Teokrase Sɔɔmɔ Skul Lɛ Mlitĩi

Abaasusu sanebimɔi ni nyiɛ sɛɛ nɛɛ ahe yɛ Teokrase Sɔɔmɔ Skul lɛ mli yɛ otsi ni jeɔ shishi kɛjɛ June 25, afi 2007 lɛ mli. Skul nɔkwɛlɔ lɛ kɛ minitii 30 baafee saji amlitĩi lɛ, ni ebaadamɔ nifeemɔi ni afee kɛjɛ May 7 lɛ kɛyashi June 25, afi 2007 otsi lɛ nɔ. [Kadimɔ: Hei ni atsɔɔɔ he ni sanebimɔi lɛ jɛ yɛ sanebimɔi lɛ anaagbee lɛ yɛ kɛha mɔ diɛŋtsɛ nii amli taomɔ koni ekɛtao hetooi lɛ.—Kwɛmɔ Sɔɔmɔ Skul wolo lɛ, bf. 36-37 lɛ mli.]

WIEMƆ SUI

1. Kɛ́ wɔmiiwie lɛ, mɛni wɔbaanyɛ wɔfee koni wɔkɛba jwɛŋmɔŋ yeyeeyefeemɔ shi ni wɔkɛ gbee ni sa awie? [be-GA bf. 185 kk. 1-3]

2. Te wɔɔfee tɛŋŋ ‘wɔtsɔ̃ wɔhe nɔ fɛɛ nɔ wɔha mɛi fɛɛ’ yɛ shiɛmɔ nitsumɔ lɛ mli? (1 Kor. 9:20-23) [be-GA bf. 186 kk. 2-4]

3. Te wɔɔfee tɛŋŋ wɔkase Yehowa ákɛ mɔ ni boɔ mɛi atoi jogbaŋŋ lɛ? (1 Mose 18:23-33; 1 Maŋ. 22:19-22) [be-GA bf. 187 kk. 1-2, 5]

4. Mɛɛ gbɛ̀i ni hi jogbaŋŋ anɔ wɔbaanyɛ wɔtsɔ wɔye wɔbua mɛi ni amɛya amɛhiɛ yɛ Nyɔŋmɔ mli hemɔkɛyeli kɛ ehe nilee mli? [be-GA bf. 187 kk. 6–bf. 188 kk. 3]

5. Mɛni hewɔ esa akɛ bulɛ kpo ni wɔɔjie wɔtsɔɔ mɛi krokomɛi lɛ afee nɔ ni kã wɔtsui nɔ lɛ? [be-GA bf. 190 kk. 3, akrabatsa]

NIFEEMƆ NI JI 1

6. Mɛni hewɔ esa akɛ wɔbɔ mɔdɛŋ ni wɔshɛ mɛi ni wɔtsɔɔ amɛ nii lɛ atsui he lɛ? [be-GA bf. 59 kk. 1]

7. Mɛɛ hewalɛ wɔjeŋba náa yɛ mɛi ni wɔtsɔɔ amɛ nii lɛ anɔ? [be-GA bf. 61 kk. 1]

8. Mɛɛ gbɛ nɔ wɔɔtsɔ wɔha bɔ ni wɔgbaa sane wɔhaa yɛ shĩa lɛ aya hiɛ? [be-GA bf. 62 kk. 3]

9. Mɛɛ ekãa kɛ nuufeemɔ he nɔkwɛmɔnɔ gbalɔ Yeremia fee ha wɔ? [si bf. 129 kk. 36]

10. Mɛɛ hekɛnɔfɔɔ Yaafo wolo lɛ wie he, ni kɛlɛ mɛni hewɔ sɛɛnamɔ yɔɔ he akɛ eha ana akɛ Nyɔŋmɔ kɛ toigbalamɔ ni naa wa ni sa baa mɛi fɔji anɔ lɛ? [si bf. 132 kk. 13]

DAA OTSI BIBLIA KANEMƆ

11. Yɛ Yeremia niiashikpamɔ ni atsɔɔ mli yɛ Yeremia 37:21 lɛ kɛ gbeekpamɔ naa lɛ, mɛɛ hekɛnɔfɔɔ wɔbaanyɛ wɔná?

12. Ekolɛ mɛni ha Baruk kɛɛ akɛ Yehowa ‘eŋɔ awerɛho efata enɔnaa lɛ he,’ ni eha ‘etɔ lɛ’ lɛ, ni mɛni Baruk fee klɛŋklɛŋ yɛ naagba lɛ he? (Yer. 45:1-5)

13. Mɛɛ be akpa Babilon maŋ lɛ mli hilɛ ni ‘ebatsɔ amaŋfɔ kwraa’? (Yer. 50:13)

14. Mɛɛ shishitoo mla ni kɔɔ sɔlemɔ he afee lɛ faŋŋ yɛ Yaafo 3:8, 9, 42-45?

15. Mɛni shwiili ni awie he yɛ Ezekiel yitso 1 lɛ feɔ he mfoniri?