Teokrase Sɔɔmɔ Skul Niŋmaa kaa

Wolo naa ŋamɔ kaa yɛ nii ni atsu yɛ Teokrase Sɔɔmɔ Skul nifeemɔi amli kɛjɛ September 3, Kɛyashi December 24, 2001. Okɛ wolo kroko atsu nii okɛŋmala hetoi abɔ ni ooonyɛ lɛ yɛ be ni ato lɛ mli.

[Kadimɔ: Abaanyɛ akɛ Biblia lɛ pɛ atsu nii ni akɛha sanebimɔi ahetoo yɛ be mli ni afeɔ kaa lɛ. Hei ni atsɔɔ ni sanebimɔi lɛ jɛ yɛ sanebimɔi lɛ anaagbee lɛ yɛ kɛha mɔ diɛŋtsɛ nii amli taomɔ. Aŋmalaŋ Buu-Mɔɔ lɛ baafai kɛ kukuji lɛ fɛɛ eko yɛ sanebimɔi lɛ fɛɛ naa.]

Ha sanebimɔi ni nyiɛ sɛɛ nɛɛ ahetoo akɛ Anɔkwale aloo Amale:

1. Akɛni hemɔkɛyeli ji Nyɔŋmɔ mumɔ lɛ yibii lɛ eko hewɔ lɛ, gbɔmɛi ni bɛ hemɔkɛyeli lɛ taooo nakai mumɔ lɛ, loo amɛmiifee nakai kɛ yiŋtoo ni ejaaa aloo amɛkpoɔ nii ni etsuɔ yɛ amɛshihilɛi amli lɛ. (Luka 11:13; Gal. 5:22) [rs bf. 129 kk. 1]

2. Lala 58:5 lɛ tsɔɔ yɛ gbɛ ni ja nɔ akɛ blè yɛ ‘toii’ ni nuuu nii ejaakɛ yɛ adebɔɔ naa lɛ emu toi. [Daa otsi Biblia kanemɔ; kwɛmɔ Rbi8 bf. 1583.]

3. Yei ‘asafo babaoo’ ni atsĩ amɛtã yɛ Lala 68:12 lɛ ji maŋsɛɛ yei nyɔji ni Israel hii lɛ ŋmɛɛ amɛhe kɛjɛ nomŋɔɔ mli beni amɛyeɔ henyɛlɔi amaji lɛ anɔ kunim lɛ. [Daa otsi Biblia kanemɔ; kwɛmɔ w86 10/15 bf. 30 kk. 6.]

4. Kɛji atsɔ hiɛ akpɛ mli ato momo yɛ be kɛ gbɛ ni mɔ fɛɛ mɔ baatsɔ nɔ agbo he yɛ be mli ni afɔ lɛ loo yɛ be ni tsɔ nakai be lɛ hiɛ lɛ, no lɛ ehe ehiaaa ni akpoo shihilɛi ni yɔɔ oshara loo ni mɔ aaasusu egbɔmɔtsoŋ hewalɛnamɔ he, ni shweshweeshwefeemɔ he kɔkɔbɔi nyɛŋ afee nɔ ko yɛ mɛi abɔ ni gboiɔ lɛ he. [rs bf. 138 kk. 3]

5. Paulo wiemɔ akɛ “kaaha mɔ ko miigbe ohe guɔ yɛ oblanyo ni oji lɛ hewɔ” lɛ tsɔɔ akɛ Timoteo eye afii nyɔŋma kɛ etɛ kɛyaa loo eye kɛjɛ afii 20 kɛyaa lɛ mra beaŋ. (1 Tim. 4:12) [w99-GA 9/15 bf. 29 kk. 1-3; bf. 31 kk. 2]

6. Taakɛ aŋma yɛ Lala 110:1 lɛ, “minuntsɔ” lɛ kɔɔ Yesu he. [Daa otsi Biblia kanemɔ; kwɛmɔ w94-GA 6/1 bf. 28 kk. 5.]

7. Gbɛi Yehowa lɛ jeɔ kpo yɛ Lala wolo lɛ mli aaafee shii 700, ni ekukufoo ni ji “Yah” lɛ jeɔ kpo shii 43, no hewɔ lɛ kɛji abua fɛɛ naa lɛ atsɛɔ Nyɔŋmɔ gbɛi lɛ nɔ ni miihe ashɛ shii 5 kɛji aja mli, yɛ Lala wolo lɛ eko fɛɛ eko mli. [si bf. 104 kk. 23]

