Adafitswai
◼ Wolo ni akɛbaaha yɛ March: Kasemɔ Nii Kɛjɛ Tsɔɔlɔ Kpele lɛ Ŋɔɔ. Kɛ mɔ lɛ bɛ bi lɛ, no lɛ okɛ Weku Miishɛɛ wolo lɛ aha lɛ. April: Nyɛkɛ wolo hee ni ji Mɛni Biblia lɛ Tsɔɔ Diɛŋtsɛ? lɛ ahaa. Nyɛbɔa mɔdɛŋ jogbaŋŋ koni nyɛje Biblia mli nikasemɔi ashishi. May kɛ June: Nyɛkɛ Buu-Mɔɔ kɛ Awake! woji tɛtrɛbii srɔtoi lɛ ahaa.
◼ Akɛni otsii anaagbee enumɔ yɔɔ April mli hewɔ lɛ, ebaafee nyɔŋ ni sa jogbaŋŋ akɛ aaatsu gbɛgbalɔi awamɔ nitsumɔ lɛ.
◼ Abaaye Kaimɔ lɛ Shɔ, April 12, 2006. Kɛ́ nyɛsafo lɛ kpeɔ Shɔ lɛ, no lɛ esa akɛ nyɛtsake enɛ kɛya otsi lɛ mli gbi kroko nɔ, kɛ́ enɛ feemɔ baahi yɛ Maŋtsɛyeli Asa lɛ nɔ. Kɛ́ enɛ ehiŋ feemɔ, ni no hewɔ lɛ ebaagba nyɛ-Sɔɔmɔ Kpee lɛ naa lɛ, no lɛ nyɛbaanyɛ nyɛkɛ emli fãi ni kɔɔ nyɛsafo lɛ he lɛ awo Sɔɔmɔ Kpee kroko mli.
◼ Esa akɛ asafoi lɛ ajie Buu-Mɔɔ kɛ Awake! heei lɛ akpo kɛji nine shɛ nɔ nɔŋŋ pɛ lɛ. Enɛ baaha shiɛlɔi lɛ ale woji tɛtrɛbii lɛ amli saji lɛ dani amɛkɛha yɛ shiɛmɔ nitsumɔ lɛ mli. Esa ákɛ akɛ Wɔ Maŋtsɛyeli Sɔɔmɔ lɛ hu aha kɛji nine shɛ nɔ nɔŋŋ. Abaanyɛ ajara yɛ Asafo Woloŋ Nikasemɔ lɛ shishi.
◼ Abaasusu vidio ni ji Noah—He Walked With God lɛ he yɛ May Sɔɔmɔ Kpee lɛ mli. Kɛ́ ehe baahia lɛ, esa akɛ ashɛ ekomɛi kɛtsɔ asafo lɛ nɔ amrɔ nɔŋŋ.
◼ Nitsumɔhe nine lɛ kɛ woji ni shiɛlɔi aŋkroaŋkroi diɛŋtsɛ shɛɔ lɛ emajeee amɛ. Esa akɛ onukpai asɛinɔtalɔ lɛ ato gbɛjianɔ ni atswa adafi daa nyɔŋ nɔ, dani akɛ wolo ni asafo lɛ kɛshɛɔ woji lɛ amaje nitsumɔhe nine lɛ, koni mɛi fɛɛ ni sumɔɔ akɛ amɛnine ashɛ woji komɛi anɔ lɛ akɛɛ nyɛmi nuu ni kwɛɔ woji anɔ lɛ. Nyɛfainɛ nyɛhaa woji ni ashɛɛɛ ashwieee shi lɛ ahia nyɛjwɛŋmɔ mli.
◼ Aakai onukpai asɛinɔtalɔi fɛɛ koni amɛfee tsakemɔi ni sa koni aná be kɛsusu kpokpaa nɔ kpee lɛ loo gbi kome kpee krɛdɛɛ nifeemɔi lɛ ahe dani aya kpee lɛ. Kɛ́ ajɛ kpee lɛ aba nɔŋŋ pɛ lɛ, esa akɛ asusu saji ni akɛtĩɔ mli lɛ ahe. Nyɛfainɛ nyɛkɛ gbɛtsɔɔmɔ ni yɔɔ August 2004 Wɔ Maŋtsɛyeli Sɔɔmɔ lɛ baafa 4 lɛ atsua nii.
◼ Be fɛɛ be ni asafoŋ kpeei, kpokpaa nɔ kpee, loo kpokpaa wulu nɔ kpee ni obaaya yɛ maŋsɛɛ lɛ fata ogbɛfaa he gbɛjianɔtoi ahe lɛ, esa akɛ okɛ wolo ni obaaŋma ni okɛbi saji ni kɔɔ gbii, bei, kɛ hei ni abaafee kpeei lɛ yɛ lɛ he lɛ amaje nitsumɔhe nine ni kwɛɔ nitsumɔ lɛ nɔ yɛ nakai shikpɔŋ lɛ nɔ lɛ. Ato nitsumɔhe niji lɛ adrɛs lɛ anaa yɛ Yearbook ni je kpo nyɛsɛɛ nɛɛ naagbee baafa lɛ mli.