Teokrase Sɔɔmɔ Skul Lɛ Mlitĩi

Abaasusu sanebimɔi ni nyiɛ sɛɛ nɛɛ ahe yɛ Teokrase Sɔɔmɔ Skul nifeemɔ lɛ mli yɛ otsi ni jeɔ shishi kɛjɛ April 28, 2003 lɛ mli kɛtsɔ sanebimɔ kɛ hetoo nɔ. Skul nɔkwɛlɔ lɛ kɛ minitii 30 baafee saji amlitĩi lɛ, ni ebaadamɔ nifeemɔi ni afee kɛjɛ March 3 otsi lɛ kɛyashi April 28, 2003 otsi lɛ nɔ. [Kadimɔ: Hei ni atsɔɔɔ he ni sanebimɔi lɛ jɛ yɛ sanebimɔi lɛ anaagbee lɛ yɛ kɛha mɔ diɛŋtsɛ nii amli taomɔ koni etao hetooi lɛ.—Kwɛmɔ Sɔɔmɔ Skul, bf. 36-37.]

WIEMƆ SUI

1. Mɛɛ nibii baanyɛ ekɛ naatselɛ ni abɛ aba? [be-GA bf. 93]

2. Anɔkwale aloo Amale: Esa akɛ atsi he kɛjɛ sɛ̃ŋ nu mii he ejaakɛ ebaanyɛ eha gbɔmɛi ajwɛŋmɔi akpa shi ni ebaaha amɛná hegbɛ ni amɛfolɔ mli. Tsɔɔmɔ mli.

3. Te shishinumɔ ni yɔɔ sɛɛ lɛ nɔmimaa jogbaŋŋ he yɔɔ sɛɛnamɔ kɛha wielɔ loo maŋ nikanelɔ tɛŋŋ? (Neh. 8:8) [be-GA bf. 101]

4. Te mɔ ko aaafee tɛŋŋ ale bɔ ni amaa shishinumɔ ni yɔɔ sɛɛ lɛ nɔ mi jogbaŋŋ lɛ? [be-GA bf. 102-103]

5. Mɛni ji saji otii titrii ni esa akɛ ama nɔ mi beni akaneɔ wolo ko waa yɛ Biblia mli nikasemɔ loo asafoŋ kpeei ashishi lɛ? [be-GA bf. 105]

NIFEEMƆ NI JI 1

6. Mɛni fɔlɔi baanyɛ afee ni amɛkɛtsɔse amɛbii “koni amɛnu, ni amɛkase” nii yɛ Kristofoi akpeei ashishi? (5 Mose 31:12) [be-GA bf. 16]

7. Mɛni ji mumɔŋ paradeiso lɛ? [w01-GA 3/1 bf. 8-10]

8. Abɛi 8:1-3 lɛ tsɔɔ akɛ nilee ni Nyɔŋmɔ gbeyeishemɔ yɔɔ mli lɛ yɛ kɛha mɛi fɛɛ yɛ mɛɛ gbɛ nɔ, ni taakɛ Kolosebii 2:3 lɛ tsɔɔ lɛ, nɛgbɛ abaanyɛ ana yɛ? [w01-GA 3/15 bf. 25, 28]

9. Te wɔɔfee tɛŋŋ wɔha ale Nyɔŋmɔ gbɛi lɛ? (Yoh. 17:6) [be-GA bf. 273-275]

10. Mɛɛ nibii ni he hiaa waa ní kɔɔ “maŋtsɛyeli lɛ he sanekpakpa” lɛ he ehe hiaa ni gbɔmɛi ale? (Mat. 24:14) [be-GA bf. 279-280]

DAA OTSI BIBLIA KANEMƆ

11. (a) Yɛ klɛŋklɛŋ afii oha lɛ mli lɛ, no mli lɛ mɛni ji “amaŋfɔ nihii nii lɛ” ní atsĩ tã yɛ Marko 13:14 lɛ? (b) “He ni esaaa akɛ emaa” lɛ kɔɔ mɛni he?

12. Luka Sanekpakpa lɛ tsɔɔ akɛ Yesu ji David maŋtsɛsɛi lɛ heloonaa niyelɔ yɛ mɛɛ gbɛ nɔ? (Luka 3:23-38) [w92-GA 10/1 bf. 9 kk. 3]

13. Mɛni ji Yesu wiemɔ ni aŋma yɛ Luka 12:2 lɛ shishi?

14. Yɛ Yesu abɛbua ni kɔɔ jwiɛtɛi kuku kome ni laaje lɛ mli lɛ, mɛni hewɔ bɔfoi lɛ anifeemɔ lɛ sa kadimɔ waa lɛ? (Luka 15:10) Esa akɛ amɛnɔkwɛmɔnɔ lɛ aná wɔnɔ hewalɛ yɛ mɛɛ gbɛ nɔ?

15. Mɛɛ kpaŋmɔi enyɔ atsĩ tã yɛ Luka 22:29?