Adafitswai

● Wolo ni akɛbaaha yɛ July: Questions Young People Ask​—Answers That Work. August kɛ September: Abaanya akɛ woji bibii ni hiɛ baafai 32 lɛ eko fɛɛ eko aha, ja Skul wolo bibioo lɛ pɛ. Abɔ mɔdɛŋ ni aje shia Biblia nikasemɔ shishi. October: Creation wolo lɛ. Akɛ Obaanyɛ Ohi Shi Kɛya Naanɔ kɛ Bible Stories woji lɛ aha yɛ wɔmaŋ nɛɛ mli Wiemɔi amli. November: Woji tɛtrɛbii ashɛɛ kɛha Awake! loo Buu-Mɔɔ aloo enyɔ lɛ fɛɛ.

● Ani ona niiashikpamɔ fɛfɛo ko mli miishɛɛ yɛ shiɛmɔ nitsumɔ lɛ mli nyɛsɛɛ nɛɛ? Wɔbaasumɔ ni okɛ wɔ aja miishɛɛ lɛ. Ofainɛ ŋmaa niiashikpamɔ lɛ ni okɛmaje Asafo lɛ.

● Wɔmiiwo shiɛlɔi fɛɛ hewalɛ ni amɛkane nɔ ni oŋma ahɔ mli ni fata enɛ he ni kɔɔ 1990 “Wiemɔ Krɔŋŋ” Kpakpai Wuji Anɔ kpeei lɛ ahe lɛ jogbaŋŋ. Kɛ asusu nɔ ni aŋma ahɔ mli nɛɛ he agbe naa yɛ Sɔɔmɔ kpeei lɛ mli lɛ, mɛi ni ekpɛ amɛyiŋ akɛ amɛbaaya kpee ni ato aha amɛ asafo lɛ ana kpeei ahe gbɛjianɔtolɔ lɛ ni amɛhe Room Request loo tsubimɔ woji. Mɛi ni ato gbɛjianɔ ni amɛya kpeei ni ji C,D, kɛ E lɛ kɛ Room Request loo tsubimɔ woji lɛ akamaje dani September 1, 1990 shɛ. Mɛi ni ato gbɛjianɔ ni amɛya kpeei ni ji B lɛ baamɛ kɛha adafitswai krokomɛi, ni nɔ ni baafata he hu ji adrɛs ni amɛkɛ Room Request loo tsubimɔ woji lɛ baamaje kɛya. Esa akɛ mɛi ni ato ni amɛya kpeei ni ji A lɛ kɛ amɛ Room Request loo tsubimɔ woji lɛ emaje mɔmɔ yɛ gbɛtsɔɔmɔi ni atsɔ hiɛ akɛha amɛ lɛ naa.

● Wɔkɛ “Wiemɔ Krɔŋŋ” Kpakpai Wuji Anɔ kpeei ni baa lɛ he Room Request loo tsubimɔ woji miifata enɛ he kɛmiimaje asafoi fɛɛ. Esa akɛ nyɛminuu ni toɔ kpeei ahe gbɛjianɔ lɛ kɛ woji nɛɛ ato kɛyashi be mli ni aaasusu nɔ ni aŋma ahɔ mli ni fata he lɛ he yɛ Sɔɔmɔ kpee lɛ mli lɛ sɛɛ. Yɛ no sɛɛ lɛ, mɛi ni ekpɛ amɛyiŋ akɛ amɛbaaya kpee ni ato gbɛjianɔ ni nyɛ asafo lɛ aya lɛ baana lɛ ni amɛhe woji lɛ eko, shi esaaa ni akɛ woji lɛ majeɔ dani September 1 shɛɔ.