Teokrase Sɔɔmɔ Skul Lɛ Mlitĩi

Abaasusu sanebimɔi ni nyiɛ sɛɛ nɛɛ ahe yɛ Teokrase Sɔɔmɔ Skul nifeemɔ lɛ mli yɛ otsi ni jeɔ shishi kɛjɛ October 31, afi 2005 lɛ mli kɛtsɔ sanebimɔi kɛ hetooi anɔ. Skul nɔkwɛlɔ lɛ kɛ minitii 30 baafee saji amlitĩi lɛ, ni ebaadamɔ nifeemɔi ni afee kɛjɛ September 5 otsi lɛ kɛyashi October 31, afi 2005 otsi lɛ nɔ. [Kadimɔ: Hei ni atsɔɔɔ he ni sanebimɔi lɛ jɛ yɛ sanebimɔi lɛ anaagbee lɛ yɛ kɛha mɔ diɛŋtsɛ nii amli taomɔ koni ekɛtao hetooi lɛ.—Kwɛmɔ Sɔɔmɔ Skul, bf. 36-37.]

WIEMƆ SUI

1. Mɛɛ gbɛ nɔ wɔɔtsɔ wɔkwɛ koni wɔnitsɔɔmɔ ni jɛ Nyɔŋmɔ Wiemɔ lɛ mli lɛ ashɛ mɛi mfonirifeemɔŋ tsui lɛ he? (Mat. 13:19) [be-GA bf. 258 kk. 1-2, akrabatsa]

2. Mɛni baanyɛ aye abua wɔ koni wɔle nɔ ni yɔɔ mɔ ko tsui mli, shi mɛni esa akɛ wɔkwɛ jogbaŋŋ yɛ he? [be-GA bf. 259 kk. 2-3]

3. Kɛ́ wɔmiitsɔɔ nii lɛ, mɛni hewɔ esa akɛ wɔma Yehowa naakpɛɛ sui lɛ anɔ mi lɛ? [be-GA bf. 260 kk. 1]

4. Mɛɛ gbɛ nɔ wɔbaanyɛ wɔtsɔ wɔye wɔbua wɔ-Biblia mli nikaselɔi lɛ koni amɛyɔse hei ni ehe hiaa ni amɛfee tsakemɔi yɛ amɛshihilɛ mli? [be-GA bf. 260 kk. 4–bf. 261 kk. 1]

5. Mɛni wɔbaanyɛ wɔfee kɛye wɔbua wɔ-Biblia mli nikaselɔi loo toibolɔi lɛ koni amɛpɛi amɛyiŋtoi ni amɛkɛfeɔ nii lɛ amli? [be-GA bf. 262 kk. 2-3]

NIFEEMƆ NI JI 1

6. Mɛni ‘mɔdɛŋbɔɔ ni akɛtaoɔ’ Yehowa ‘sɛɛ gbɛ’ lɛ tsɔɔ, ni mɛɛ gbɛ nɔ wɔbaanyɛ wɔtsɔ wɔtsɔɔ akɛ wɔmiifee enɛ? (Heb. 11:6) [w03-GA 8/15 bf. 25 kk. 2; bf. 26 kk. 1-2; bf. 27 kk. 2]

7. Mɛni ji ‘tsámɔ wiemɔi akadi lɛ,’ ni mɛɛ gbɛ nɔ onukpai baanyɛ atsɔ amɛtsɔɔ akɛ amɛhiɛ mli? (2 Tim. 1:13, 14) [w03-GA 1/1 bf. 29 kk. 3–bf. 30 kk. 1]

8. Mɛni wiemɔ ni ji “Bible canon” lɛ tsɔɔ, ni mɛɛ nibii haa aleɔ akɛ Biblia mli wolo ko ja? [si bf. 299 kk. 5-6]

9. Mɛni hewɔ Muratori Wolo Fã ko ni ana yɛ afii 200 Ŋ.B. lɛ ji wolo ko ni he hiaa ni maa nɔ mi akɛ Kristofoi a-Hela Ŋmalɛi lɛ ja lɛ? [si bf. 302 kk. 19]

10. Mɛɛ hegbɛ Ŋmalɛi lɛ diɛŋtsɛ kɛhaa ni tsɔɔ akɛ esa akɛ atsɔɔ Biblia lɛ shishi, ni mɛɛ yiŋtoo blema Biblia shishitsɔɔmɔi etsu he nii? [si bf. 307 kk. 9]

DAA OTSI BIBLIA KANEMƆ

11. Ani 2 Maŋtsɛmɛi 13:21 lɛ fiɔ woo ni akɛhaa hetselɔi ni egboi lɛ ahe nibii lɛ sɛɛ?

12. Ani Hezekia kɛ Mizraim fee kpaŋmɔ? (2 Maŋ. 18:19-21, 25)

13. Eyɛ mli akɛ Ashur yinɔsaji ni aŋmala ashwie shi lɛ ewieee Sanherib nɔ kunim ni sa kadimɔ ni Yehowa ye lɛ he tɛ̃ɛ moŋ, shi mɛni onáa he miishɛɛ yɛ nakai saji ni aŋma lɛ amli? (2 Maŋ. 19:35, 36)

14. Namɔ ji Shealtiel tsɛ? (1 Kron. 3:16-18)

15. Mɛɛ nɔkwɛmɔnɔ Rubenbii lɛ kɛ Gadbii lɛ kɛ Manase akutso lɛ fã lɛ fee yɛ Maŋtsɛ Saul gbii lɛ amli amɛfɔ shi kɛha Nyɔŋmɔ tsuji ni yɔɔ ŋmɛnɛ lɛ? (1 Kron. 5:18-22)