Adafitswai
◼ Wolo ni akɛbaaha yɛ December: Gbɔmɔ ni Fe Mɔ Fɛɛ Mɔ ni Ehi Shi Pɛŋ. Kɛ́ enɛ eko bɛ lɛ, abaanyɛ akɛ The Bible—God’s Word or Man’s?, Mi-Wolo ni Gbaa Biblia Mli Saji, loo Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ lɛ aha. January: Wolo fɛɛ wolo ni afee dani afi 1988 shɛ ni ekolɛ nyɛ asafo lɛ yɔɔ eko. Kɛji akɛ nyɛbɛ enɛɛmɛi eko kwraa yɛ nyɛwojiatoohe lɛ, no lɛ nyɛfainɛ, nyɛkwɛa akɛ asafoi ni bɛŋkɛ nyɛ lɛ yɛ woji ni etsɛ lɛ eko ni eshwɛ yɛ amɛwojiatoohe lɛ ni nyɛbaanyɛ nyɛkɛtsu nii lo. Asafoi ni bɛ woji ni etsɛ lɛ baanyɛ amɛkɛ Nyɔŋmɔ Sɛɛ Gbɛ ni Adesai Taoɔ wolo lɛ aha. February: Tsi Obɛŋkɛ Yehowa. Kɛji akɛ nyɛbɛ wolo nɛɛ eko lɛ, nyɛbaanyɛ nyɛkɛ Life—How Did It Get Here? By Evolution or by Creation? loo Kpojiemɔ—Enaagbee Kwraa lɛ Ebɛŋkɛ! lɛ aha. March: Nilee Ni Kɛ Mɔ Yaa Naanɔ Wala Mli. Abaabɔ mɔdɛŋ jogbaŋŋ koni aje Biblia mli nikasemɔi ashishi. Kɛji akɛ mɛi yɛ wolo nɛɛ eko momo lɛ, abaanyɛ akɛ Bó Daniel Gbalɛ lɛ Toi! wolo lɛ aha.
◼ Aakai nyɛmimɛi hii fɛɛ ni kwɛɔ asafo lɛ shika gbɛjianɔtoo lɛ nɔ akɛ, esa ákɛ akɛ onia ni atsuɔ awoɔ adekai lɛ amli kɛha Jeŋ Muu Fɛɛ Nitsumɔ lɛ kɛ Maŋtsɛyeli Asa Tsumaa Fotro lɛ amaje daa nyɔŋ nɔ, ni esaaa ákɛ akɛ nakai shikai lɛ woɔ shika ni afa kɛha Maŋtsɛyeli Asa lɛ maa loo kɛha shikai krokomɛi ni asafo lɛ fite lɛ ahe nyɔmɔ.
◼ Abaaŋa nitsumɔhe nine lɛ naa yɛ gbii ni nyiɛ sɛɛ nɛɛ amli: March 6, 2004 kɛ July 1, 2004. Atoŋ gbɛjianɔ ko kɛhaŋ shisharamɔ yɛ nakai gbii lɛ anɔ.
◼ Etsɛŋ ni akɛ Kaimɔ lɛ he ninefɔɔ woji kɛha afi 2004 (Hɔgbaa, April 4) yɛ wiemɔ pɔtɛɛ ni asafo fɛɛ asafo wieɔ lɛ mli lɛ baamaje nyɛ asafo lɛ. Kɛji akɛ awieɔ wiemɔi krokomɛi yɛ nyɛshikpɔŋkuku lɛ mli, ni nyɛbaasumɔ koni amaje nyɛ ninefɔɔ woji lɛ eko yɛ nakai wiemɔi lɛ amli lɛ, no lɛ esa akɛ nyɛkɛ Literature Request wolo (S-14) lɛ ashɛ eko amrɔ nɔŋŋ. Kaimɔ lɛ he ninefɔɔ woji lɛ yɛ Blɔfo, Ewe, Ga, kɛ Twi wiemɔi amli. Nyɛfainɛ nyɛshɛa wiemɔi pɛ ni he hiaa kɛha nyɛshikpɔŋkuku lɛ.