8. Eyɛ mli akɛ awie Yesu he yɛ Ŋmalɛi lɛ amli akɛ “nyɔŋmɔ ko” (NW), ákɛ ‘Nyɔŋmɔ Hewalɔ’ tete po, shi he ko he ko bɛ ni awie ehe yɛ akɛ lɛ ji ofe. (Yoh. 1:1; Yes. 9:5; 1 Mose 17:1) [rs bf. 150 kk. 2]

9. Yɛ anɔkwale mli lɛ, Abɛi awolo lɛ kasemɔ ji Salomo diɛŋtsɛ nilee lɛ kasemɔ. [si bf. 106 kk. 1]

10. Biblia lɛ mli ŋaawoo ni anaa yɛ Abɛi 21:17 akɛ akpoo ‘shwɛmɔ ni asumɔɔ’ lɛ tsɔɔ akɛ eji tɔmɔ akɛ aaashwɛ ejaakɛ ehaaa aná be babaoo aha saji ni he hiaa titri lɛ. [Daa otsi Biblia kanemɔ; kwɛmɔ w97-GA 10/1 bf. 27 kk. 7.]

Ha sanebimɔi ni nyiɛ sɛɛ nɛɛ ahetoo:

11. Mɛni kãmɔ ni mli waaa tsɔ ni Yesu kɛha Marta lɛ tsɔɔ? (Luka 10:40, 41) [w99-GA 9/1 bf. 30 kk. 7]

12. Mɛɛ “anunyam” mli Yehowa kɛ Lalatsɛ lɛ tee? (Lala 73:24) [Daa otsi Biblia kanemɔ; kwɛmɔ w86 12/15 bf. 28 kk. 3.]

13. Mɛɛ susumɔ ni kɔɔ sɔɔmɔ hegbɛi ahe lalatsɛ lɛ jie lɛ kpo taakɛ aŋma yɛ Lala 84:2-4? [Daa otsi Biblia kanemɔ; kwɛmɔ w97-GA 3/15 bf. 8 kk. 5-7.]

14. Mɛɛ gbɛ nɔ Kpojiemɔ 22:17 kɛ Romabii 2:4, 5 tsɔɔ yɛ akɛ Yehowa leee nɔ fɛɛ nɔ ni gbɔmɛi feɔ lɛ kɛtsɔɔɔ hiɛ loo ekpɛɛɛ mli etooo kɛtsɔɔɔ hiɛ? [rs bf. 141 kk. 1-2]

15. Akɛni mra beaŋ Kristofoi lɛ heɔ Yesu Afii Akpe Nɔyeli lɛ nɔ amɛyeɔ taakɛ atsĩ tã yɛ Kpojiemɔ wolo lɛ mli hewɔ lɛ, mɛɛ nibii ni náa mɔ nɔ hewalɛ ha Kristofoi ni ekwa hemɔkɛyeli lɛ kpoo nɛkɛ ŋwɛi nitsɔɔmɔ nɛɛ yɛ naagbee mli? [w99-GA 12/1 bf. 6 kk. 3–​bf. 7 kk. 5]

16. Mɛɛ husui ni kɔɔ mɛi krokomɛi ‘anɔ̃ mlifómɔ’ he esa akɛ Kristofoi kɛtsu nii? (Fil. 2:4) [w99-GA 12/1 bf. 29 kk. 1]

17. Mɛni wiemɔ ni atsĩ tã yɛ Lala 128:3 ni kɔɔ bii ni “aaatamɔ mutsei bibii” kɛaabɔle nuu ko okpɔlɔ he lɛ tsɔɔ? [Daa otsi Biblia kanemɔ; kwɛmɔ w00-GA 8/15 bf. 30 kk. 4.]

