Ajie Kpee Wulu ko ni “Ekaaa” Yi

REDIO nɔ adafitswalɔ ko ni yɔɔ Lima, Peru lɛ yiŋ feɔ lɛ kɔshikɔshi waa yɛ Yehowa Odasefoi ahe. Ni kɛlɛ, beni étee amɛkpokpaa wulu nɔ kpeei lɛ ateŋ ekome sɛɛ lɛ, esu tsake kwraa. Yɛ anɔkwale mli lɛ, enaa kpɛ ehe aahu akɛ ewie wiemɔi kpakpai komɛi etsɔɔ e-redio nɔ toibolɔi lɛ. Nɔ ni nyiɛ sɛɛ nɛɛ ji nɔ ni ewie lɛ mli fãi komɛi:

“Kpee lɛ ji nɔ ni ekaaa kwraa. Wolo bibioo ko kãaa shikpɔŋ lɛ, nihɔɔlɔ ko hu bɛ jɛmɛ. Jɛmɛ etsĩko kpɛŋŋ. Gbɔmɛi 5,200 tee stediɔm lɛ yɛ amɛ diɛŋtsɛ amɛshika fitemɔ naa, ni mɔ fɛɛ mɔ hiɛ goga, mamashwɛ, tako, jwɛinii, bɔlɔ, brɔshi, ninekaosu, kɛ samla ni akɛgbeɔ muawai koni akɛsha jɛmɛ. Amɛpente heni pente he baahia yɛ. Ni nɛgbɛ ji heni shika lɛ jɛɔ? Amɛ diɛŋtsɛ amɛtsuɔ too! Kɛ́ aha amɛle nɔ ko ni esa akɛ afee lɛ, amɛ fɛɛ amɛkɛ amɛniji woɔ amɛkotokui lɛ amli amrɔ nɔŋŋ ni amɛkɛhaa. Miikɛɛ nyɛ akɛ, kɛ eba saji ni tamɔ nɛkɛ mli lɛ, Katolik Sɔlemɔ lɛ miiwɔ. Miisumɔ koni maha Yehowa Odasefoi lɛ kɛ kpee nɛɛ mli ajinafoi lɛ aekoo. Ni miisumɔ koni makɛɛ amɛ kɛjɛ mitsui mli tɔ̃ɔ akɛ, Eba akɛ Nyɔŋmɔ aaaye abua nyɛ ni ejɔɔ nyɛ.”

Afi nɛɛ, yɛ maŋtiasei ni yɔɔ jeŋ fɛɛ lɛ mli lɛ, Yehowa Odasefoi baaná “Nyɔŋmɔ Shihilɛ Gbɛ” Kpokpaa Wulu nɔ Kpee lɛ mli ŋɔɔmɔ. Ani obaahi jɛmɛ?

[Wiemɔ ni akɔ ni akɛmiitsu nii ni yɔɔ baafa 32]

“Wolo bibioo ko kãaa shikpɔŋ lɛ”