Adafitswai

◼ Wolo ni akɛbaaha yɛ May: Nyɛkɛ Buu-Mɔɔ kɛ Awake! lɛ ahaa. Kɛ́ nyɛmiiku nyɛsɛɛ nyɛyasara mɛi ni yɔɔ wiemɔ lɛ he miishɛɛ lɛ, nyɛsaraa mɛi ni ba Kaimɔ lɛ loo mɛi ni ba teokrase nifeemɔi krokomɛi ashishi shi amɛkɛ asafo lɛ ebɔɔɔ daa lɛ hu, ni nyɛbɔ mɔdɛŋ koni nyɛkɛ amɛ aje Biblia mli nikasemɔ shishi yɛ Biblia lɛ Tsɔɔ wolo lɛ mli. June: Nyɛkɛ Creator wolo lɛ loo Weku Miishɛɛ wolo lɛ ahaa. July kɛ August: Nyɛkɛ woji bibii ni hiɛ baafa 32 ni nyɛyɔɔ lɛ ateŋ eko fɛɛ eko ni sa ahaa.

◼ Esa akɛ aŋma “Watch Tower” yɛ tsɛk ni akɛhaa ákɛ oniatsumɔ kɛha jeŋ muu nitsumɔ lɛ yɛ kpokpaa wulu nɔ kpeei ashishi kɛ nɔ ni akɛmajeɔ kɛyaa nitsumɔhe nine lɛ nɔ. Nitsumɔhe nine lɛ shika he gbɛjianɔtoo adrɛs ji Watch Tower Bible and Tract Society of Ghana, P. O. Box GP 760, ACCRA.

◼ Esa akɛ onukpai akui lɛ asaa akwɛ October 6, 2006 wolo ni kɔɔ he ní aaasaa ato oshara lɛ he lɛ mli ekoŋŋ koni amɛkwɛ akɛ amɛyɛ shiɛlɔi lɛ ashiai adrɛs kɛ amɛtɛlifoŋ nɔmbai ni amɛkɛtsuɔ nii amrɔ nɛɛ lo. Yɛ hei ni oshara fɔɔ baa yɛ lɛ, esa akɛ aná mɛi krokomɛi ni abaanyɛ atswa amɛ kɛ́ oshara ko ba lɛ ahe saji afata he. Yɛ anɔkwale mli lɛ, jeee beni oshara eba pɛ ni esa akɛ afee nakai, shi ehi waa akɛ shiɛlɔi aaaha Asafo Woloŋ Nikasemɔ kuu ni amɛyɔɔ mli lɛ nɔkwɛlɔ loo asafoŋ onukpa kroko ale kɛ́ amɛbaafã gbɛ ni amɛsɛɛ baatsɛ lɛ, tamɔ gbɛfãa kɛha hejɔɔmɔ loo nitsumɔ ko tsumɔ, beni ahe amɛ afɔ̃ helatsamɔhe, kɛ shihilɛi krokomɛi ni tamɔ enɛɛmɛi.

◼ Gbɛjianɔtoo hee ni baaha Britain nitsumɔhe nine lɛ abua woji ni asafo fɛɛ asafo shɛɔ lɛ naa ewo adekai amli dani ekɛmaje Ghana lɛ eje shishi. Enɛ tsɔɔ ákɛ akɛ woji etoŋ Ghana nitsumɔhe nine lɛ dɔŋŋ, ni no hewɔ lɛ asafoi nyɛŋ ashɛ kɛjɛ Ghana nitsumɔhe nine lɛ kɛ́ ehe bahia ni amɛfee nakai trukaa. Enɛ hewɔ lɛ esa akɛ asafoŋbii lɛ ashɛ woji ni amɛtaoɔ lɛ daa nyɔŋ nɔ kɛ́ abi amɛ ni amɛfee nakai. Esa akɛ sɔɔlɔi ni kwɛɔ woji anɔ lɛ kɛ woloŋmalɔi lɛ atsu woji ni nyɛmimɛi lɛ eshɛ lɛ ahe nii amrɔ nɔŋŋ. Kɛ́ asafoi ni fa fe ekome kpeɔ yɛ asa kome nɔ lɛ, esa akɛ mɔ ni shɛɔ woji ehaa asafoi lɛ akwɛ koni atsu asafoi FƐƐ ni eshɛɔ woji ehaa amɛ lɛ ahiamɔ nii ahe nii. Kɛ́ nyɛshɛ woji lɛ oya ni nyɛkɛ S-14 woji lɛ maje nitsumɔhe nine lɛ yɛ be naa lɛ, ehaŋ wɔwoji ni akɛbaamaje wɔ lɛ akpe sɛɛ.