18. Kɛji wɔna Nyɔŋmɔ nitsumɔi lɛ akɛ eyɛ gbeyei lɛ, te ebaasa wɔhe eha tɛŋŋ? (Lala 139:14) [Daa otsi Biblia kanemɔ; kwɛmɔ w93-GA 10/1 bf. 15 kk. 18.]

19. Mɛni hewɔ Abɛi 5:3, 4 lɛ wieɔ nibii ni jɛɔ jeŋba shara mli kɛbaa lɛ he akɛ ‘ejooɔ tamɔ taatso’ ni “enaa ba tamɔ klante kɛ enaa ŋta” lɛ? [Daa otsi Biblia kanemɔ; kwɛmɔ w00-GA 7/15 bf. 29 kk. 2.]

20. Yɛ Abɛi 14:29 kɛ gbeekpamɔ naa lɛ, yɛ mɛɛ gbɛ nɔ sɛɛyoomɔ baanyɛ aye abua wɔ koni wɔkpoo nibii ni jɛɔ tsuishitoo ni abɛ kɛ mlifu ni akudɔɔɔ lɛ mli kɛbaa? [Daa otsi Biblia kanemɔ; kwɛmɔ w97-GA 3/15 bf. 13 kk. 7-8.]

Okɛ wiemɔ(i) loo wiemɔi kukuji ni sa ahɔlɔ gbɛhei ni kamɔ shi efoji nɛɛ amli:

21. Anɔkwa gbalɔi lɛ wie ․․․․․․․․ ni amɛha ale ․․․․․․․․ . (5 Mose 18:18-20; 1 Yoh. 4:1-3) [rs bf. 132 kk. 3; bf. 133 kk. 2]

22. Abɛi awolo lɛ hiɛ yiŋtoi enyɔ—koni ekɛ ․․․․․․․․ kɛ ․․․․․․․․ aha. (Abɛi 1:1-4) [w99-GA 9/15 bf. 13 kk. 1]

23. “Ŋwɛinyo lɛ teemɔhe lɛ” ji ․․․․․․․․ shihilɛhe kɛha mɛi ni baa Nyɔŋmɔ gbɛfaŋ yɛ sane ni kɔɔ ․․․․․․․․ he lɛ mli lɛ; eji “teemɔŋ sane” aloo nɔ ni gbɔmɛi ni bɛ ․․․․․․․․ lɛ lé. (Lala. 91:1) [Daa otsi Biblia kanemɔ; kwɛmɔ w86 12/15 bf. 29 kk. 6.]

24. Eka shi faŋŋ akɛ akɛ ‘Yehowa nijuji feemɔi lɛ fiaa ni wɔhiɛ kpaŋ nɔ’ lɛ etsa ․․․․․․․․ “enijuji” lɛ ahe, emɔbɔnalɛ nifeemɔi lɛ ahe taakɛ atsɔɔ mli yɛ Lala 103 lɛ mli lɛ. (Lala 103:2) [Daa otsi Biblia kanemɔ; kwɛmɔ w99-GA 5/15 bf. 21 kk. 5-6.]

25. Abɛbua ji wiemɔ fioo ko ni shishinumɔ babaoo yɔɔ mli ni kɛ ․․․․․․․․ ni ato he gbɛjianɔ koni ․․․․․․․․ lɛ tsuɔ nii. [si bf. 107 kk. 6]

Halamɔ hetoo ni ja lɛ yɛ wiemɔi ni nyiɛ sɛɛ nɛɛ amli:

26. Eyɛ mli akɛ David yɛ nɔ ni eeedamɔ nɔ emli afu yɛ bɔ ni Saul kɛ lɛ ye eha lɛ he moŋ, shi eye ehe nɔ ejaakɛ (eyɔse akɛ Saul yeee emuu ni esa akɛ Nyɔŋmɔ tsuji kɛ mɛi ahe eshai ake amɛ; ele akɛ eji tɔmɔ akɛ aaakojo mɔ). (1 Sam. 24:6, 15) [w99-GA 8/15 bf. 8 kk. 7]

