Adafitswai

◼ Wolo ni akɛbaaha yɛ April kɛ May: Buu-Mɔɔ kɛ Awake! woji tɛtrɛbii lɛ. He ni mɔ ko baajie miishɛɛ kpo yɛ sɛɛsaramɔ feemɔ mli yɛ lɛ, okɛ lɛ afata mɛi ni ohaa amɛ woji tɛtrɛbii daa lɛ ahe. Akɛ Taoɔ wolo bibioo lɛ aha, kɛ yiŋtoo akɛ aaaje shia Biblia mli nikasemɔi ashishi. June: Mɛni Nyɔŋmɔ Taoɔ yɛ Wɔdɛŋ? loo Nilee Ni Kɛ Mɔ Yaa Naanɔ Wala Mli. Kɛ́ shiatsɛmɛi lɛ yɛ woji nɛɛ eko lɛ, no lɛ akɛ woji bibii ni sa ni asafo lɛ yɔɔ eko lɛ aha. July: Abaanyɛ akɛ woji bibii ni hiɛ baafai 32 ni nyiɛ sɛɛ nɛɛ eko fɛɛ eko atsu nii: Ani Esa akɛ Ohe Triniti lɛ Oye?, Ani Nyɔŋmɔ Susuɔ Wɔhe Lɛlɛŋ?, Beni Mɔ Ko ni Osumɔɔ Lɛ Egbo, Mɛni Baa Wɔnɔ Kɛ́ Wɔgboi?, Mɛni Ji Yiŋtoo ni Yɔɔ Shihilɛ Sɛɛ?—Te Ooofee Tɛŋŋ Ole Hu?, “Naa! Miifee Nii Fɛɛ Ehee,” Na Wala Mli Ŋɔɔmɔ yɛ Shikpɔŋ Nɔ Kɛya Naanɔ!, Nɔyeli Ni Kɛ Paradeiso Baaba, kɛ The Divine Name That Will Endure Forever. Kɛ ebaahi lɛ, abaanyɛ akɛ woji bibii tamɔ Gbohii lɛ Amumɔi—Ani Amɛbaanyɛ Amɛye Amɛbua Bo Loo Amɛhao Bo? Ani Amɛyɛ Diɛŋtsɛ?, Our Problems—Who Will Help Us Solve Them?, Will There Ever Be a World Without War?, kɛ Wolo Kɛha Gbɔmɛi Fɛɛ lɛ aha.

◼ Kɛjɛ September kɛyaa lɛ, akɛ kpokpaa wulu nɔ kpee tsitsi-naa tsɛɛ nii kɛha 2002 yɛ Blɔfo wiemɔ mli lɛ baafata woji amajemɔ lɛ he. Ehe ehiaŋ ni ashɛ enɛɛmɛi. Abaadamɔ asafo lɛ dalɛ nɔ ni akɛ tsitsi-naa tsɛɛ woji lɛ amaje. Kɛ́ tsitsi-naa tsɛɛ woji lɛ ekroko he baahia asafoi lɛ, no lɛ, abaanyɛ ashɛ enɛ yɛ Literature Request Form (S-14) lɛ nɔ. Esa akɛ ashɛ tsitsi naa tsɛɛ rɔba lɛ eko aha mɔ fɛɛ mɔ ni yɔɔ asafo lɛ mli ni miisumɔ.

◼ Ehe miihia ni nitsumɔhe nine lɛ ahiɛ onukpai asɛinɔtalɔi kɛ woloŋmalɔi fɛɛ lɛ adrɛs kɛ tɛlifoŋ nɔmba heei. Kɛ́ tsakemɔ ba yɛ be ko mli lɛ, esa akɛ Asafoŋ Sɔɔmɔ Ajinafoi lɛ aŋma Presiding Overseer/Secretary Change of Address (S-29) wolo lɛ nɔ nii ni amɛkɛ amɛwao awo shishi, ni amɛkɛmaje nitsumɔhe nine lɛ amrɔ nɔŋŋ. Nɔ ni fata enɛ he ji akutso lɛ mli nɔmba ni atswaa dani atswaa tɛlifoŋ nɔmba lɛ diɛŋtsɛ lɛ.

◼ Esa akɛ asafoŋ woloŋmalɔi lɛ ana Application for Regular Pioneer Service (S-205) kɛ Application for Auxiliary Pioneer Service (S-205b) woji lɛ bɔ ni fa be fɛɛ be. Abaanyɛ ashɛ enɛ yɛ Literature Request Form (S-14) lɛ nɔ. Kɛ hoo lɛ, nyɛhiɛa nɔ ni abaanyɛ akɛtsu nii afi. Nyɛkwɛa daa gbɛgbalɔi agbɛbimɔ woji lɛ fɛɛ mli ni nyɛnáa nɔmimaa akɛ aŋma fɛɛ nɔ nii agbe naa. Kɛ́ mɛi ni biɔ gbɛ lɛ nyɛɛɛ akai date pɔtɛɛ ni akɛbaptisi amɛ lɛ, no lɛ esa akɛ amɛka amɛyiŋ ni amɛŋma amɛfɔ shi.

◼ Be fɛɛ be ni asafoŋ kpeei, kpokpaa nɔ kpee, loo kpokpaa wulu nɔ kpee ni obaaya yɛ maŋ kroko nɔ fata ogbɛfaa he gbɛjianɔtoo lɛ he lɛ, okɛ wolo ni obaaŋma ni okɛbi saji ni kɔɔ gbii, bei, kɛ hei ni obaaya yɛ lɛ he lɛ amaje nitsumɔhe nine ní kwɛɔ nitsumɔ lɛ nɔ yɛ nakai shikpɔŋ lɛ nɔ lɛ tɛ̃ɛ. Ato nitsumɔhe niji lɛ adrɛs anaa yɛ Yearbook ni ba nyɛsɛɛ nɛɛ naagbee baafa lɛ mli.