Teokrase Sɔɔmɔ Skul Lɛ Mlitĩi

Abaasusu sanebimɔi ni nyiɛ sɛɛ nɛɛ ahe yɛ Teokrase Sɔɔmɔ Skul nifeemɔ lɛ mli yɛ otsi ni jeɔ shishi kɛjɛ April 25, 2005 lɛ mli kɛtsɔ sanebimɔi kɛ hetooi anɔ. Skul nɔkwɛlɔ lɛ kɛ minitii 30 baafee saji amlitĩi lɛ, ni ebaadamɔ nifeemɔi ni afee kɛjɛ March 7 otsi lɛ kɛyashi April 25, 2005 otsi lɛ nɔ. [Kadimɔ: Hei ni atsɔɔɔ he ni sanebimɔi lɛ jɛ yɛ sanebimɔi lɛ anaagbee lɛ yɛ kɛha mɔ diɛŋtsɛ nii amli taomɔ koni ekɛtao hetooi lɛ.—Kwɛmɔ Sɔɔmɔ Skul, bf. 36-37.]

WIEMƆ SUI

1. Kɛ́ wɔmiisaa wɔhe kɛha wiemɔ ko hamɔ lɛ, mɛɛ gbɛ nɔ wɔɔtsɔ wɔkɛ sane ni akɛha wɔ lɛ atsu nii jogbaŋŋ, ni mɛni hewɔ enɛ he hiaa lɛ? [be-GA bf. 234 kk. 1–3, akrabatsai]

2. Sane ni akɛha lɛ falɛ enyiɛ esa akɛ wɔbɔ mɔdɛŋ wɔkɛtsu nii yɛ wiemɔ ni wɔbaaha lɛ mli? [be-GA bf. 234 kk. 4–bf. 235 kk. 1]

3. Te wɔɔfee tɛŋŋ wɔkɛ sanebimɔi atsu nii kɛwo sanegbaa he hewalɛ yɛ shiɛmɔ nitsumɔ lɛ mli? (Bɔf. 8:30) [be-GA bf. 236 kk. 2-5]

4. Te wɔɔfee tɛŋŋ wɔkɛ sanebimɔi atsu nii kɛye wɔbua Biblia kaselɔi koni amɛkɛ ‘amɛjwɛŋmɔŋ nyɛmɔi’ atsu nii? (Rom. 12:1) [be-GA bf. 238 kk. 1]

5. Mɛɛ hewalɛ yɔɔ sanebimɔi ni jeɔ kpo yɛ Romabii 8:31, 32 kɛ Yesaia 14:27 lɛ amli? [be-GA bf. 239 kk. 1-2]

NIFEEMƆ NI JI 1

6. Mɛɛ gbɛ nɔ wɔɔtsɔ ‘wɔtswa Kristo akɛ faneshi’ yɛ wɔ kaselɔ-feemɔ nitsumɔ lɛ mli? (1 Kor. 3:11) [be-GA bf. 278 kk. 1-2]

7. Akɛni Yehowa kɛ nɔyeli hegbɛ fɛɛ ha e-Bi lɛ yɛ afi 1914 hewɔ lɛ, mɛɛ shishinumɔ naa wɔsɔleɔ yɛ akɛ ‘Omaŋtsɛyeli lɛ aba’ lɛ? (Mat. 6:9, 10) [be-GA bf. 279 kk. 4]

8. Mɛni hewɔ esa akɛ Kristofoi fɛɛ afee mɛi ni sumɔɔ ni amɛle nikanemɔ lɛ, ni Yesu fee enɛ he nɔkwɛmɔnɔ yɛ mɛɛ gbɛ nɔ? [w03-GA 3/15 bf. 10 kk. 5; bf. 12 kk. 2]

9. Mɛɛ gbɛ nɔ Yosia kɛ Yesu nɔkwɛmɔnii lɛ baanyɛ aye abua oblahii kɛ oblayei bibii koni amɛya amɛhiɛ yɛ mumɔŋ? [w03-GA 4/1 bf. 8 kk. 3-4; bf. 10 kk. 3]

10. Mɛni hewɔ wɔbaanyɛ wɔkɛ wɔhiɛ afɔ̃ Nyɔŋmɔ nɔ lɛ? (Abɛi 3:5, 6) [w03-GA 11/1 bf. 4 kk. 6-bf. 5 kk. 1]

DAA OTSI BIBLIA KANEMƆ

11. Mɛni hewɔ Hana sɔle akɛ Yehowa ‘kɛ hewalɛ aha emaŋtsɛ lɛ’ be mli ni adesa maŋtsɛ ko bɛ ni yeɔ Israel nɔ lɛ? (1 Sam. 2:10)

12. Mɛni wɔbaanyɛ wɔkase kɛjɛ anɔkwa sane ni tsɔɔ akɛ aye Israelbii lɛ anɔ kunim yɛ kpaŋmɔ adeka lɛ ni yɔɔ amɛteŋ lɛ fɛɛ sɛɛ lɛ mli? (1 Sam. 4:3, 4, 10)

13. Mɛni hewɔ ni 1 Kronika 2:13-15 lɛ wie David he akɛ Ishai bihii lɛ ateŋ mɔ ni ji kpawo, yɛ be mli ni 1 Samuel 16:10, 11 tsɔɔ akɛ lɛ ji mɔ ni ji kpaanyɔ lɛ?

14. Mɛɛ “mumɔ fɔŋ” haoɔ Saul lɛ? (1 Sam. 16:14)

15. Ani gbalɛ ni mɔ ni akɛɛ eji Samuel lɛ kɛtsɔ okɔmfo ni yɔɔ Endor lɛ nɔ lɛ ba mli anɔkwale? (1 Sam. 28:16-19)