Emli Saji

Nikasemɔ nɛɛ baahã wɔna akɛ, afi 2017 afi ŋmalɛ lɛ baanyɛ awo wɔ hewalɛ ni wɔkɛ wɔhiɛ afɔ̃ Yehowa nɔ kɛji wɔkɛ naagbai kpe. Wɔbaasusu anɔkwafoi komɛi ni hi shi yɛ blema lɛ ahe kɛ bɔ ni wɔbaafee wɔkase amɛ, koni wɔkɛ wɔhiɛ afɔ̃ Yehowa nɔ, wɔtsu nɔ ni wɔbaanyɛ yɛ wɔnaagbai lɛ ahe, ni wɔye wɔbua mɛi krokomɛi.

Nikasemɔ nɛɛ baahã wɔna akɛ, kɛ́ wɔkɛ heyeli ni Yehowa kɛduro wɔ lɛ tsu nii yɛ gbɛ ni sa ehiɛ lɛ nɔ lɛ, no baatsɔɔ akɛ wɔhiɛ sɔɔ nikeenii nɛɛ. Kɛfata he lɛ, wɔbaana bɔ ni wɔbaafee wɔtsɔɔ akɛ wɔkpɛlɛɔ nɔ akɛ mɛi krokomɛi hu yɛ heyeli nɛɛ eko.

Nikasemɔi enyɔ nɛɛ baahã wɔna nɔ diɛŋtsɛ ni heshibaa ji. Klɛŋklɛŋ nɔ lɛ baatsɔɔ wɔ nibii ni kɛ́ wɔfee lɛ ebaatsɔɔ akɛ wɔbaa wɔhe shi, kɛ nɔ ni kɛ́ wɔfee lɛ ebaatsɔɔ akɛ wɔbaaa wɔhe shi. Nɔ ni ji enyɔ lɛ, baatsɔɔ wɔ bɔ ni wɔbaafee wɔya nɔ wɔba wɔhe shi kɛ́ nakai feemɔ wa po.

Yinɔ hoɔ yaa, ni yinɔ baa; no hewɔ lɛ, be baashɛ ni esa akɛ nyɛmimɛi ni edara lɛ atu amɛsɔ̃i lɛ amɛwo nyɛmimɛi ni baa lɛ adɛŋ. Nikasemɔ nɛɛ baatsɔɔ wɔ nɔ ni nyɛmimɛi ni edara lɛ kɛ nyɛmimɛi ni baa lɛ fɛɛ baanyɛ afee koni tsakemɔ nɛɛ aya nɔ jogbaŋŋ.