Ninefɔ̃ɔ . . .

Ani Nyɔŋmɔ Kã He Eeye Nɔ?

ADEBƆƆ naa osharai, gbele helai, juu-kɛ-fɔ̃ ni yaa nɔ yɛ mɛi ni yɔɔ nɔyeli hegbɛi amli lɛ ateŋ, awuiyelii ni akɛtutuaa mɛi, tai, awuiyeli. Gbi ko gbi ko hooo ni wɔnuuu enɛɛmɛi ahe adafitswaa ko. Kɛji nibii nɛɛ ateŋ eko eba onɔ loo eko bako onɔ jio lɛ, ehaa bɔ fɛɛ bɔ ni fee lɛ osusuɔ nɔ ni baaba je lɛ nɔ, kɛ agbɛnɛ hu kɛji nibii baahi gbi ko lɛ he.

Yehowa Odasefoi ni yɔɔ shikpɔji ni fa fe 200 nɔ yɛ je lɛŋ fɛɛ lɛ baaha maŋshiɛmɔ ko ni yɔɔ ebe naa ni yitso ji “Ani Nyɔŋmɔ Kã He Eeye Nɔ?” ni amɛkɛtsɔɔ naagbai nɛɛ amli. Wiemɔ nɛɛ baatsɔɔ nɔ ni Nyɔŋmɔ kɛɔ kɛ shiwoi ni ekɛhaa yɛ sanebimɔi ni he hiaa ni nyiɛ sɛɛ nɛɛ ahe yɛ e-Wiemɔ ni maleee ni ji Biblia lɛ mli:

Ani Nyɔŋmɔ susuɔ saji ni yaa nɔ yɛ shikpɔŋ nɔ lɛ ahe?

Te esusuɔ adesai ahe ehaa tɛŋŋ?

Ani esusuɔ ohilɛ-kɛhamɔ he?

Yɛ hei babaoo lɛ, abaaha wiemɔ lɛ yɛ Hɔgbaa, April 30, 2006, yɛ Yehowa Odasefoi a-Maŋtsɛyeli Asa lɛ nɔ. Odasefoi ni yɔɔ okutso lɛ mli lɛ baaná he miishɛɛ akɛ amɛaatsɔɔ bo be ni akɛbaafee kɛ he ni abaafee yɛ.

Akɛ miishɛɛ miifɔ̃ bo nine koni oyabo Biblia mli maŋshiɛmɔ ni aheee nɔ ko, ní woɔ mɔ hewalɛ nɛɛ toi, ni abaaha sanebimɔ ni ji, “Ani Nyɔŋmɔ Kã He Eeye Nɔ?” lɛ hetoo ni baaha mɔ tsui anyɔ emli.