◼ Nyɛfainɛ nyɛkadia akɛ abaaye afi 2005 Kaimɔ lɛ Soo, March 24, beni hulu enyɔ shi sɛɛ. Yɛ bɔ ni nifeemɔ nɛɛ he hiaa ha hewɔ lɛ, kɛ aahala wielɔ kɛha Kaimɔ lɛ, esa akɛ onukpai akuu lɛ ahala onukpai lɛ ateŋ mɛi ni he esa jogbaŋŋ lɛ ateŋ mɔ kome fe nɔ ni amɛaato naa kɛkɛ aloo ni akɛ nyɛmi nuu kome too lɛ nɔŋŋ aaatsu nii afi fɛɛ afi. Kɛji akɛ shwɛɛnii lɛ ateŋ mɔ ko ni eji onukpa ko ni he esa yɛ ni baanyɛ aha wiemɔ lɛ, esa akɛ ahala lɛ ni eha wiemɔ lɛ.
◼ Nyɛkwɛa ni nyɛkɛ afi ŋmalɛ hee lɛ akpɛtɛa nyɛ-Maŋtsɛyeli Asa lɛ nɔ amrɔ nɔŋŋ yɛ January 1. Esa akɛ afi ŋmalɛ kɛha asafo fɛɛ asafo lɛ kɛ bɔ ni aŋma lɛ yɛ Wɔ Maŋtsɛyeli Sɔɔmɔ lɛ mli lɛ anyiɛ pɛpɛɛpɛ. Afi ŋmalɛ lɛ ji “Nyɛsaraa . . . nyɛsaa nyɛhe nyɛtoa.”—Mat. 24:42, 44.
◼ KADIMƆ: Abaato Sɔɔmɔ Kpee he gbɛjianɔ yɛ Wɔ Maŋtsɛyeli Sɔɔmɔ lɛ mli kɛha kpee be lɛ amli otsii lɛ fɛɛ. Asafoi lɛ baanyɛ afee tsakemɔi ni he baahia lɛ koni amɛnyɛ amɛya “Okɛ Anunyam Aha Nyɔŋmɔ” Majimaji Ateŋ Kpee loo Kpokpaa Wulu nɔ Kpee lɛ. Kɛ ebaahi lɛ, nyɛkɛ minitii 15 atsua nii yɛ naagbee Sɔɔmɔ Kpee nifeemɔ dani nyɛbaaya kpee lɛ mli koni nyɛkɛtĩ ŋaawoo ni yɔɔ tɛ̃ɛ ni kɔɔ nyɛhe ni yɔɔ nɔ ni aŋma ahɔ nyɛsɛɛ nyɔŋ lɛ nɔ Wɔ Maŋtsɛyeli Sɔɔmɔ lɛ mli lɛ mli. Abaato Sɔɔmɔ Kpee muu fɛɛ he gbɛjianɔ yɛ February 2004 nyɔŋ lɛ mli koni akɛtĩ kpee he gbɛjianɔtoo lɛ mli saji otii lɛ amli. Wɔteŋ mɔ fɛɛ mɔ baanyɛ aŋmala saji ni he hiaa kɛ saji otii pɔtɛɛi komɛi ni wɔbaasumɔ ni wɔkɛtsu nii akɛ aŋkroaŋkroi yɛ wɔ diɛŋtsɛ wɔshihilɛ mli kɛ yɛ shiɛmɔ nitsumɔ lɛ mli lɛ wɔshwie shi yɛ kpee lɛ shishi koni wɔkɛsaa wɔhe kɛha nakai sanegbaa lɛ. No sɛɛ lɛ, wɔbaanyɛ wɔtsɔɔ bɔ ni wɔkɛ nakai ŋaawoi lɛ etsu nii kɛjɛ beni wɔtee kpee lɛ wɔba nɛɛ. Ebaafee nɔ ni tswaa wɔ fɛɛ emaa shi akɛ wɔɔnu ni wɔteŋ mɔ fɛɛ mɔ miitsɔɔ bɔ ni ená tsɔsemɔ kpakpa ni akɛha lɛ he sɛɛ eha.