Adafitswai

◼ Wolo ni akɛbaaha yɛ February: Akɛ Tsi Obɛŋkɛ Yehowa wolo lɛ baaha. Kɛ́ enɛ eko bɛ lɛ, abaanyɛ akɛ Kpojiemɔ Naagbee wolo lɛ aha. March: Nyɛkɛ Kasemɔ Nii Kɛjɛ Tsɔɔlɔ Kpele lɛ Ŋɔɔ wolo lɛ ahaa. Kɛ mɔ lɛ bɛ bi lɛ, no lɛ okɛ Weku Miishɛɛ wolo lɛ aha lɛ. April: Nyɛkɛ wolo hee ni ji Mɛni Biblia lɛ Tsɔɔ Diɛŋtsɛ? lɛ ahaa. Nyɛbɔa mɔdɛŋ jogbaŋŋ koni nyɛje Biblia mli nikasemɔi ashishi. May: Nyɛkɛ Buu-Mɔɔ kɛ Awake! woji tɛtrɛbii srɔtoi lɛ ahaa.

◼ Akɛni otsii anaagbee enumɔ yɔɔ April mli hewɔ lɛ, ebaafee nyɔŋ ni sa jogbaŋŋ akɛ aaatsu gbɛgbalɔi awamɔ nitsumɔ lɛ.

◼ Saneyitso kɛha maŋshiɛmɔ krɛdɛɛ ni abaaha kɛha afi 2006 Kaimɔ be lɛ ji “Ani Nyɔŋmɔ Kã He Eeye Nɔ?” Kwɛmɔ adafitswaa ni kɔɔ enɛ he, ní yɔɔ September 2005 Wɔ Maŋtsɛyeli Sɔɔmɔ lɛ mli lɛ mli.

◼ Yɛ Sɔɔmɔ Kpee ni abaafee yɛ April 3 otsi lɛ mli lɛ, abaasusu sane ni yɔɔ baafa 6 lɛ ní yitso ji “Ná Mɛni Biblia lɛ Tsɔɔ Diɛŋtsɛ? Wolo lɛ ni Wɔbaakase lɛ He Miishɛɛ” lɛ he. Ofainɛ okɛ nakai sane lɛ kɛ nikasemɔ he gbɛjianɔtoo ni fata he lɛ ato.

◼ Onukpai asɛinɔtalɔ loo mɔ ko ni ehala lɛ lɛ akwɛ asafo lɛ shika he akɔntaabuu mli yɛ March 1 loo yɛ no sɛɛ nɔŋŋ. Kɛji akɛ shika kroko yɛ ni Maŋtsɛyeli Asa nitsumɔ he ajinafoi akuu lɛ kwɛɔ nɔ loo shika kroko yɛ kɛha tsumaa lɛ, no lɛ esa akɛ ato gbɛjianɔ koni akwɛ shika nɛɛ hu mli. Kɛ́ akwɛ mli agbe naa lɛ, esa akɛ atswa asafo lɛ adafi beni akaneɔ shika he akɔntaabuu ni baanyiɛ sɛɛ lɛ.

◼ Onukpai asɛinɔtalɔi kɛ woloŋmalɔi lɛ akwɛ akɛ mɔ ni kwɛɔ woji ashɛɛ nɔ, loo sɔɔlɔ ni kwɛɔ woji anɔ lɛ kɛ asafo S-14 wolo ni akadi lɛ akɛ “2007 Annual Request Items Only” lɛ emaje nitsumɔhe nine lɛ lo. Kɛ jeee nakai lɛ, nyɛfainɛ nyɛkɛmajea amrɔ nɔŋŋ. Kwɛmɔ December 2005 Wɔ Maŋtsɛyeli Sɔɔmɔ lɛ, baafa 4 kɛ 5 lɛ.

◼ Woloŋmalɔ lɛ kɛ sɔɔmɔ nitsumɔ nɔkwɛlɔ lɛ akwɛ daa gbɛgbalɔi fɛɛ anitsumɔ mli. Kɛji amɛteŋ mɛi komɛi miiná naagba yɛ ŋmɛlɛtswai ni ataoɔ lɛ he lɛ, onukpai lɛ ato gbɛjianɔ koni amɛkɛ yelikɛbuamɔ aha. Nyɛtĩa daa afi S-201 woji ni aŋmalaa lɛ amli kɛha ŋaawoo.