Kpokpaa Nɔ Kpee Mlitĩi
Akɛ sane nɛɛ baatsu nii ní akɛsusu kpokpaa nɔ kpee he gbɛjianɔtoo kɛha afi 2005 sɔɔmɔ afi lɛ he kɛtsɔ kpee lɛ hiɛ, ni akɛbaatĩ mli kɛ́ agbe kpee lɛ naa. Sane ni ji “Gbɛjianɔtoo Hee Kɛha Kpokpaa kɛ Gbi Kome Kpee Nifeemɔi Amlitĩi,” ni je kpo yɛ nɔ ni aŋma ahɔ August 2004 nɔ̃ lɛ mli lɛ baafa 4 lɛ tsɔɔ bɔ ni abaatsu enɛ he nii aha. Too be lɛ he gbɛjianɔ koni anyɛ abi sanebimɔi lɛ fɛɛ be ni atĩɔ sane lɛ mli lɛ. Esa akɛ sane mlitĩi lɛ atsɔɔ bɔ ni wɔbaafee wɔkɛ saji ní akɛha lɛ atsu nii lɛ mli.
KLƐŊKLƐŊ GBI LEEBI KPEE
1. Mɛni baaye abua wɔ koni wɔná Nyɔŋmɔ he nilee?
2. Mɛɛ mɔdɛŋ mɛi ni yɔɔ kpokpaa lɛ nɔ lɛ ebɔ koni amɛshiɛ sanekpakpa lɛ amɛtsɔɔ mɛi babaoo?
KLƐŊKLƐŊ GBI SHWANE KPEE
3. Mɛni hewɔ ehe hiaa akɛ Kristofoi aya nɔ afee mɛi ni he tse yɛ mligbɛ lɛ? Ni mɛni enɛ biɔ ni wɔfee?
4. Mɛɛ gbɛ nɔ wɔbaanyɛ wɔkɛ wɔhe atsɔɔ yɛ akɛ wɔsumɔɔ ni toiŋjɔlɛ ahi wɔkɛ wɔnyɛmimɛi lɛ ateŋ?
5. Mɛni ji hiɛshikamɔ, ni wɔbaanyɛ wɔjie lɛ kpo yɛ bɔ ni wɔkɛ wɔbe tsuɔ nii wɔhaa lɛ mli yɛ mɛɛ gbɛ nɔ?
6. Mɛni wɔkaseɔ kɛjɛɔ Saul kɛ Noa nɔkwɛmɔnɔ lɛ mli? Mɛɛ gbɛ̀i anɔ wɔbaanyɛ wɔkɛ wɔhe atsɔɔ yɛ akɛ wɔfee ‘klalo akɛ wɔbaafee toiboo’? (Yak. 3:17)
7. Mɛɛ gbɛ nɔ Kristofoi baanyɛ atsɔ akwa amɛhe ni amɛkɛaawo jeŋbai srɔtoi enyɔ mli?
8. Wɔbaanyɛ wɔkase Paulo nɔkwɛmɔnɔ lɛ yɛ Nyɔŋmɔ he nilee lɛ shiɛmɔ mli yɛ mɛɛ gbɛ nɔ?
GBI NI JI ENYƆ LEEBI KPEE
9. Mɛni hewɔ esa akɛ wɔkwɛ jogbaŋŋ yɛ nibii ni wɔtiuɔ sɛɛ lɛ ahalamɔ mli lɛ, ni mɛni baaye abua wɔ koni wɔfee nakai?
10. Mɛɛ mɔdɛŋ mɛi ni yɔɔ kpokpaa lɛ nɔ lɛ bɔɔ koni amɛya kpeei daa, ni amɛná enɛ feemɔ he sɛɛ yɛ mɛɛ gbɛ nɔ?
11. Mɛɛ gbɛ nɔ wekuyitsei baanyɛ atsɔ amɛtswa amɛshiabii lɛ amɛma shi?
12. Mɛɛ kpokpaa nɛɛ hiamɔ nii agbala wɔjwɛŋmɔ kɛtee nɔ?
GBI NI JI ENYƆ SHWANE KPEE
13. Taakɛ awie he yɛ maŋshiɛmɔ lɛ mli lɛ, mɛɛ jalɛ nifeemɔi ahe yibii nilee ni jɛ ŋwɛi lɛ woɔ?
14. Mɛni hewɔ nilee bɛ mli akɛ wɔkɛ wɔhe baafɔ mɛi ni Nyɔŋmɔ he nilee kudɔɔɔ amɛ lɛ anɔ, loo wɔ diɛŋtsɛ wɔhe nɔ lɛ? Mɛɛ hei esa wɔkwɛ wɔhe nɔ jogbaŋŋ yɛ?
15. Nyɔŋmɔ he nilee lɛ buɔ wɔhe kɛjɛɔ mɛɛ osharai ahe?
16. Mɛni hewɔ ehe hiaa ni wɔkɛ ŋaawoo ni akɛha yɛ kpokpaa nɔ kpee gbɛjianɔtoo lɛ mli lɛ atsu nii lɛ?