Adafitswai

◼ January: Abaanyɛ akɛ woji ni hiɛ baafai 192 ni akala yɛ wolo ni hiɛ tsuɔ nɔ loo ni su etsake, loo wolo fɛɛ wolo ni afee dani afi 1990 shɛ, ni ekolɛ nyɛyɔɔ eko yɛ nyɛ asafo lɛ mli lɛ eko fɛɛ eko aha. Asafoi ni bɛ enɛɛmɛi eko lɛ baanyɛ amɛkɛ Nyɔŋmɔ Sɛɛ Gbɛ ni Adesai Taoɔ wolo lɛ aha. February: Akɛ Tsi Obɛŋkɛ Yehowa wolo lɛ baaha.

◼ Kɛjɛ March kɛyaa lɛ, maŋshiɛmɔ hee ni kpokpaa nɔkwɛlɔi baaha lɛ ji “Feemɔ Onii yɛ Nilee Mli yɛ Jeŋ ni Lé Nii lɛ Mli.”

◼ Esa akɛ asafoi ato gbɛjianɔ ni sa koni aye afi nɛɛ Kaimɔ lɛ Soo, March 24, beni hulu enyɔ shi sɛɛ. Eyɛ mli akɛ abaanyɛ aje wiemɔ lɛ shishi mra moŋ, shi esaaa akɛ akɛ okadi nibii lɛ haa, ja hulu enyɔ shi sɛɛ dã. Yɛ hei ni asafoi babaoo kpeɔ yɛ Maŋtsɛyeli Asa kome mli lɛ, ekolɛ asafo kome loo asafoi babaoo baanyɛ atao he kroko kɛha nakai gbɛkɛ lɛ. Kɛ́ eeehi lɛ, wɔmiiwo ŋaa akɛ kɛ́ hooo lɛ aha minitii 40 aho dani gbɛjianɔtoo kɛha kpee ni baanyiɛ sɛɛ lɛ aje shishi, koni mɛi fɛɛ anyɛ aná nifeemɔ lɛ he sɛɛ kɛmɔ shi. Esa akɛ asusu tsɔnei agbɛtsĩi kɛ tsɔnei amaamɔhei anaagbai ahe, kɛ hei ni mɛi yiɔ shi yɛ tsɔnei amli ni amɛkwɔɔ yɛ lɛ he. Esa akɛ onukpai akuu lɛ asusu gbɛjianɔtoi ni baahi jogbaŋŋ kɛha amɛ yɛ he ni amɛyɔɔ lɛ he.

◼ Nyɛkwɛa ni nyɛkɛ afi ŋmalɛ hee lɛ akpɛtɛa nyɛ-Maŋtsɛyeli Asa lɛ nɔ amrɔ nɔŋŋ yɛ January 1. Esa akɛ afi ŋmalɛ kɛha asafo fɛɛ asafo lɛ kɛ bɔ ni aŋma lɛ yɛ Wɔ Maŋtsɛyeli Sɔɔmɔ lɛ mli lɛ anyiɛ pɛpɛɛpɛ. Afi ŋmalɛ lɛ ji ‘Miyelikɛbuamɔ jɛɔ Yehowa Ŋɔɔ.’—Lala 121:2.

◼ Aakai asafoŋ sɛinɔtalɔi koni amɛfee tsakemɔi ni he hiaa kɛha “Kpokpaa nɔ Kpee He Gbɛjianɔtoo Hee” lɛ he susumɔ. Esa akɛ asusu “Kpokpaa Nɔ Kpee Mlitĩi” lɛ he yɛ kpokpaa nɔ kpee lɛ sɛɛ nɔŋŋ. Nyɛnyiɛa gbɛtsɔɔmɔi ni yɔɔ August 2004 Wɔ Maŋtsɛyeli Sɔɔmɔ lɛ baafa 4 lɛ mli lɛ sɛɛ.

◼ Akɛ Sɔɔmɔ Kpee he gbɛjianɔtoo ni akɛbaasusu vidio ni ji David—He Trusted in God (David—Ekɛ Ehe Fɔ̃ Nyɔŋmɔ Nɔ) lɛ baawo March Wɔ Maŋtsɛyeli Sɔɔmɔ lɛ mli. Vidio nɛɛ yɛ DVD nɔ pɛ, ni eyitso ji Noah Walked With God—David Trusted in God. Abaanyɛ atsɔ woji ni asafo lɛ baashɛ kɛnyiɛ sɛɛ lɛ nɔ ashɛ DVD lɛ eko.

◼ Amrɔ nɛɛ aahe agbe wɔnitsumɔhe nine lɛ mligbelemɔ nitsumɔ lɛ naa. Nyɛmimɛi hii kɛ yei ni nuɔ Blɔfo wiemɔ shishi ní amɛbaanyɛ amɛŋma wiemɔ ko ni awieɔ yɛ maŋ nɛɛ mli lɛ ahe miihia waa, koni atsɔse amɛ ni amɛye amɛbua yɛ Wiemɔi Ashishitsɔɔmɔ Nitsumɔhe lɛ. Wɔmiitao mɛi ni baanyɛ aŋma Dangme, Ewe, Ga, Frafra, Nzema, kɛ Twi. Mɛi ni shɛɔ taomɔnii lɛ ahe ni yɔɔ he miishɛɛ lɛ baanyɛ aŋma nitsumɔhe nine lɛ.