Wolo ni Jɛ Nitsumɔhe Nine

Maŋtsɛyeli Shiɛlɔi ni Asumɔɔ:

Amrɔ nɛɛ agbe Wallkill woji akalamɔhe ni yɔɔ United States lɛ mligbelemɔ naa, ni akɛmiitsu nii. Akɛ woji akalamɔ tsɔji heei enyɔ, ni eko fɛɛ eko baanyɛ akala woji tɛtrɛbii ni naa shɛɔ 90,000 yɛ ŋmlɛtswaa kome mli kɛ tsɔne hee kroko ni akɛkalaa woji wuji aaafee 120 yɛ miniti kome mli lɛ ebafata he. Akɛni ajie woji akalamɔ nitsumɔhe lɛ kɛtee Wallkill hewɔ lɛ, ahɔɔ 360 Furman Street tsu ni yɔɔ Brooklyn lɛ.

Woji akalamɔ nitsumɔhe lɛ ni ajie kɛtee he kroko lɛ bi ni ajie nyɛmimɛi hii kɛ yei aaafee 300 kɛjɛ Brooklyn kɛya Wallkill. Kɛfata he lɛ, ajie nyɛmimɛi ni naa shɛɔ 100 ni kɛ amɛhe eha ni tsuɔ nitsumɔhe nine lɛ kɔmpiuta kɛ amɛhe gbɛjianɔtoo lɛ he nii lɛ kɛjɛ Wallkill kɛtee Brooklyn, heni amrɔ nɛɛ Information Systems Department lɛ tsuɔ nii yɛ titri lɛ.

Agbe Ghana nitsumɔhe nine lɛ mligbelemɔ ni yaa nɔ yɛ Accra lɛ oha mlijaa 90 naa, ni abɔi nitsumɔ yɛ tsũi ni agbe naa lɛ amli. Abaagbe nitsumɔ lɛ naa yɛ afi 2005 shishijee mli.

Kaimɔ be lɛ ji be ko ni akɛ ekãa tsu nii waa yɛ Ghana. Gbɛgbalɔi awalɔi ayikulɛ lɛ yashɛ 4,696 yɛ April mli, ni yifalɛ hee ni ji mɛi 272,692 ba Nuŋtsɔ lɛ Gbɛkɛnaashi Niyenii lɛ shishi.

Wɔkɛ nyɛ fɛɛ miikwɛ gbɛ akɛ ‘wɔbaateke nɔ yɛ Nuŋtsɔ lɛ nitsumɔ lɛ mli’ beni wɔjeɔ afi 2005 sɔɔmɔ afi lɛ shishi lɛ.—1 Kor. 15:58.

Nyɛnyɛmimɛi,

Ghana Nitsumɔhe Nine