atsɔɔ lɛ.

Buu-Mɔɔ June 1

“Saji ni ale yɛ Biblia lɛ mli fe fɛɛ lɛ ateŋ ekome ji Noa kɛ Nu Afua lɛ he sane lɛ. Ani osusuɔ akɛ eji anɔkwale akɛ Nu Afua lɛ ba? [Ŋmɛɛ gbɛ ni eha hetoo.] Miishɛɛ sane ji akɛ, Yesu wie he akɛ eji nɔ ko ni ba diɛŋtsɛ. [Kanemɔ Luka 17:26, 27.] Wolo tɛtrɛɛ nɛɛ etsɔɔ nɔ̃ hewɔ ni wɔbaanyɛ wɔhe sane ni kɔɔ Nu Afua lɛ he lɛ wɔye, kɛ nibii ni he hiaa ni wɔbaanyɛ wɔkase kɛjɛ mli.”

Awake! June

“Bii akwɛmɔ wa waa, titrii lɛ kɛ́ bii lɛ ye aaafee afii 13 kɛyaa, ni amɛgbɔmɔtsei lɛ he nibii lɛ bɔi tsakemɔ lɛ. Nɛgbɛ osusuɔ akɛ fɔlɔi baanyɛ aná ŋaawoo kpakpa yɛ? [Ŋmɛɛ gbɛ ni eha hetoo. No sɛɛ lɛ kanemɔ Yesaia 48:17, 18.] Wolo tɛtrɛɛ nɛɛ kɛ ŋaawoo komɛi ni yɔɔ amɛbe naa ni baaye abua fɔlɔi koni amɛkɛ nilee kɛ saneshishinumɔ atsu nii lɛ haa.”