Adafitswai

◼ Wolo ni akɛbaaha yɛ May: Akɛ Buu-Mɔɔ kɛ Awake! woji tɛtrɛbii lɛ aha. Nyɛbɔa mɔdɛŋ koni nyɛkɛ mɛi ni ekase Nilee wolo lɛ kɛ Taoɔ wolo bibioo lɛ momo lɛ ajea shia Biblia mli nikasemɔ shishi yɛ Já Nyɔŋmɔ wolo lɛ mli. June: Kasemɔ Nii Kɛjɛ Tsɔɔlɔ Kpele lɛ Ŋɔɔ. Kɛ́ mɔ lɛ bɛ bi lɛ, no lɛ okɛ Weku Miishɛɛ loo Nilee wolo lɛ aha lɛ. July kɛ August: Nyɛkɛ wolo bibioo ni hiɛ baafai 32, ni nyɛyɔɔ ni sa lɛ aha.

◼ Esa akɛ Onukpai asɛinɔtalɔ lɛ loo mɔ ko ni ehala lɛ lɛ akwɛ asafo lɛ shika mli yɛ June 1 loo no sɛɛ nɔŋŋ. Kɛji akɛ asafo lɛ yɛ shika fotro kroko, tamɔ shika ni Maŋtsɛyeli Asa he nitsumɔ ajinafoi akuu lɛ kɛtsuɔ nii loo shika kɛha tsumaa lɛ, no lɛ esa akɛ ato gbɛjianɔ koni akwɛ shika nɛɛ hu mli. Kɛ́ akwɛ mli agbe naa lɛ, esa akɛ atswa asafo lɛ adafi be mli ni akaneɔ shika he akɔntaabuu ni baanyiɛ sɛɛ lɛ.

◼ Shiɛlɔi babaoo etswa nitsumɔhe nine lɛ tɛlifoŋ yɛ Maŋtsɛyeli lalai komɛi ni afee lɛ tamɔ lalai ní eba nɔ, ní amrɔ nɛɛ eegbɛ eeshwã Yehowa Odasefoi ateŋ lɛ he. Amɛmiitao ni amɛle kɛji akɛ asafo lɛ kpɛlɛɔ enɛɛmɛi anɔ lo. Wɔle akɛ nɛkɛ lalai nɛɛ yɛ, ni wɔmiisumɔ ni wɔha nyɛle akɛ wɔkpɛlɛɛɛ enɛɛmɛi anɔ. Nyɛfainɛ nyɛkɛ eko akahãhãa nyɛhe, ni nyɛkajiea eko kɛmiijɛ Internet lɛ nɔ. Wɔheɔ wɔyeɔ akɛ nɛkɛ saji nɛɛ baajaje nyɛsusumɔi.

◼ Aakai Maŋtsɛyeli Asa he Nitsumɔ ajinafoi akui koni amɛsaa nibii fɛɛ ni efite yɛ Maŋtsɛyeli Asa lɛ he lɛ yɛ nɛkɛ be nɛɛ mli. Esa akɛ amɛkwɛ CN-14 wolo ni amɛkɛto woji amli lɛ mli koni amɛkwɛ nibii ni eshwɛ ni esa akɛ amɛsaa yɛ Maŋtsɛyeli Asa lɛ he. Esa akɛ onukpai asɛinɔtalɔi lɛ akwɛ koni atsu enɛ he nii amrɔ nɔŋŋ.