Adafitswai

◼ Woji ni akɛbaaha yɛ August: Abaanyɛ akɛ woji bibii ni hiɛ baafai 32 nɛɛ ateŋ eko fɛɛ eko atsu nii: Ani Nyɔŋmɔ Susuɔ Wɔhe Lɛlɛŋ?, Na Wala Mli Ŋɔɔmɔ yɛ Shikpɔŋ Nɔ Kɛya Naanɔ!, “Naa! Mii­fee Nii Fɛɛ Ehee,” Ani Esa akɛ Ohe Triniti lɛ Oye?, The Divine Name That Will Endure Forever, Nɔyeli Ni Kɛ Paradeiso Baaba, Gbohii lɛ Amumɔi​—⁠Ani Amɛbaanyɛ Amɛye Amɛbua Bo Loo Amɛhao Bo? Ani Amɛyɛ Lɛlɛŋ?, kɛ Mɛni Ji Yiŋtoo ni Yɔɔ Shihilɛ Sɛɛ?​—⁠Te Ooofee Tɛŋŋ Ole Hu? September: Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ. October: Buu-Mɔɔ kɛ Awake! lɛ shɛɛ. November: New World Trans­la­tion of the Holy Scriptures kɛ The Bible​—⁠God’s Word or Man’s? wolo lɛ. AKADI: Asafoi ni eshɛko tafaa woji ni atsɔɔ yɛ yiteŋgbɛ lɛ afee nakai yɛ amɛ daa nyɔŋ nɔ Literature Request Form (S-14) ni baanyiɛ sɛɛ lɛ nɔ.

◼ Aabi ni asafoi lɛ kɛ Literature Request Form (S-AB-14) ni akɛ­shɛɔ woji daa lɛ ashɛ woji ni ashɛɔ daa afi, ni ashɛɛɛ ashwieee shi, tamɔ Year­book, kalen­dai, Watch­tower wolokpoi lɛ, Ŋmalɛi lɛ Amli ni Wɔɔkwɛ Daa lɛ nɛkɛ, ni amɛkɛmaje kɛbaha Asafo lɛ dani Sep­tem­ber 30, 1994 aho.

◼ Asafoŋ Sɔɔmɔ Ajinafoi Akuu lɛ akwɛ akɛ aŋmala Special Service Forms Order lɛ nɔ nibii ni abi lɛ, ni amɛkɛmaje Asafo lɛ dani Sep­tem­ber 30, 1994 aho. Enɛ baaha amɛnine ashɛ sɔɔmɔ he woji anɔ kɛha nitsumɔ yɛ sɔɔmɔ afi lɛ mli fɛɛ. Esaaa akɛ afiteɔ nɛkɛ woji nɛɛ. Esa akɛ akɛtsu yiŋtoi ahewɔ ni afee lɛ pɛ he nii.

◼ Asafo lɛ kɛ woji wuji ni shiɛlɔi aŋkroaŋkroi taoɔ lɛ emajeee. Mɛi ni miitao woji krɛdɛɛi komɛi lɛ kɛ sɔɔlɔ ni kwɛɔ woji wuji anɔ lɛ awie he, ni ekɛfata woji ni nyɛ asafo lɛ shɛɔ daa nyɔŋ nɔ lɛ he oya nɔŋŋ kɛba. Esa akɛ onukpai asɛinɔtalɔ lɛ ato gbɛjianɔ ni atswa adafi daa nyɔŋ nɔ dani akɛ asafo lɛ woji ni amɛshɛɔ daa nyɔŋ lɛ amaje kɛbaha Asafo lɛ, bɔni afee ni mɛi fɛɛ ni taoɔ amɛ diɛŋtsɛ amɛwoji komɛi lɛ akɛɛ nyɛminuu ni tsuɔ woji wuji ahe nii lɛ.

◼ Asafo fɛɛ asafo nine baashɛ Litera­ture Inventory woji (S-18) etɛ nɔ. Esa akɛ asafo lɛ woloŋmalɔ lɛ kɛ sɔɔlɔ ni kwɛɔ woji wuji anɔ lɛ akpe yɛ August shishijee gbɛ, koni amɛto be kɛha woji ni nyɛ asafo lɛ yɔɔ lɛ fɛɛ kanemɔ yɛ nyɔŋ lɛ naagbee. Esa akɛ akane woji fɛɛ ni nyɛyɔɔ lɛ diɛŋtsɛ, koni aŋmala fɛɛ yibɔi lɛ yɛ Literature Inventory wolo lɛ nɔ. Abaanyɛ abi sɔɔlɔ ni kwɛɔ woji tɛtrɛbii anɔ lɛ hu koni etsɔɔ woji tɛtrɛbii abɔ ni nyɛyɔɔ. Nyɛfainɛ nyɛkɛ emli klɛŋklɛŋ nɔ lɛ amajea Asafo lɛ dani September 6 aho. Nyɛkɛ nɔ ni ji enyɔ lɛ atoa nyɛwoji amli. Esa akɛ akɛ nɔ ni etɛ lɛ afee ehe nitsumɔ wolo. Esa akɛ woloŋmalɔ lɛ akwɛ woji lɛ fɛɛ akanemɔ nɛɛ nɔ, ni esa akɛ kɛ aŋmala woji lɛ amli agbe naa lɛ, onukpai asɛinɔtalɔ lɛ akwɛ mli. Wo­lo­ŋmalɔ lɛ kɛ onukpai asɛinɔtalɔ lɛ kɛ amɛwao naa gbɛi baawo wolo lɛ shishi.

◼ Asafo woloŋmalɔ lɛ baabua sɔɔmɔ he akɔntaabuu lɛ fɛɛ naa koni aŋmala awo Congregation Analysis Report (S-10) wolo lɛ nɔ. Lɛ nɔŋŋ hu ebaatsɔɔ onukpa loo asafoŋ sɔɔlɔi ni ekolɛ eyeɔ ebuaa lɛ yɛ akɔn­taa­buu lɛ he nitsumɔ mli lɛ nɔ ni ebaafee. Enɛ baaha aŋmala saji ni ataoɔ kɛjɛɔ Congregation’s Publisher Record (S-20) woji lɛ anɔ lɛ jogbaŋŋ ni fɛɛ aja pɛpɛɛpɛ. Esa akɛ aŋmala Congregation Analysis Report (S-10) wolo lɛ nɔ nibii fɛɛ jogbaŋŋ fɛfɛo, ni sɔɔmɔ ajinafoi akuu lɛ akwɛ mli jogbaŋŋ dani akɛmaje kɛbaha Asafo lɛ dani Sep­tem­ber 10 aho.

◼ Kɛjɛ September kɛyaa lɛ, maŋshiɛmɔ ni kpokpaa nɔkwɛlɔi baaha lɛ yitso ji, “Mɛni Hewɔ Esa akɛ Oyaba Yehowa Abo?”

◼ Sɔɔmɔ afi lɛ naagbee nyɔŋ nɛ. Aawo shiɛlɔi fɛɛ hewalɛ ni amɛbu akɔntaa yɛ be naa pɛpɛɛpɛ yɛ nyɔŋ lɛ naagbee. Esa akɛ woloŋmalɔ lɛ kɛ akɔntaabuu lɛ amaje dani September 6 aho.