Ta ni Kpata Afii Ohai 19 lɛ Hiɛ Lɛ

1914

BENI esusuɔ afii akpe hee lɛ he lɛ, Charley Reese, ni ji adafitswaa wolo mli niŋmalɔ kɛha The Orlando Sentinel lɛ ŋma akɛ: “Afi 1914 kɛyashi afi 1918 ta ni kpata afii ahai 19 lɛ hiɛ bako naagbee.” Mɛni ji nɔ ni etsɔɔ lɛ? Etsɔɔ mli akɛ: “Bei bɛ hewalɛ ko yɛ yinɔsane nɔ. Afii ohai 19 lɛ—ni atsɛ lɛ akɛ, hemɔkɛyelii abei, yiŋsusumɔi abei, sui abei kɛ jeŋbai abei lɛ—baaa naagbee yɛ Jan. 1, 1901. Eba naagbee yɛ afi 1914. Nakai hu ji be ni afii ohai 20 ni atsɛ lɛ yɛ nakai gbɛ nɔ nɔŋŋ lɛ je shishi. . . .

“Kɛ hoo lɛ, béi fɛɛ ni wɔhao yɛ he yɛ wɔshihilɛ mli fɛɛ lɛ ba kɛjɛ nakai ta lɛ mli. Kɛ hoo lɛ, nileei fɛɛ kɛ kusumii heei fɛɛ ni wɔkɛhi shi lɛ je shishi kɛjɛ nakai ta lɛ mli. . . .

“Misusuɔ akɛ ekpata nii ahiɛ yɛ nakai gbɛ nɔ ejaakɛ efite adesai ahemɔkɛyeli ni amɛhiɛ akɛ adesai baanyɛ akudɔ amɛshɛɛ mli sane lɛ. . . . Ta lɛ ha gbɔmɛi lɛ kpoo nakai hemɔkɛyeli lɛ. Mɛi ni wuu ta lɛ ateŋ mɔ ko mɔ ko susuuu he akɛ ebaaba lɛ bɔ ni eba lɛ lɛ. Efite Britania kɛ France maŋtsɛyeli lɛ. Egbe Britania, France kɛ Germany hii ni hi fe fɛɛ lɛ mli yinɔ ko. . . . Egbe gbɔmɛi akpekpei akpei 11 yɛ be kukuoo ko mli.”

Yehowa Odasefoi kɛ nɔ ni fe afii 120 etsɔɔ afi 1914 lɛ akɛ nɔ ni Yesu tsɛ lɛ akɛ “jeŋmaji abe lɛ” naagbee lɛ. (Luka 21:24) Yɛ nakai afi lɛ mli lɛ, akɛ Yesu Kristo ni atee lɛ shi ni awo ehiɛ nyam lɛ ta maŋtsɛsɛi nɔ akɛ ŋwɛi Maŋtsɛyeli lɛ nɔ Maŋtsɛ. Kɛtsɔ nakai Maŋtsɛyeli lɛ nɔ lɛ, Yehowa Nyɔŋmɔ baajie amanehului fɛɛ ni ekadi nɛkɛ afii ohai nɛɛ kɛya kwraa.—Lala 37:10, 11; Jajelɔi 8:9; Kpojiemɔ 21:3, 4.

[He ni Mfoniri ni yɔɔ baafa 32 lɛ Jɛ]

U.S. National Archives photo