Adafitswai
◼ Wolo ni akɛbaaha yɛ January: Wolo fɛɛ wolo ni afee dani afi 1988 shɛ ni ekolɛ asafo lɛ yɔɔ eko. Kɛji akɛ nyɛbɛ enɛɛmɛi eko kwraa yɛ nyɛwojiatoohe lɛ, no lɛ nyɛfainɛ, nyɛkwɛa akɛ asafoi ni bɛŋkɛ nyɛ lɛ yɛ woji ni etsɛ lɛ eko ni eshwɛ yɛ amɛwojiatoohe lɛ ni nyɛbaanyɛ nyɛkɛtsu nii lo. Asafoi ni bɛ woji ni etsɛ lɛ baanyɛ amɛkɛ Nyɔŋmɔ Sɛɛ Gbɛ ni Adesai Taoɔ wolo lɛ aha. February: Tsi Obɛŋkɛ Yehowa. Kɛji akɛ nyɛbɛ wolo nɛɛ eko lɛ, nyɛbaanyɛ nyɛkɛ Creation wolo lɛ (agbo loo bibioo) loo Kpojiemɔ Naagbee wolo lɛ aha. March: Nilee Ni Kɛ Mɔ Yaa Naanɔ Wala Mli. Abaabɔ mɔdɛŋ jogbaŋŋ koni aje Biblia mli nikasemɔi ashishi. Kɛji akɛ mɛi yɛ wolo nɛɛ eko momo lɛ, abaanyɛ akɛ Bó Daniel Gbalɛ lɛ Toi! wolo lɛ aha. April: Akɛ Buu-Mɔɔ kɛ Awake! ni yɔɔ lɛ aha. Kɛ́ ooku osɛɛ oyasara mɛi ni yɔɔ wiemɔ lɛ he miishɛɛ lɛ, okɛ mɛi ni ba Kaimɔ lɛ loo teokrase nifeemɔi krokomɛi ashishi shi amɛkɛ gbɛjianɔtoo lɛ ebɔɔɔ tsɔ̃ lɛ afata he. Okɛ ojwɛŋmɔ ama Ja Nyɔŋmɔ wolo lɛ ni okɛaaha lɛ nɔ. Esa akɛ obɔ mɔdɛŋ fɛɛ ni ooonyɛ koni oje shia Biblia mli nikasemɔ shishi, titri lɛ, kɛji aŋkroaŋkroi komɛi ekase Nilee wolo lɛ kɛ Taoɔ wolo bibioo lɛ momo.
◼ Kɛjɛ March 15, 2004 otsi lɛ kɛyaa lɛ, wɔbaakase Tsi Obɛŋkɛ Yehowa yɛ Asafo Woloŋ Nikasemɔ lɛ shishi.
◼ Kɛjɛ March kɛyaa lɛ, maŋshiɛmɔ hee ni kpokpaa nɔkwɛlɔi baaha lɛ ji “Namɔ Jeŋba He Mlai Onyaa He.”
◼ Esa akɛ asafoi ato gbɛjianɔ ni sa koni aye afi nɛɛ Kaimɔ lɛ Hɔgbaa, April 4, beni hulu enyɔ shi sɛɛ. Eyɛ mli akɛ abaanyɛ aje wiemɔ lɛ shishi mra moŋ, shi esaaa akɛ akɛ okadi nibii lɛ haa, ja hulu enyɔ shi sɛɛ dã. Taomɔ kɛjɛ he ni nyɛyɔɔ lɛ maŋ onukpai lɛ adɛŋ be ni hulu kɛnyɔɔ shi yɛ he ni nyɛyɔɔ lɛ. Akɛni afeŋ kpee ko kwraa yɛ nakai gbi lɛ nɔ ja kpeei kɛha shiɛmɔyaa pɛ hewɔ lɛ, esa akɛ afee tsakemɔi ni sa kɛha Buu-Mɔɔ Nikasemɔ lɛ yɛ be kroko mli. Ehe baahia ni kpokpaa nɔkwɛlɔi atsake amɛ gbɛjianɔtoo kɛha kpeeiyaa yɛ otsi lɛ mli yɛ shihilɛ ni yɔɔ he ni amɛyɔɔ lɛ naa. Eyɛ mli akɛ ehi akɛ asafo fɛɛ asafo aaaye amɛ diɛŋtsɛ amɛ Kaimɔ gbijurɔ moŋ, shi ekolɛ jeee daa abaanyɛ afee enɛ. Yɛ hei ni asafoi babaoo kpeɔ yɛ Maŋtsɛyeli Asa kome mli lɛ, ekolɛ asafo kome loo asafoi babaoo baanyɛ atao he kroko kɛha nakai gbɛkɛ lɛ. Yɛ hei ni eeehi feemɔ yɛ lɛ, wɔmiiwo ŋaa akɛ kɛ hoo lɛ aha minitii 40 aho dani gbɛjianɔtoo kɛha kpee kroko lɛ aje shishi, koni mɛi fɛɛ anyɛ aná nifeemɔ lɛ he sɛɛ kɛmɔ shi. Esa akɛ asusu tsɔnei agbɛtsĩi kɛ tsɔnei amaamɔhei ahe naagbai ahe, kɛ hei ni mɛi yiɔ shi yɛ tsɔnei amli ni amɛkwɔɔ yɛ lɛ he. Esa akɛ onukpai akuu lɛ asusu gbɛjianɔtoi ni baahi jogbaŋŋ kɛha amɛ yɛ he ni amɛyɔɔ lɛ he.