Adafitswai
◼ Woji ni akɛbaatsu nii yɛ October: Buu-Mɔɔ kɛ Awake! lɛ shɛɛ. November: Nilee Ni Kɛ Mɔ Yaa Naanɔ Wala Mli. December: Nilee Ni Kɛ Mɔ Yaa Naanɔ Wala Mli, kɛ New World Translation lɛ. January: Woji fɛɛ ni hiɛ baafai 192 ni afee dani 1985 shɛ ni ekolɛ asafo lɛ yɔɔ eko lɛ. Asafoi ni bɛ woji ni tamɔ nakai lɛ, baanyɛ amɛkɛ True Peace and Security—How Can You Find It? wolo lɛ atsu nii.
◼ “Teokrase Sɔɔmɔ Skul He Gbejianɔtoo Kɛha 1999” lɛ ji wolo ni hɔ Wɔ Maŋtsɛyeli Sɔɔmɔ lɛ mli lɛ, ni esa akɛ akɛto koni akwɛ mli be fɛɛ be yɛ 1999 mli.
◼ Ekolɛ bei ni asafoi komɛi kɛyaa kpeei lɛ baatsake yɛ January 1 mli. Aakai asafoi ni kpeɔ yɛ Maŋtsɛyeli Asa kome too lɛ nɔŋŋ mli lɛ mli asafoŋ ajinafoi akui lɛ koni amɛkpe yɛ October kɛmiibote November mli koni amɛsusu kpeei bei ni atsakeɔ mli ni yɔɔ wɔ wolo ní aŋma yɛ October 7, 1994 kɛha asafoi fɛɛ lɛ mli lɛ he sane lɛ he fitsofitso.
◼ Asafoi ni kɛbashi bianɛ lɛ amɛkɛ 1999 “Special Annual Literature Order Form (S-14 Special)” lɛ emajeko lɛ afee nakai amrɔ nɔŋŋ. Nyɛfainɛ nyɛkaia akɛ, nyɛ asafo lɛ nine shɛŋ Ŋmalɛi lɛ Amli ni Wɔɔkwɛ Daa—1999 kɛ daa afi woji krokomɛi ni ashɛɛɛ ashwieee shi lɛ nɔ, kɛji akɛ nyɛkɛ woji ashɛɛ krɛdɛɛ he wolo nɛɛ emajeee oya.
◼ Asafo lɛ éna enu he akɛ, asafoi komɛi miiŋmala woji kɛmiiha aŋkroaŋkroi kɛ asafoi pɔtɛɛ komɛi yɛ Ghana maŋ lɛ mli kɛ esɛɛ, ní amɛkɛmiibi shika kɛha amɛ Maŋtsɛyeli Asa tsumaa nitsumɔ. Eyɛ mli akɛ akɛ jwɛŋmɔ kpakpa feɔ enɛ moŋ, shi wɔwooo hewalɛ kwraa akɛ afee enɛ. Ato Asafo Maŋtsɛyeli Asa Tooyeli lɛ he gbɛjianɔ koni akɛtsu Maŋtsɛyeli Asa maa aloo asai ni amamɔ momo ni aaalɛɛ mli lɛ he nii. Aawo asafoi fɛɛ hewalɛ koni amɛyafa shika kɛjɛ tooyeli lɛ mli kɛ ehe miihia.
◼ Aakai shiɛlɔi ni hiɛ Biblia mli sanebimɔi ni kɔɔ saji komɛi ahe aloo ŋaawoo kɛha naagbai komɛi ahe nitsumɔ ni he hiaa amɛ lɛ akɛ, esaaa akɛ amɛ diɛŋtsɛ amɛbaa, amɛtswaa tɛlifoŋ, aloo amɛŋmaa wolo tɛ̃ɛ kɛhaa Asafo lɛ kɛha saji ahetooi. Aawo amɛ hewalɛ koni amɛtao mli kɛjɛ Asafo lɛ woji amli, kɛtsɔ Watch Tower Publications Index lɛ kɛ nitsumɔ nɔ. Agbɛnɛ hu ebaaye ebua amɛ akɛ amɛaabi onukpai lɛ kɛ nyɛmimɛi krokomɛi ni edara yɛ mumɔŋ lɛ yɛ Maŋtsɛyeli Asa lɛ nɔ. Ja akɛ gbɛi nɛɛ fɛɛ etsu nii dã, dani akɛ sanebimɔi lɛ afɔ̃ Asafo lɛ hiɛ. Nyɛfainɛ, nyɛnaa onukpai lɛ kɛha gbɛtsɔɔmɔi ni tsɔɔ bɔ ni afeɔ aŋmaa nitsumɔhe nine lɛ wolo.—Kwɛmɔ Wɔ Maŋtsɛyeli Sɔɔmɔ, April 1997, adafitswai gbɛhe lɛ.
◼ Woji ni Nine Eshɛ nɔ Ekoŋŋ:
Sing Praises to Jehovah (lala wolo bibioo).