“Naanyo Pilamɔi”

BƆFO Paulo na bɔ ni ehe hiaa ní ejaje klɛŋklɛŋ afii oha lɛ mli Kristofoi ni yɔɔ Galata lɛ. Eeenyɛ efee akɛ bɔni afee ni akaná mlifu ko lɛ, ebi akɛ: “Ní miwieɔ anɔkwale mitsɔɔ nyɛ hewɔ lɛ, aso belɛ mitsɔ henyɛlɔ?”—Galatabii 4:16.

Yɛ be mli ni Paulo ‘wieɔ anɔkwale lɛ,’ ebatsɔko amɛhenyɛlɔ. Yɛ anɔkwale mli lɛ, ekɛ Biblia mli shishitoo mla lɛ miitsu nii, nɔ ni kɛɛ: “Naanyo pilamɔi lɛ ji anɔkwale.” (Abɛi 27:6, King James Version) Ele akɛ abaanyɛ afite bulɛ ni nɔtɔlɔi yɔɔ lɛ. Ni kɛlɛ, ele akɛ ní aaatsi he kɛaajɛ tsɔsemɔ ni he hiaa ni akɛaaha eshafeelɔ lɛ he lɛ baaha akwa Yehowa Nyɔŋmɔ suɔmɔ kpojiemɔ lɛ ateŋ eko ni akɛaaha mɔ lɛ. (Hebribii 12:5-7) No hewɔ lɛ, ákɛ naanyo anɔkwafo ni kɛ be babaoo susuɔ asafo lɛ he waa lɛ, Paulo tsiii ehe kɛjɛɛɛ ŋaawoo ni akɛjajeɔ mɔ lɛ he.

Ŋmɛnɛ, Yehowa Odasefoi miitsu nitsumɔ ni akɛwo amɛdɛŋ koni ‘amɛyafee jeŋmaji fɛɛ kaselɔi, ni amɛtsɔɔ amɛ ni amɛye nii fiaa ni Yesu Kristo ekɛɛ amɛ lɛ nɔ’ lɛ he nii. Yɛ nakai feemɔ mli lɛ, nɛkɛ anɔkwa Kristofoi nɛɛ kɛ Biblia mli anɔkwalei ni kpáa tsɔɔmɔ mli tɔmɔ kɛ jeŋba ni jeee Kristofoi anɔ̃ he mama ni amɛbuɔ nomɛi fɔ lɛ eŋmɛɛɛ sane he amɛkɛsaaa. (Mateo 15:9; 23:9; 28:19, 20; 1 Korintobii 6:9, 10) Yɛ nɔ najiaŋ ni amɛaatsɔmɔ henyɛlɔi ni aaakpoo amɛ lɛ, amɛmiijie anɔkwa nanemɛi ahe miishɛɛ nifeemɔ kpo.

Lalatsɛ lɛ kɛ ŋwɛi nilee ni jɛ mumɔŋ lɛ ŋma akɛ: “Ha jalɔ agba mi ma kɛ mlihilɛ ni ekã mi, yiteŋ mu ji no ni miyitso kwaaa.”—Lala 141:5.