Adafitswai

◼ Wolo ni akɛbaaha yɛ March: Nilee Ni Kɛ Mɔ Yaa Naanɔ Wala Mli. Abaabɔ mɔdɛŋ jogbaŋŋ koni aje shia Biblia mli nikasemɔi ashishi. April kɛ May: Buu-Mɔɔ kɛ Awake! woji tɛtrɛbii lɛ. Hei ni abaajie miishɛɛ kpo yɛ, yɛ sɛɛsaramɔi amli lɛ, abaanyɛ aha ashɛ woji tɛtrɛbii lɛ. Okɛ Nilee wolo lɛ loo Taoɔ wolo bibioo lɛ aha kɛ yiŋtoo akɛ oooje shia Biblia mli nikasemɔi ashishi. June: Mɛni Nyɔŋmɔ Taoɔ yɛ Wɔdɛŋ? loo Nilee Ni Kɛ Mɔ Yaa Naanɔ Wala Mli. Gbalamɔ ojwɛŋmɔ kɛya shia Biblia mli nikasemɔi ashishijee nɔ.

◼ Esa akɛ shiɛlɔi ni miisumɔ ní amɛsɔmɔ akɛ gbɛgbalɔi awalɔi yɛ April mli lɛ ato gbɛjianɔ bianɛ ni amɛkɛ amɛ gbɛbimɔ woji lɛ aha mra. Enɛ baaye abua onukpai lɛ koni amɛto gbɛjianɔ ni he hiaa kɛha shiɛmɔyaa, ní aná woji tɛtrɛbii kɛ woji krokomɛi ni fa saŋŋ. Esa akɛ atsɛ́ mɛi fɛɛ ni akpɛlɛɔ amɛnɔ akɛ gbɛgbalɔi awalɔi lɛ agbɛi atsɔɔ asafo lɛ.

◼ Abaaye Kaimɔ lɛ Hɔgbaa, April 8, 2001. Esaaa akɛ afeɔ kpee ko nakai gbi lɛ fe kpee kɛha shiɛmɔyaa pɛ. Onukpai lɛ baanyɛ ato gbɛjianɔ ni sa kɛha Buu-Mɔɔ Nikasemɔ lɛ feemɔ yɛ be kroko mli.

◼ Esa akɛ mɛi ni kɛ asafo ko bɔɔ lɛ kɛ Buu-Mɔɔ kɛ Awake! woji tɛtrɛbii lɛ ashɛɛ heei kɛ nɔ ni aaashɛ ekoŋŋ, ní amɛshɛɔ lɛ fɛɛ amaje kɛtsɔ amɛ asafo lɛ nɔ.

◼ Asafo lɛ kɛ woji ní shiɛlɔi aŋkroaŋkroi shɛɔ lɛ emajeee amɛ. Esa akɛ onukpai asɛinɔtalɔ lɛ ato gbɛjianɔ koni atswa adafi daa nyɔŋ nɔ koni afee ni mɛi fɛɛ ni miisumɔ ní amɛná amɛ diɛŋtsɛ amɛ woji lɛ aha nyɛmi nuu ni kwɛɔ woji anɔ lɛ ale, dani akɛ asafo daa nyɔŋ nibii ashɛɛ he wolo lɛ amaje Asafo lɛ. Nyɛfainɛ nyɛhaa woji ni ashɛɛɛ ashwieee shi lɛ ahia nyɛjwɛŋmɔ mli.

◼ Ehe miihia ní kui ni feɔ mɛi 20 loo nɔ ni fe nakai ní miito gbɛjianɔ ni amɛbasara Asafo lɛ nitsumɔhei lɛ aha Asafo lɛ ale enɛ kɛtsɔ woloŋmaa nɔ klɛŋklɛŋ. Nyɛfainɛ, nyɛkɛ saji ni tsɔɔ yibɔ ni baa, kɛ gbi (date) kɛ be ni amɛbaaba lɛ amajea. Dani nyɛbaaba lɛ, nyɛfainɛ nyɛtĩa March 1998 Wɔ Maŋtsɛyeli Sɔɔmɔ Sanebimɔ He ni kɔɔ hesaamɔ kɛ atadewoo ni sa beni ayasaraa Betel shiai amli lɛ mli.

◼ Onukpai asɛinɔtalɔ lɛ loo mɔ ko ni ehala lɛ akwɛ asafo lɛ shika he akɔntaabuu mli yɛ March 1 loo no sɛɛ nɔŋŋ. Kɛ́ akwɛ mli agbe naa lɛ, esa akɛ atswa asafo lɛ adafi beni akaneɔ shika he akɔntaabuu ni baanyiɛ sɛɛ lɛ.

◼ Nyɛmimɛi ni miito gbɛjianɔ koni amɛya kpeei yɛ maŋsɛɛ ní miitao ni amɛle be lɛ ahe gbɛjianɔtoo lɛ aŋma nitsumɔhe nine ni yɔɔ nakai maŋ lɛ mli lɛ kɛha saji amlitaomɔ. Nitsumɔhe nine ni yɔɔ Accra lɛ nine shɛŋ nakai saji lɛ anɔ, ni no hewɔ lɛ, nyɛfainɛ nyɛkaŋmaa kɛbaa Accra kɛha no.

◼ Woji ni Nine Eshɛ nɔ Ekoŋŋ:

Nilee Ni Kɛ Mɔ Yaa Naanɔ Wala Mli—Ewe

Mɛni Nyɔŋmɔ Taoɔ yɛ Wɔdɛŋ?—Dangme

Lala wolo (Bibioo lɛ)—Twi

◼ Woji Heei ni Yɔɔ:

Yehowa Odasefoi—Namɛi Ni?—Blɔfo, Ewe, Ga, Twi

◼ Kasɛt Heei ni Yɔɔ:

Kingdom Melodies Kpo 9

Kɔkɔbɔɔ He Nɔkwɛmɔnii Kɛha Wɔgbii Nɛɛ (Drama)—Blɔfo