Teokrase Sɔɔmɔ Skul Niŋmaa kaa
Wolo naa ŋamɔ kaa yɛ nii ni atsu yɛ Teokrase Sɔɔmɔ Skul nifeemɔi amli kɛjɛ January 3, kɛyashi April 17, 2000. Okɛ wolo kroko atsu nii okɛŋmala hetooi abɔ ni ooonyɛ lɛ yɛ be ni ato lɛ mli.
[KADIMƆ]: Abaanyɛ akɛ Biblia lɛ pɛ atsu nii ni akɛha sanebimɔi ahetoo yɛ be mli ni afeɔ kaa lɛ. Hei ni atsɔɔ ni sanebimɔi lɛ jɛ yɛ sanebimɔi lɛ anaagbee lɛ yɛ kɛha mɔ diɛŋtsɛ nii amli taomɔ. Aŋmalaŋ Buu-Mɔɔ lɛ baafai kɛ kukuji lɛ fɛɛ eko yɛ sanebimɔi lɛ fɛɛ naa.]
Ha sanebimɔi ni nyiɛ sɛɛ nɛɛ ahetoo akɛ Anɔkwale aloo Amale:
1. Bei komɛi lɛ dani wɔnine aaashɛ Yehowa jɔɔmɔi anɔ lɛ, ebiɔ ni wɔmɛ̃, akɛni Yehowa le shihilɛ mli ni wɔyɔɔ, ni ekɛ nibii ni he hiaa wɔteŋ mɔ fɛɛ mɔ lɛ haa lɛ yɛ be ni sa jogbaŋŋ mli lɛ hewɔ. (Lala 145:16; Yak. 1:17) [w98-GA 1/1 bf. 23 kk. 6]
2. Kpaŋmɔ adeka lɛ ni aaahi Israelbii lɛ ateŋ lɛ kɛkɛ etsɔɔɔ akɛ amɛbaaye kunim. Yehowa jɔɔmɔi lɛ damɔ mumɔŋ shidaamɔ kɛ toiboo ni afeɔ yɛ anɔkwayeli mli ni mɛi ni hiɛ kpaŋmɔ adeka lɛ yɔɔ lɛ nɔ. (Yosh., yitso 7) [Daa otsi Biblia kanemɔ; kwɛmɔ it-1, bf. 167 kk. 2.]
3. Ŋmɛnɛ, alɛɔ wɔ yɛ mumɔŋ kɛtsɔɔ Yehowa wiemɔi lɛ ni wɔkaneɔ kɛkɛ lɛ anɔ. (5 Mose 8:3) [Daa otsi Biblia kanemɔ; kwɛmɔ w85 6/15 bf. 17 kk. 15, 17.]
4. Shishitoo mla ni yɔɔ Mose Mla lɛ mli yɛ 5 Mose 23:20 lɛ tsɔɔ akɛ, etsɔɔɔ suɔmɔ akɛ Kristofonyo baahe shika kɛ ehe kpa kɛ ekɛfa. [Daa otsi Biblia kanemɔ; kwɛmɔ it-1, bf. 1212 kk. 5-6; it-2, bf. 259 kk. 12; w86 10/15 bf. 12 kk. 9.]
5. Yoshua kɛ Kaleb kɛ shɛɛ sane ni haa akpaa nɔ kpakpa gbɛ lɛ damɔ hemɔkɛyeli ni yɔɔ shiŋŋ ni amɛyɔɔ yɛ hewalɛ kɛ faishitswaa ni Israelbii lɛ yɔɔ akɛ amɛbaaye gbɛtsii nii fɛɛ ni baaba amɛnɔ koni amɛkanyɛ amɛŋɔ Shiwoo Shikpɔŋ lɛ nɔ. (4 Mose 12:30) [w98-GA 2/1 bf. 5 kk. 4]
6. Beni Paulo wieɔ “nikeenii” lɛ he yɛ 1 Timoteo lɛ mli lɛ, no mli lɛ eekai Timoteo sane ni kɔɔ mumɔ krɔŋkrɔŋ ni akɛfɔ lɛ mu kɛ ŋwɛi nyɔmɔwoo ni ebaaná ni mɛɔ lɛ lɛ he. (1 Tim. 4:14) [w98-GA 2/15 bf. 25 kk. 1]
7. Yoshua wolo lɛ kɛ saji ni kɔɔ bɔ ni aaafee ni aaaná Maŋtsɛyeli lɛ Seshi lɛ he lɛ haaa. [si bf. 46 kk. 24]
8. Kojolɔi awolo lɛ ji wolo ni aŋmala hii ni Israelbii lɛ hala koni amɛye maŋ lɛ nɔ dani maŋtsɛmɛi abe lɛ shɛ. [si bf. 46 kk. 2]
9. Gideon nibimɔ ni atsɔɔ mli yɛ Kojolɔi 6:37-39 lɛ tsɔɔ akɛ, eekpa nibii babaoo gbɛ tsɔ. [Daa otsi Biblia kanemɔ; kwɛmɔ w88 4/1 bf. 30 kk. 6.]
