Adafitswai

◼ Wolo ni akɛbaaha yɛ December: Gbɔmɔ ni Fe Mɔ Fɛɛ Mɔ ni Ehi Shi Pɛŋ. Abaanyɛ akɛ Mi-Wolo ni Gbaa Biblia Mli Saji lɛ aha. January: Abaanyɛ akɛ woji ni hiɛ baafai 192 ni akala yɛ wolo ni hiɛ tsuɔ nɔ loo ni su etsake, loo wolo fɛɛ wolo ni afee dani afi 1991 shɛ lɛ aha. Kɛ́ enɛ eko bɛ lɛ, abaanyɛ akɛ Nyɛyaa nɔ Nyɛshia Kpe! wolo bibioo lɛ aha. February: Akɛ Tsi Obɛŋkɛ Yehowa wolo lɛ baaha.

◼ Nitsumɔhe nine lɛ tsuŋ nii yɛ gbii ni nyiɛ sɛɛ nɛɛ anɔ: March 6, afi 2006 kɛ July 1, afi 2006. Atoŋ gbɛjianɔ kɛha shisharamɔ yɛ nakai gbii lɛ anɔ.

◼ Esa ákɛ akɛ Wɔ Maŋtsɛyeli Sɔɔmɔ nɛɛ baafa 3 kɛ 4 lɛ ato, ní akɛtsu kpokpaa nɔ kpee kɛ gbi kome kpee krɛdɛɛ ni abaafee yɛ afi 2006 sɔɔmɔ afi lɛ mli lɛ he nii.

◼ Nyɛkwɛa koni nyɛkɛ afi ŋmalɛ hee lɛ akpɛtɛa nyɛ-Maŋtsɛyeli Asa lɛ nɔ oya yɛ January 1. Esa akɛ afi ŋmalɛ lɛ ni asafoi lɛ fɛɛ kɛbaatsu nii lɛ kɛ nɔ ni yɔɔ Wɔ Maŋtsɛyeli Sɔɔmɔ lɛ mli lɛ akpa gbee pɛpɛɛpɛ. Afi ŋmalɛ lɛ ji “Esa akɛ aboɔ Nyɔŋmɔ moŋ toi fe gbɔmɛi.”—Bɔf. 5:29.

◼ Etsɛŋ ni akɛ Kaimɔ ni abaafee yɛ afi 2006 lɛ he ninefɔɔ woji ni yɔɔ wiemɔ pɔtɛɛ ni asafo fɛɛ asafo wieɔ lɛ mli lɛ baamaje. Kɛji akɛ awieɔ wiemɔi krokomɛi yɛ nyɛshikpɔŋkuku lɛ mli, ni nyɛbaasumɔ koni amaje nyɛ ninefɔɔ woji lɛ eko yɛ nakai wiemɔi lɛ amli lɛ, no lɛ esa akɛ nyɛkɛ Literature Request Form (S-14) lɛ ashɛ eko amrɔ nɔŋŋ.

◼ Akɛ Congregation Meeting Information (S-5) wolo miimaje asafoi fɛɛ. Esa akɛ woloŋmalɔ lɛ aŋmala enɛ nɔ nii. Ehe miihia ni akɛ tɛlifoŋ ni naagba bɛ he, ní abaanyɛ atsɔ nɔ koni nine ashɛ asafo lɛ nɔ lɛ nɔmbai (kɛ nɔtsɛmɛi lɛ agbɛi) amaje nitsumɔhe nine lɛ. Kɛji akɛ nyɛbaatsake bei ni nyɛkɛfeɔ asafoŋ kpeei lɛ jio nyɛtsakeŋ jio, ofainɛ ŋmaa wolo lɛ nɔ nii ni okɛmaje yɛ be naa.

◼ Nyɛfainɛ nyɛkadia akɛ abaaye afi 2007 Kaimɔ lɛ Ju, April 2 beni hulu enyɔ shi sɛɛ. Atsɔ hiɛ akɛ adafitswaa nɛɛ miiha, bɔni afee ni ekolɛ kɛ́ asafoi srɔtoi kpeɔ yɛ Maŋtsɛyeli Asa kometoo mli, ni no hewɔ lɛ ehe baahia ni amɛtao he kroko kɛha nifeemɔ lɛ, amɛnyɛ amɛyabi loo amɛyatao asai oya kɛha nifeemɔ lɛ. Yɛ shihilɛi ni tamɔ nɛkɛ mli lɛ, esa akɛ onukpai lɛ akwɛ ni amɛkɛ he ni abaahai lɛ nɔkwɛlɔi lɛ aba gbeekpamɔ bɔni afee ní nifeemɔi krokomɛi ni yaa nɔ yɛ jɛmɛ lɛ akagba amɛnaa, koni anyɛ aye Kaimɔ lɛ yɛ toiŋjɔlɛ kɛ gbɛjianɔtoo kpakpa naa.

◼ Yɛ bɔ ni Kaimɔ lɛ he hiaa ha hewɔ lɛ, esa akɛ onukpai akuu lɛ ahala onukpai lɛ ateŋ mɛi ni sa jogbaŋŋ lɛ ateŋ mɔ kome ákɛ wielɔ, fe nɔ ni amɛaato naa kɛkɛ aloo ni akɛ nyɛmi nuu kome too lɛ nɔŋŋ aaatsu nii afi fɛɛ afi. Kɛji akɛ mɛi ni afɔ amɛ mu lɛ ateŋ mɔ ko ni eji onukpa ni he esa yɛ ni baanyɛ aha wiemɔ lɛ, esa akɛ ahala lɛ ni eha wiemɔ lɛ.

◼ Daa nyɔŋ nɔ kɛji akɛ aakane shika he akɔntaabuu lɛ, nyɛfainɛ nyɛhaa asafo lɛ alea shika ni nyɛkɛmaje kɛha jeŋ muu fɛɛ nitsumɔ lɛ, Maŋtsɛyeli Asa Tsumaa fotro lɛ, kɛ ekrokomɛi lɛ. Koni no sɛɛ lɛ nyɛkɛ miishɛɛ ajie nyɛmimɛi lɛ ayi, yɛ amɛtsui mli ni amɛjɛ amɛtsu onia kɛfi Maŋtsɛyeli nitsumɔ sɛɛ lɛ hewɔ.