27. (Tsɔsemɔ; Jalɛnifeemɔ) ji nibii babaoo ni akɛfutu, ni sane shishinumɔ, sɛɛyoomɔ, hiɛtɛ̃ɛ, kɛ jwɛŋmɔŋ nyɛmɔ fata he; (ejurɔfeemɔ; jwɛŋmɔ kpakpa) ji nyɛmɔ ni akɛnaa saji anaa ni akɛyɔseɔ bɔ ni saji lɛ yɔɔ ha kɛtsɔ efãi srɔtoi ni tsara ni aaafee lɛ ekome lɛ nɔ, koni kɛtsɔ enɛ nɔ lɛ, ayoo sɛɛ. (Abɛi 1:1-4) [w99-GA 9/15 bf. 13 kk. 2]

28. Hewalɛ ni Yosef kɛkpoo Potifar ŋa lɛ jeŋba shara nifeemɔi lɛ ba kɛjɛ (nilee ni eyɔɔ yɛ Mose Mla lɛ he, ni buɔ ajwamaŋbɔɔ fɔ lɛ; gbeyeishemɔ ni mli kwɔ ni eyɔɔ kɛha hegbɛ ni nɔ kwɔ ni ewu hiɛ lɛ;) mli. (1 Mose 39:7-9) [w99-GA 10/1 bf. 29 kk. 3]

29. Eka shi faŋŋ akɛ mɔ ni ŋma Lala 119 lɛ yɛ hiɛsɔɔ ni mli kwɔ kɛha ( nikeenii ni ji wala lɛ; yiwalaheremɔ he gbɛkpamɔ lɛ), ni atsĩ tã yɛ nɔ ni miihe ashɛ lalai lɛ mli kukuji lɛ fɛɛ mli lɛ. [Daa otsi Biblia kanemɔ; kwɛmɔ w99-GA 11/1 bf. 10 kk. 5; w87 3/15 bf. 24 kk. 2.]

30. Yɛ klɛŋklɛŋ yitsei enyɔ ni yɔɔ wolo ni Paulo ŋma kɛha (Romabii; Galatabii;) lɛ mli lɛ, wɔnaa ŋmalɛi babaoo ni atsɛ yisɛɛ kɛjɛ Lala wolo lɛ mli ni tsɔɔ ( baptisimɔ; shikpɔŋ nɔ sɔɔmɔ) ni Yesu Kristo yɔɔ mli. [si bf. 105 kk. 28]

Halamɔ ŋmalɛi ni nyiɛ sɛɛ nɛɛ amli nɔ ni kɛ wiemɔi ni nyiɛ sɛɛ lɛ kpaa gbee:

Abɛi. 2:19; 14:15; 18:17; Rom. 10:17; Heb. 13:18

31. Bɔni afee ni aná hemɔkɛyeli lɛ, klɛŋklɛŋ lɛ ebiɔ ni mɔ atao nɔ ni Biblia lɛ kɛɔ koni epɛi mli jogbaŋŋ. [rs bf.130 kk. 3]

32. Kristofoi nyɛŋ aŋɔ jarayeli nifeemɔi ni anɔkwayeli bɛ mli, loo nɔ ni kuɔ hiɛ eshwieɔ mɛi krokomɛi ahe susumɔ kpakpa nɔ. [w99-GA 9/15 bf. 10 kk. 2]

33. Mɛi ni kɛ amɛhe woɔ bɔlɛnamɔ jeŋba shara mli lɛ baashɛ he ko ni amɛnyɛɛɛ amɛku amɛsɛɛ dɔŋŋ, ni ji gbele. [w99-GA 11/15 bf. 27 kk. 4-5]

34. Gbɔmɔ ni yɔɔ nilee ni yɔɔ sɛɛyoomɔ lɛ, ŋmɛɔ nɔ ni baajɛ enifeemɔi amli kɛba lɛ ekwɛɔ ni enyiɛɛɛ gbɛ hee ko sɛɛ kɛkɛ akɛni ale waa hewɔ. [Daa otsi Biblia kanemɔ; kwɛmɔ g94 12/8 bf. 16 kk. 1.]

35. Eyɛ mli akɛ mɔ ko sane naataamɔ baatamɔ nɔ ni saa mɔ hiɛ ni eja moŋ, shi eji nilee gbɛ akɛ abaabo fai enyɔ lɛ fɛɛ toi dani amu sane naa. [si bf. 111 kk. 36]