Teokrase Sɔɔmɔ Skul Lɛ Mliti̇̃i — Buu-Mɔɔ INTANƐT NƆ WOJIATOOHE

Teokrase Sɔɔmɔ Skul Lɛ Mlitĩi

Abaasusu sanebimɔi ni nyiɛ sɛɛ nɛɛ ahe yɛ Teokrase Sɔɔmɔ Skul lɛ mli yɛ otsi ni jeɔ shishi kɛjɛ April 30, afi 2007 lɛ mli. Skul nɔkwɛlɔ lɛ kɛ minitii 30 baafee saji amlitĩi lɛ, ni ebaadamɔ nifeemɔi ni afee kɛjɛ March 5 lɛ kɛyashi April 30, afi 2007 otsi lɛ nɔ. [Kadimɔ: Hei ni atsɔɔɔ he ni sanebimɔi lɛ jɛ yɛ sanebimɔi lɛ anaagbee lɛ yɛ kɛha mɔ diɛŋtsɛ nii amli taomɔ koni ekɛtao hetooi lɛ.—Kwɛmɔ Sɔɔmɔ Skul wolo lɛ, bf. 36-37 lɛ mli.]

WIEMƆ SUI

1. Mɛɛ gbɛ nɔ wɔɔtsɔ wɔha wɔwiemɔ he wolo lɛ afee kuku? [be-GA bf. 168 kk. 4]

2. Tsɔɔmɔ gbɛ̀i ejwɛ ni wɔbaanyɛ wɔtsɔ nɔ wɔto wiemɔ ni wɔbaaha lɛ naa jogbaŋŋ. [be-GA bf. 170 kk. 3–bf. 172 kk. 5]

3. Mɛɛ nibii esa akɛ wɔha ehi wɔjwɛŋmɔ mli kɛ́ wɔmiisusu nɔ ni wɔkɛbaafata wiemɔ ni wɔbaaha lɛ he? [be-GA bf. 173 kk. 1-2]

4. Mɛni ji sɛɛnamɔi komɛi ni yɔɔ wiemɔ ni ahaa ni akwɛɛɛ wolo nɔ tsɔ lɛ he? [be-GA bf. 175 kk. 3-5]

5. Mɛni hewɔ ehe hiaa ni sanegbaa su ahi wɔwiemɔ mli lɛ, ni mɛɛ gbɛ nɔ wɔɔtsɔ wɔná su nɛɛ? [be-GA bf. 179 kk. 4, akrabatsa; bf. 180, akrabatsa]

NIFEEMƆ NI JI 1

6. Kɛ́ akɛ daa otsi saji otii ni jɛ Biblia kanemɔ mli lɛ ha nyɛmi nuu ko ní etsu he nii lɛ, te esa akɛ esaa ehe eha tɛŋŋ? [be-GA bf. 47 kk. 3-4]

7. Mɛni ji nɔ ni he hiaa fe fɛɛ yɛ Kristo kpɔmɔnɔ lɛ he fe sɛɛnamɔi ni wɔnáa kɛjɛɔ mli lɛ? [w05 11/1 bf. 14 kk. 1]

8. Te esa ákɛ akɛ Ŋmalɛi ni atsɛ yisɛɛ yɛ wiemɔ he wolo ní akɛhaa maŋshiɛmɔ lɛ mli lɛ atsu nii aha tɛŋŋ? [be-GA bf. 53 kk. 1-2]

9. Mɛni ji oti ni ma Yesu hiɛ akɛ tsɔɔlɔ, ni te wɔɔfee tɛŋŋ wɔkase lɛ? [be-GA bf. 57 kk. 1]

10. Mɛni hewɔ nii ni akɛtoɔ nii ahe lɛ ji nitsɔɔmɔ gbɛ ni mɔɔ shi lɛ? [be-GA bf. 57 kk. 3-4]

DAA OTSI BIBLIA KANEMƆ

11. Mɛɛ gbɛ nɔ wɔbaanyɛ wɔtsɔ wɔkɛ ŋaawoo ni yɔɔ Yeremia 6:16 akɛ wɔnyiɛ ‘naanɔ tempɔŋi lɛ anɔ, he ni gbɛ kpakpa lɛ yɔɔ lɛ’ atsu nii?

12. Mɛni hewɔ Yehowa kɛ klitso tsu nii ni ekɛtsɔɔ Yudafoi ni yeee anɔkwa lɛ anii lɛ, ni mɛni wɔbaanyɛ wɔkase kɛjɛ enɛ mli? (Yer. 8:7)

13. Mɛɛ gbɛ nɔ wɔbaanyɛ wɔkɛ Yeremia 15:17 lɛ atsu nii kɛkɔ hiɛtserɛjiemɔ he ŋmɛnɛ?

14. Adesai tamɔ sũ yɛ Yehowa, ni ji Gbɛshɔ̃lɔ Kpeteŋkpele lɛ dɛŋ yɛ mɛɛ gbɛ nɔ? (Yer. 18:5-11)

15. Bɔ ni ato maji ní atsĩ amɛtã yɛ Yeremia 25:17-26 lɛ anaa lɛ kɔɔ wɔgbii nɛɛ ahe yɛ mɛɛ gbɛ nɔ?