10. Beni Yesu kɛɛ ekaselɔi lɛ akɛ ‘amɛkaŋa mɔ ko yɛ gbɛ lɛ nɔ’ lɛ, no mli lɛ ekɛmiima bɔ ni shiɛmɔ nitsumɔ lɛ ji nɔ ko ni he hiaa waa ni esa akɛ agbalaa jwɛŋmɔ fɛɛ kɛhaa nɛkɛ nitsumɔ ni he hiaa fe fɛɛ lɛ nɔ lɛ nɔ mi. (Luka 10:4) [w98-GA 3/1 bf. 30 kk. 5]
Ha sanebimɔi ni nyiɛ sɛɛ nɛɛ ahetoo:
11. Mɛni hewɔ ehe hiaa ni Yehowa wiemɔi lɛ akã fɔlɔi atsui nɔ lɛ? (5 Mose 6:5, 6) [Daa otsi Biblia kanemɔ; kwɛmɔ w98-GA 6/1 bf. 20 kk. 4.]
12. Mɛɛ gbɛ nɔ weku yitso ko baanyɛ ekɛ shishitoo mla ni yɔɔ 5 Mose 11:18, 19 atsu nii yɛ? [Daa otsi Biblia kanemɔ; kwɛmɔ fy-GA bf. 70 kk. 14.]
13. Mɛni yɔɔ Ŋmalɛ lɛ mli ni tsɔɔ akɛ, eka shi faŋŋ akɛ Onesimo ni ji tsulɔ ni jo foi lɛ kɛ bɔfo Paulo hi shi be fioo dani Paulo ŋma Filemon wolo lɛ? [w98-GA 1/15 bf. 30 kk. 2]
14. Kɛ́ wɔna akɛ akɛ mɔ ko yeee yɛ jalɛ naa aloo akɛfee wɔ diɛŋtsɛ lɛ, mɛni wɔbaanyɛ wɔfee koni no akaje wɔnijiaŋ wui aloo eha wɔkpa nɔ fɔŋ feemɔ gbɛ? [w98-GA 2/1 bf. 6 kk. 2-3]
15. Mɛɛ gbɛ nɔ Yoshua kɛ Gideon tsɔɔ yɛ akɛ amɛbuɔ Nyɔŋmɔ mla lɛ waa? (5 Mose 20:8, 15-18) [si bf. 41 kk. 32]
16. Sane ni yɔɔ Yoshua 10:10-14 lɛ tamɔ nɔ ni wɔbaanyɛ wɔkpa ebaa gbɛ yɛ Harmagedon lɛ nɔŋŋ yɛ mɛɛ gbɛ nɔ? [Daa otsi Biblia kanemɔ; kwɛmɔ w86 12/15 bf. 23 kk. 12–bf. 24 kk. 14.]
17. Tsĩi sɛɛnamɔi etɛ ni jɛɔ anɔkwa yijiemɔ ni akɛhaa mɛi ni jieɔ jeŋba kpakpa kpo lɛ atã. (Okɛto Abɛi 15:23 he.) [w98-GA 2/1 bf. 31 kk. 5-6]
18. Yɛ nɔ ni yɔɔ Yoshua 20:4 lɛ naa lɛ, mɛɛ gbɛ nɔ mɔ ko joɔ foi kɛyaa okadi abobaa maŋtiase lɛ mli yɛ? [Daa otsi Biblia kanemɔ; kwɛmɔ w86 12/15 bf. 24 kk. 16.]
