Sɔɔmɔ Kpeei Kɛha October
Otsi ni Jeɔ Shishi October 5
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli.
15 min: “Mɛni Hewɔ Esa akɛ Aje Kpeei Ashishi yɛ Be Naa ni Akpa Hu yɛ Be Na Lɛ?” Sanebimɔi kɛ hetooi.
20 min: “‘Maŋtsɛyeli Wui Dumɔ’ yɛ Mɛi ni Ayahaa Amɛ Woji Tɛtrɛbii Daa lɛ Agbɛfaŋ.” Toibolɔi kɛ sanegbaa. Aha mɛi komɛi atsɔɔ bɔ ni amɛfee amɛná mɔ ko ni abaayaha lɛ woji tɛtrɛbii lɛ ni amɛha etee nɔ nakai daa. Koni afee woji tɛtrɛbii ni akɛhaa kɛ gbɛjianɔ ni atoɔ koni akɛ nɔ ni baanyiɛ sɛɛ lɛ ayaha lɛ he nɔkwɛmɔnɔ. Tsɔɔmɔ bɔ ni abaanyɛ atsĩ woji tɛtrɛbii ashɛɛ he gbɛjianɔtoo lɛ tã. Tsĩi bɔ ni ehe hiaa ni shiɛlɔi fɛɛ aná woji tɛtrɛbii lɛ yibɔ ko be fɛɛ be bɔni afee ni amɛná bɔ ni sa lɛ tã.
Lala 133 kɛ naagbee sɔlemɔ.
Otsi ni Jeɔ Shishi October 12
5 min: Asafoŋ adafitswai. Shika he akɔntaabuu.
10 min: “Nɔkwɛlɔi ni Nyiɛɔ Hiɛ—Woloŋmalɔ Lɛ.” Wiemɔ ni asafoŋ woloŋmalɔ lɛ kɛbaaha, ni etsɔɔ nitsumɔi ni atuu awo edɛŋ lɛ. Ema nɔ mi akɛ mɔ fɛɛ mɔ baanyɛ aye abua kɛtsɔ shiɛmɔyaa he akɔntaabui ni ekɛaaha oya lɛ nɔ.
10 min: Amɛyɛ Gbɛgbamɔ Mumɔ ni Ekãa Yɔɔ Mli. Wiemɔ ni ekãa yɔɔ mli ni damɔ 1998 Yearbook lɛ, baafai 104-107 lɛ nɔ. Tsɔɔmɔ nɔ hewɔ ni gbɛgbalɔi babaoo yɔɔ Japan lɛ mli, nɔ ni ŋmɛɔ ŋamɛi ni yɔɔ shia lɛ gbɛ ni no haa amɛkɛ mumɔŋ nibii yeɔ klɛŋklɛŋ gbɛhe, nɔ ni haa amɛkɛ amɛhe woɔ gbɛgbamɔ nitsumɔ lɛ mli, kɛ mɛi titri ni yɔɔ gbɛgbamɔ nitsumɔ lɛ mli. Tsɔɔmɔ hewalɛwoo ni fɔlɔi gbɛgbalɔi naa yɛ mɛi anɔ lɛ mli. Tĩi yiŋtsɔmɔ ni ebiɔ ni mɔ ko aná dani efee tsakemɔi ni he hiaa yɛ eshihilɛ mli. Wo mɛi fɛɛ hewalɛ koni amɛkɛ hiɛdɔɔ kɛ sɔlemɔ asusu hegbɛ ni amɛyɔɔ akɛ amɛaanyɛ amɛkɛ amɛhe awo gbɛgbamɔ nitsumɔ lɛ mli lɛ he.
20 min: “Ani Okaneɔ Woji Tɛtrɛbii Lɛ?” Sanebimɔi kɛ hetooi. Tĩi ŋaawoi kɛha be he gbɛjianɔ ni atoɔ kɛha teemɔŋ nikanemɔ ni anaa yɛ School Guidebook lɛ nikasemɔ 4 kukuji 5-6 lɛ mli.
Lala 107 kɛ naagbee sɔlemɔ.
Otsi ni Jeɔ Shishi October 19
10 min: Asafoŋ adafitswai. Tĩi saji otii ni he hiaa ni yɔɔ woji tɛtrɛbii heei lɛ amli lɛ mli. Gbaa niiashikpamɔi ni yɔɔ 1997 Yearbook lɛ baafa 45, kɛ October 22, 1996 Awake! lɛ baafa 32 lɛ mli lɛ he sane. Wo mɛi fɛɛ hewalɛ koni amɛkɛ amɛhe awo woji tɛtrɛbii kɛhamɔ mli yɛ otsi nɛɛ naagbee mli.
15 min: Asafoŋ hiamɔ nii aloo wiemɔ ni onukpa ko kɛbaaha ni damɔ sane ni ji, “Mɛni Hewɔ Mɔ Fɛɛ Mɔ Boteɔ Gbalashihilɛ Mli Ja Mi?” ni yɔɔ October 22, 1995 Awake! lɛ baafai 25-27 lɛ nɔ.
