Sanebimɔ He

◼ Te abaafee tɛŋŋ ni nine ashɛ woji ni fa bɔ ni sa nɔ yɛ Maŋtsɛyeli Asa lɛ nɔ?

Wɔ woji lɛ—woji wuji, woji bibii, woji tɛtrɛbii, kɛ dɛhiɛmɔ woji lɛ—hiɛ amaniɛbɔɔ ni baa yɛ ebe naa ni damɔ Nyɔŋmɔ Wiemɔ lɛ nɔ. Amɛyeɔ amɛbuaa mɛi krokomɛi koni amɛyɔse Maŋtsɛyeli anɔkwale lɛ kɛ jeŋ hee lɛ he jɔɔmɔi lɛ. Woji lɛ ni akɛtsuɔ nii yɛ gbɛ kpakpa nɔ lɛ eye ebua ni eha ashɛ mɛi pii atsui he, ni ekanyaa amɛ koni amɛkɔ shidaamɔ kɛha anɔkwale lɛ. (Kpoj. 9:10) Sɔɔmɔ nitsumɔ nɔkwɛlɔ lɛ kɛ woji tɛtrɛbii kɛ woji wuji anɔkwɛlɔi lɛ tsuɔ nii ni ekwɛɔ akɛ woji wuji kɛ woji tɛtrɛbii afalɛ ni sa yɛ daa nyɔŋ nɔ.—August 1992 Wɔ Maŋtsɛyeli Sɔɔmɔ lɛ Sanebimɔ He.

Asafo fɛɛ asafo damɔɔ nibii ni shiɛlɔi kɛ daa gbɛgbalɔi biɔ aŋkroaŋkro lɛ nɔ eshɛɔ Awake! kɛ Buu-Mɔɔ woji tɛtrɛbii lɛ falɛ ni sa. Kɛ yɛ asafo lɛ shweremɔ hewɔ lɛ ehe miihia ni aha yibɔ ni ashɛɔ lɛ aya hiɛ lɛ, akɛ yibɔ hee ni ataoɔ lɛ haa Asafo lɛ amrɔ nɔŋŋ.

Nyɛmimɛi ni sa lɛ kɛ saji ni damɔ woji ahe tafãa ni atoɔ he gbɛjianɔ kɛ Monthly Movement of Literature wolo lɛ nɔ lɛ, tsuɔ nii ni amɛŋmalaa Literature Request Form wolo lɛ nɔ nii. Shiɛlɔi aŋkroaŋkroi kɛ nibii ni amɛtaoɔ ni ashɛ aha amɛ lɛ haa sɔɔlɔ ni kwɛɔ woji wuji anɔ lɛ koni ekɛfata nibii ni asafo lɛ baashɛ lɛ he.

He ni asafoi enyɔ loo asafoi babaoo baa nikasemɔ yɛ Maŋtsɛyeli Asa kome mli lɛ, ekome tsuɔ nii akɛ woji ashɛɛ nɔkwɛlɔ. Ahalaa nyɛmi nuu ní akɛ he fɔ̃ɔ enɔ akɛ woji ashɛɛ nɔkwɛlɔ. Woji ashɛɛ nɔkwɛlɔ kɛ esɛɛyelɔ lɛ feɔ ekome ni amɛkɛ sɔɔmɔ nitsumɔ nɔkwɛlɔi kɛ sɔɔlɔi ni kwɛɔ woji anɔ ni yɔɔ asafoi ni baa nikasemɔ yɛ Maŋtsɛyeli Asa lɛ nɔ lɛ tsuɔ nii ni amɛshɛɔ woji lɛ.

Yɛ nyɔŋ fɛɛ nyɔŋ naagbee lɛ, asafo fɛɛ asafo mli sɔɔlɔ ni kwɛɔ woji anɔ lɛ kɛ Literature Request (S-14) ni akɛ nine ewo shishi ni eŋmala amɛhiamɔ nii fɛɛ yɛ nɔ lɛ haa woji ashɛɛ nɔkwɛlɔ lɛ amrɔ nɔŋŋ. Afeɔ nɛkɛ asafoi nɛɛ anibimɔi fɛɛ ekome ni akɛmajeɔ kɛtsɔ asafo ni kwɛɔ woji ashɛɛ nɔ lɛ ni ekɛmajeɔ nitsumɔhe nine lɛ dani nyɔŋ ni nyiɛ sɛɛ lɛ gbi ni ji ekpaa lɛ shɛɔ. Woji ashɛɛ nɔkwɛlɔ lɛ kwɛɔ amrɔ nɔŋŋ akɛ woji ni nine shɛɔ nɔ kɛjɛɔ nitsumɔhe nine lɛ dɛŋ daa nyɔŋ nɔ lɛ eshɛ lo, ni ekɛwoɔ wojiatoohe lɛ. Yɛ nyɔŋ fɛɛ nyɔŋ nɔ lɛ, ekaneɔ woji fɛɛ ni yɔɔ lɛ ekomekomei koni ekaba lɛ akɛ woji lɛ fɛɛ baata loo abaashɛ babaoo fe nine. Asafo ni kwɛɔ woji ashɛɛ nɔ lɛ tsuɔ woji ni ashɛɔ fɛɛ lɛ he nii.

Esa akɛ akɛ nibii krɛdɛɛi loo maŋ nɔ wiemɔ kroko mli nibii ni ashɛ lɛ aha asafo ni shɛ lɛ amrɔ nɔŋŋ koni akɛha aŋkroaŋkroi ni shɛ lɛ. Esaaa akɛ asafo kroko ŋɔɔ nibii lɛ. Kɛ nine shɛ nibii ni ashɛ lɛ fã nɔ loo woji lɛ faaa lɛ, woji ashɛɛ nɔkwɛlɔ lɛ baakwɛ koni aja nɛkɛ nibii nɛɛ pɛpɛɛpɛ kɛha asafoi lɛ.—Fil. 2:4.