Adafitswai

◼ Wolo ni akɛbaaha yɛ March: Nilee Ni Kɛ Mɔ Yaa Naanɔ Wala Mli. Abaabɔ mɔdɛŋ krɛdɛɛ ni aje shia Biblia mli nikasemɔi ashishi. Kɛji akɛ mɛi yɛ wolo nɛɛ eko momo lɛ, abaanyɛ akɛ Bó Daniel Gbalɛ lɛ Toi! wolo lɛ aha. April kɛ May: Akɛ Buu-Mɔɔ kɛ Awake! woji tɛtrɛbii lɛ baaha. Kɛ́ ooku osɛɛ oyasara mɛi ni yɔɔ wiemɔ lɛ he miishɛɛ, ni ekolɛ mɛi ni ba Kaimɔ lɛ loo teokrase nifeemɔi krokomɛi ashishi, shi amɛkɛ asafo lɛ ebɔɔɔ tsɔ̃ lɛ fata he lɛ, bɔɔ mɔdɛŋ ni oha amɛ Ja Nyɔŋmɔ wolo lɛ eko. Esa akɛ abɔ mɔdɛŋ fɛɛ ni aaanyɛ koni akɛje shia Biblia mli nikasemɔ shishi, titri lɛ kɛji aŋkroaŋkroi komɛi ekase Nilee wolo lɛ kɛ Taoɔ wolo bibioo lɛ momo. June: Kasemɔ Nii Kɛjɛ Tsɔɔlɔ Kpele lɛ Ŋɔɔ. Kɛ́ mɛi kɛɛ amɛbɛ bii lɛ, no lɛ akɛ Taoɔ wolo bibioo lɛ aha amɛ. Kɛ́ akɛ wolo bibioo lɛ miitsu nii lɛ, esa akɛ abɔ mɔdɛŋ ni aje shia Biblia mli nikasemɔi ashishi.

◼ Nitsumɔhe nine lɛ kɛ woji ni shiɛlɔi aŋkroaŋkroi lɛ diɛŋtsɛ shɛɔ lɛ emajeee amɛ. Esa akɛ onukpai asɛinɔtalɔ lɛ ato gbɛjianɔ ni atswa adafi daa nyɔŋ nɔ koni mɛi fɛɛ ni miisumɔ ní amɛná amɛ diɛŋtsɛ amɛ woji lɛ aha nyɛmi nuu ni kwɛɔ woji anɔ lɛ ale, dani akɛ asafo daa nyɔŋ nɔ nibii ashɛɛ he wolo lɛ amaje nitsumɔhe nine lɛ. Nyɛfainɛ nyɛhaa woji ni ashɛɛɛ ashwieee shi lɛ ahia nyɛjwɛŋmɔ mli.

◼ Esa akɛ shiɛlɔi ni miisumɔ ni amɛsɔmɔ akɛ gbɛgbalɔi awalɔi yɛ April mli lɛ ato gbɛjianɔ bianɛ ni amɛkɛ amɛ gbɛbimɔ woji lɛ aha mra. Enɛ baaye abua onukpai lɛ koni amɛto gbɛjianɔ ni he hiaa kɛha shiɛmɔyaa, ni aná woji tɛtrɛbii kɛ woji krokomɛi ni fa saŋŋ. Esa akɛ atsɛ́ mɛi fɛɛ ni akpɛlɛɔ amɛnɔ ákɛ gbɛgbalɔi awalɔi lɛ agbɛi atsɔɔ asafo lɛ daa nyɔŋ nɔ.