19. Mɛɛ gbɛ nɔ Kojolɔi 5:31 lɛ tsɔɔ yɛ akɛ Sisera asraafoi ni he wa waa lɛ anɔ kunim ni Kojolɔ Barak ye yɛ Kishon jɔɔ lɛ mli lɛ hiɛ shishinumɔ ko ni he hiaa kɛha wɔ bei nɛɛ? [Daa otsi Biblia kanemɔ; kwɛmɔ w86 2/15 bf. 21 kk. 4.]
20. Mɛɛ gbɛ nɔ wɔɔtsɔ wɔjie bulɛ kpo wɔha shishitoo mla ni yɔɔ wiemɔ ni ji, “ni mɔ fɛɛ mɔ damɔ egbɛhe” taakɛ aŋma yɛ Kojolɔi 7:21 lɛ yɛ? [Daa otsi Biblia kanemɔ; kwɛmɔ w82 6/1 bf. 25 kk. 17.]
Okɛ wiemɔ(i) loo wiemɔi kukuji ni sa ahɔlɔ gbɛhei ni kamɔ shi efoji nɛɛ amli:
21. Bɔni afee ni wɔná Yehowa jɔɔmɔi lɛ amli ŋɔɔmɔ kɛmɔ shi lɛ, esa akɛ wɔya nɔ ․․․․․․․․ ni wɔkpa Yehowa fai koni eye ebua wɔ ni wɔná e-Wiemɔi ni jɛ mumɔŋ lɛ ahe ․․․․․․․․. (1 Tim. 4:8, 9) [w98-GA 1/1 bf. 24 kk. 6]
22. Yiteŋmuluwoo esaaa Yehowa hiɛ, ejaakɛ ․․․․․․․․ ji nɔ ni kanyaa efeemɔ, ni etsɔɔɔ ․․․․․․․․, ni nɔ ni ehiii fe fɛɛ lɛ, etsɔɔɔ ․․․․․․․․. [w98-GA 2/1 bf. 30 kk. 2-3]
23. Gbɛi Yoshua lɛ shishi ji “․․․․․․․․” ni eji gbalɛ ni kɔɔ ․․․․․․․․ he. [si bf. 42 kk. 5]
24. Yɛ Yesu abɛbua ni yɔɔ Mateo 7:24-27 lɛ mli kɛ gbeekpamɔ naa lɛ, fɔlɔi ni yɔɔ nilee lɛ baanyɛ aye abua amɛbii koni amɛdamɔ nɔnyɛɛ ni tamɔ ahum lɛ naa kɛtsɔ ․․․․․․․․ ni amɛkɛaaha amɛ, ni baaye ebua amɛ ni ․․․․․․․․ lɛ nɔ. [w98-GA 2/15 bf. 9 kk. 1]
25. Yinɔsane he saji ni aŋmala awo Kojolɔi awolo lɛ mli lɛ kɔɔ be ni kã be ni ․․․․․․․․ gbo aahu kɛyashi ․․․․․․․․ beaŋ lɛ he, ni enɛ sɛɛkɛlɛ fee aaafee afii ․․․․․․․․. [si bf. 47 kk. 5]
Halamɔ hetoo ni ja lɛ yɛ wiemɔi ni nyiɛ sɛɛ nɛɛ amli:
26. Ni mɔ ko aaato enii ni eyɔɔ he gbɛjianɔ ni etsɔɔ mɛi ni ekɛhaa kɛji egbo lɛ ji (asafo lɛ sane; mɔ aŋkroaŋkro sane; Kristofoi ataomɔ nii). (Gal. 6:5) [w98-GA 1/15 bf. 19 kk. 6]
27. Paulo wo Filemon hewalɛ koni ekɛ mlihilɛ ahere (Onam, Onesiforo; Onesimo), shi ekɛ hewalɛ ni eyɔɔ akɛ bɔfo lɛ famɔɔɔ lɛ koni efee nakai aloo ni eha etsulɔ lɛ aye ehe. (Fil. 21) [w98-GA 1/15 bf. 31 kk. 1]