20 min: Bɔ ni Afeɔ Asaa He Kɛhaa Buu-Mɔɔ Nikasemɔ Lɛ. Toibolɔi kɛ sanegbaa ni Buu-Mɔɔ Nikasemɔ nɔkwɛlɔ lɛ baatsu he nii, ni damɔ May 15, 1986 Buu-Mɔɔ lɛ baafai 19-20, kukuji 16-18, kɛ School Guidebook nikasemɔ 7, kuku 11, kɛ nikasemɔ 18, kukuji 4-6 lɛ nɔ lɛ. Ha aha sanebimɔi ni nyiɛ sɛɛ nɛɛ ahetoo: (1) Mɛni hewɔ ehe hiaa akɛ wɔná Buu-Mɔɔ lɛ eko fɛɛ eko he sɛɛ jogbaŋŋ lɛ? (2) Mɛni esa akɛ wɔfee kɛji akɛ wɔnine shɛ ehee nɔ? (3) Mɛni ji gbɛ ni hi ni esa akɛ atsɔ nɔ asaa he kɛha Buu-Mɔɔ Nikasemɔ lɛ? (4) Te esa akɛ atsu ŋmalɛi ni aŋmalako emli wiemɔi lɛ ahe nii aha tɛŋŋ? (5) Mɛɛ gbɛ nɔ wɔɔtsɔ Wɔti nibii ni wɔkase lɛ mli yɛ? (6) Mɛɛ otii nɛkɛ esa akɛ wɔsusu he jogbaŋŋ kɛ wɔgbe nii ni wɔkaseɔ lɛ naa akɛ aŋkroaŋkro? (7) Te esa akɛ wɔsaa wɔsane hetoo lɛ wɔha tɛŋŋ? (8) Mɛɛ gbɛ nɔ abaanyɛ atsɔ aha hetooi srɔtoi yɛ sanebimɔ kome too lɛ nɔŋŋ mli yɛ? Ha mɛi komɛi atsɔɔ nɔ ni amɛfee ni eye ebua amɛ ni amɛná Buu-Mɔɔ Nikasemɔ lɛ he sɛɛ jogbaŋŋ kɛmɔ shi.—Kwɛmɔ Our Ministry lɛ, baafai 65-67 lɛ hu mli.
Lala 95 kɛ naagbee sɔlemɔ.
Otsi ni Jeɔ Shishi October 26
10 min: Asafoŋ adafitswai. Tsɔɔmɔ woji memeji ni nyɛ asafo lɛ yɔɔ, ni kɛ́ hegbɛ ba lɛ abaanyɛ akɛtsu nii yɛ shiɛmɔ nitsumɔ lɛ mli. Akɛni gbɛhamɔ be miiba yɛ December hewɔ lɛ, enɛ baafee be ni sa kɛha oblahii kɛ oblayei ní abaptisi amɛ lɛ kɛ mɛi krokomɛi akɛ amɛaasusu gbɛgbalɔi awalɔ nitsumɔ lɛ he.
20 min: Toiboo ni Nyɔŋmɔ Gbeyeishemɔ Yɔɔ Mli yɛ Weku ni Jamɔ Egbala Mli lɛ Mli. Wiemɔ ni damɔ June 1, 1995 Buu-Mɔɔ lɛ, baafai 26-29 lɛ nɔ. Jɛɛ suɔmɔ mli ni okɛ hewalɛwoo kɛ ŋaawoo aye abua mɛi ni amɛhefatalɔi heee yeee lɛ, koni amɛhiɛ jwɛŋmɔ kpakpa, ní amɛkɛ asafo lɛ abɔ kɛ ekãa.
15 min: Kpeeiyaa yɛ Be ni Ato lɛ Naa. Sane ni akɛ Asafo Woloŋ Nikasemɔ nɔkwɛlɔi enyɔ loo etɛ aloo asafoŋ sɔɔlɔi baagba, ni kɔɔ naagba ni yɔɔ kpeei ni akpeɔ sɛɛ kɛbaa lɛ he. Amɛkpɛlɛ nɔ akɛ, shihilɛi ni akpaaa gbɛ, ni nibii ni esa akɛ atsu amɛhe nii amrɔ nɔŋŋ, kɔɔyɔŋ tsakemɔi, gbɛjegbɛi anɔ ni tsĩɔ, kɛ ekrokomɛi ni fata he lɛ baanyɛ aha mɔ ko akpe sɛɛ. Shi, mɛi komɛi yɛ ni kpeɔ sɛɛ daa gbi. Kuu lɛ awie yɛ faŋŋ mli ni amɛkɛ nɔkwɛmɔ nii atsɔɔ nɔ ni he hiaa bɔni afee ni aba oya: (1) tsui mli fɛɛ ni ajɛɔ anáa hiɛsɔɔ ahaa hegbɛ ní ana akɛ aaaya kpeei, kɛ agbɛnɛ kɛha mumɔŋ niyenii kɛ naanyobɔɔ ni akɛhaa yɛ jɛmɛ lɛ, (2) mɔ aŋkro nibii ahe gbɛjianɔ kpakpa ni etsɔɔ hiɛ etoɔ, (3) suɔmɔ mli ni weku mli bii fɛɛ aaajɛ amɛfee ekome, (4) ní aaashi mra, koni ana be kɛha naagbai ni akpaaa amɛ gbɛ lɛ ahe nitsumɔ, kɛ (5) ní aaajɛ anɔkwale mli asusu mɛi ni eba lɛ ahe, koni akagbala amɛjwɛŋmɔ kɛmiijɛ nikasemɔ lɛ nɔ. Amɛ fɛɛ amɛkpɛlɛ nɔ akɛ, abaanyɛ atsu naagba ni ji sɛɛkpee nɛɛ he nii, kɛtsɔ mɔdɛŋ ni abaabɔ daa bɔni afee ni aya hiɛ yɛ mli lɛ nɔ.
Lala 86 kɛ naagbee sɔlemɔ.