Ní Aaabu Gbɛi Kpakpa ko He

NÍ AAAKASE mfoniri fɛfɛo ko he nii jogbaŋŋ lɛ baanyɛ afee niiashikpamɔ ni nyɔmɔwoo yɔɔ mli. Kɛji akwɛ lɛ jogbaŋŋ lɛ, abaanyɛ ayɔse bɔ ni nitɛŋlɔ ko kɛ brɔshi naa ohai abɔ lɛ etsu nii ni ekatɛŋ sui srɔtoisrɔtoi yɛ nitɛŋmɔ tao ko nɔ.

Yɛ nakai gbɛ nɔŋŋ nɔ lɛ, anáa gbɛi kpakpa, jeee kɛtsɔ brɔshi naa nitɛŋmɔ agbo kome kɛkɛ nɔ, kɛji wɔɔkɛɛ, shi moŋ kɛtsɔ nifeemɔi bibii pii ni afeɔ yɛ be kɛ bei amli lɛ nɔ. Hɛɛ, fiofio lɛ wɔ náa gbɛi kpakpa kɛtsɔɔ nibii ni wɔfeɔ lɛ anɔ.

Yɛ gbɛ kroko nɔ lɛ, brɔshi naa nitɛŋmɔ kome ni akɛaatsu nii yɛ gbɛ ni ejaaa nɔ lɛ baanyɛ aha mfoniri ko jara abashi. Nakai ji bɔ ni wɔgbɛi lɛ ji. Maŋtsɛ Salomo nilelɔ lɛ kɛɛ akɛ: “Gbɔmɔ buuluufeemɔ kojoɔ egbɛ.” (Abɛi 19:3) Nɔ ni nɔŋŋ ni ebiɔ ji nɔ ko ni akɛɛ atsɛɔ lɛ buuluufeemɔ fioo ko​—ekolɛ yiwalɛ mlifu ko kpojiemɔ, dãa ni anuɔ fe nine, aloo mɔ ko bɔlɛnamɔ mli nifeemɔ ni he tseee​—koni akɛwo gbɛi kpakpa ko he muji. (Abɛi 6:​32; 14:17; 20:1) No hewɔ lɛ, kwɛ bɔ ni ehe hiaa akɛ wɔɔbɔ mɔdɛŋ ni wɔná gbɛi kpakpa, koni wɔkɛ ekãa atsu nii kɛbu he.​—Okɛto Kpojiemɔ 3:5, he.