28. Fatɔɔ ko ni hiɛdɔɔ yɔɔ mli, ni ba yɛ kpitiyelɔi ni Yesu tsa amɛ lɛ agbɛfaŋ lɛ ji (hemɛkɛyeli ni abɛ; bulɛ ni abɛ; shi ni adaa). (Luka 17:11-19) [w98-GA 2/15 bf. 5 kk. 1]
29. Akɛni Nyɔŋmɔ kpɛlɛ gbɛ ni Rahab kɔ lɛ nɔ hewɔ lɛ, nɔ ni ekɛɛ Yeriko hii ni nyiɛ Israelbii ni bakpá maŋ lɛ shi lɛ asɛɛ lɛ tsɔɔ akɛ, (ákɛ mɔ ko aaamale lɛ ji aŋkroaŋkro sane; esaaa akɛ mɔ ko jieɔ anɔkwalei komɛi akpo etsɔɔ mɛi ni esaaa akɛ amɛleɔ; etsakeko jeŋbii ajeŋbai ni ehiɛ mli lɛ lolo). (Yosh. 2:3-5; okɛto Romabii 14:4 he.) [Daa otsi Biblia kanemɔ; kwɛmɔ w93-GA 12/15 bf. 25 kk. 1.]
30. Taakɛ aŋma yɛ Yohane 13:5 lɛ, nɔ ni nikasemɔ he nɔkwɛmɔnɔ ni Yesu kɛha lɛ maa nɔ mi ji (mlihilɛ; mɔbɔnalɛ; heshibaa), ni ji su ni haa mɔ tsuɔ nii ni baa shi kwraa ehaa enyɛmimɛi. [w98-GA 3/15 bf. 7 kk. 6]
Halamɔ ŋmalɛi ni nyiɛ sɛɛ nɛɛ amli nɔ ni kɛ wiemɔi ni nyiɛ sɛɛ lɛ kpãa gbee:
5 Mose 7:3, 4; 17:7; 25:11, 12; 28:3; Yer. 15:20
31. Esa akɛ bɔ ni Bɔlɔ lɛ buɔ fɔmɔ nii waa ehaa lɛ, asa yiŋkpɛɛ ni Kristofoi feɔ ni kɔɔ bii afɔmɔ kudɔmɔ he gbɛjianɔ ni sa ni amɛkɛaatsu nii lɛ he. [Daa otsi Biblia kanemɔ; kwɛmɔ w99-GA 6/15 bf. 28 kk. 1-4.]
32. Wɔbaanyɛ wɔkɛ wɔhiɛ afɔ̃ Yehowa nɔ akɛ, ebaafi wɔsɛɛ yɛ be mli ni wɔtsuɔ Nyɔŋmɔ Maŋtsɛyeli lɛ he sanekpakpa ni atuu awo wɔdɛŋ lɛ he nii lɛ. [w98-GA 3/1 bf. 28 kk. 1]
33. Biblia mli kɔkɔbɔɔ ni wɔkɛaatsu nii lɛ baaha wɔye wɔhe kɛjɛ piŋmɔ ni bei pii lɛ ejɛɔ naanyo ni Kristofoi kɛ mɛi ni heee yeee lɛ bɔɔ lɛ mli. [Daa otsi Biblia kanemɔ; kwɛmɔ w89 11/1 bf. 20 kk. 11.]
34. Nyɔŋmɔ jɔɔmɔi lɛ amli ŋɔɔmɔ ni wɔɔná lɛ damɔɔɔ he ni ekolɛ wɔyɔɔ aloo nitsumɔ ni wɔtsuɔ yɛ Nyɔŋmɔ sɔɔmɔ lɛ mli lɛ nɔ. [Daa otsi Biblia kanemɔ; kwɛmɔ w96-GA 6/15 bf. 15 kk. 15.]
35. Paulo tsɛ́ Yehowa Mla lɛ sɛɛ ni edamɔ no nɔ, ni ekɛ gbɛtsɔɔmɔ ni kɔɔ mɔ shwiemɔ he lɛ ha yɛ 1 Korintobii yitso 5 lɛ mli. [Daa otsi Biblia kanemɔ; kwɛmɔ si bf. 213 kk. 24.]