Adafitswai

◼ Wolo ni akɛbaaha yɛ August: Woji bibii ni hiɛ baafai 32 lɛ ateŋ eko fɛɛ eko ni nyɛyɔɔ. September: Mɛni Biblia lɛ Tsɔɔ Diɛŋtsɛ? October: Akɛ Buu-Mɔɔ kɛ Awake! ni eba lɛ baaha. Kɛ́ mɔ jie miishɛɛ kpo yɛ he lɛ, no lɛ okɛ lɛ agba Nyɛyaa nɔ Nyɛshia Kpe! wolo bibioo lɛ he sane. November: Akɛ Kasemɔ Nii Kɛjɛ Tsɔɔlɔ Kpele lɛ Ŋɔɔ wolo lɛ baatsu nii. Kɛji mɔ lɛ bɛ bi lɛ, no lɛ okɛ dɛhiɛmɔ wolo ni ji Ani Obaasumɔ ni Ole Biblia lɛ Mli Saji Babaoo? lɛ aloo dɛhiɛmɔ wolo kroko ni sa aha.

◼ Kɛji mɔ ba Betel loo etswa tɛlifoŋ kɛmiitao saji komɛi amli lɛ, ehe ehiaaa akɛ ebi ni atsɛ́ ashimashi pɔtɛɛ ko aha lɛ ni ekɛ lɛ asusu nɔ̃ sane ni ji lɛ he. Ebaahi moŋ akɛ etsɔɔ Betel nitsumɔhe ni amɛdɛŋ yelikɛbuamɔ he ehia lɛ lɛ bɔni afee ni anyɛ atsu ehiamɔ nii lɛ ahe nii oya aha lɛ.

◼ Ebiii ni mɛi ni sumɔɔ ni abaptisi amɛ lɛ ámɛ kɛyashi abaatswa adafi akɛ abaaya kpokpaa nɔ kpee loo kpokpaa wulu nɔ kpee dani amɛha asafo lɛ sɛinɔtalɔ lɛ ale. Kɛ́ amɛwo sɛinɔtalɔ lɛ toi nɔ mra lɛ, no baaha onukpai lɛ aná be aye abua amɛ kɛha baptisimɔ lɛ dani be lɛ ashɛ.

◼ Esa akɛ onukpai asɛinɔtalɔ lɛ loo mɔ ko ni ehala lɛ akwɛ asafo lɛ shika he akɔntaabuu mli yɛ September 1 loo yɛ no sɛɛ nɔŋŋ. Kɛji shika kroko yɛ ni Maŋtsɛyeli Asa nitsumɔ he ajinafoi akuu lɛ kwɛɔ nɔ loo shika kroko yɛ kɛha tsumaa lɛ, no lɛ esa akɛ ato gbɛjianɔ koni akwɛ shika nɛɛ hu mli. Kɛ́ akwɛ mli agbe naa lɛ, esa akɛ atswa asafo lɛ adafi kɛ́ aakane shika he akɔntaabuu ni baanyiɛ sɛɛ lɛ, ni afee fotokɔpe aha onukpai lɛ hu.

◼ Kɛjɛ January 8, 2007 otsi lɛ mli kɛyaa lɛ, wɔbaakase wolo ni ji Kpojiemɔ—Enaagbee Kwraa lɛ Ebɛŋkɛ! lɛ yɛ Asafo Woloŋ Nikasemɔ lɛ shishi. Aato gbɛjianɔ koni akala eko kɛ niŋmai agboi. Esa akɛ asafoi fɛɛ aná wolo nɛɛ kɛ nɔ ni akɛ niŋmai agboi ekala lɛ bɔ ni sa kɛha ekasemɔ.

◼ Beni akɛ hei ni abaafee kpokpaa nɔ kpeei lɛ yɛ lɛ ahe amaniɛbɔɔ wo June Wɔ Maŋtsɛyeli Sɔɔmɔ lɛ mli lɛ, ashi he kome: He ni abaafee yɛ ji: Assin Akonfode. Wiemɔ: Twi. Kpokpai ni Baaya: 42, 43 (Anhwiaso niiaŋ), 64. Adrɛs: Box AF 121, Assin Foso.