Ani Nyɔŋmɔ Yeɔ Je lɛ Nɔ?

HƆGBAA leebi ni. Mɛi pii te shi kɛjɛ saatso nɔ, amɛsaa amɛhe, amɛye leebi niyenii, ni amɛgba shi kɛtee sɔlemɔ. Kɛkɛ ni amɛyabo shiɛmɔ wiemɔ ni kɔɔ bɔ ni Nyɔŋmɔ ji nɔyelɔ ofe yɛ shikpɔŋ lɛ fɛɛ nɔ, ni mɔ ko kɛ lɛ yeee egbɔ yɛ hewalɛ mli lɛ toi. Akɛɛ amɛ akɛ ejwɛŋɔ gbɔmɛi ahe waa. Atsi Yesu Kristo hu ta. Amɛnu akɛ lɛ ji maŋtsɛmɛi a-Maŋtsɛ ni esa akɛ nakutso fɛɛ nakutso akula shi yɛ toiboo mli aha lɛ.

Beni amɛjɛ sɔlemɔ lɛ kɛbashɛ shia lɛ, gbɔmɛi nɛɛ baanyɛ agbele tɛlivishin ni amɛbo saji ni yaa nɔ lɛ toi. Agbɛnɛ amɛnu hɔmɔ, awuiyeli, tsofai fɔji kɛ nitsumɔ, kɛ ohia he. Ni amɛna nibii ni kɔɔ helai kɛ gbele he ni yɔɔ mɔbɔ waa.

Aŋkroaŋkroi nɛɛ baanyɛ aje shishi abɔi saji ni amɛnu yɛ sɔlemɔ lɛ kɛ titri lɛ saji ni atsɔɔɔ mli yɛ jɛmɛ lɛ ahe susumɔ. Kɛ Nyɔŋmɔ yɛ suɔmɔ ni eji hewalɛ fɛɛ tsɛ lɛlɛŋ lɛ, mɛni hewɔ nibii ni yɔɔ gbeyei nɛkɛ yaa nɔ? Ni Yesu Kristo hu? Eyɛ faŋŋ akɛ, nakutsei pii yɛ ni kulaaa shi yɛ toiboo mli amɛhaaa lɛ.

[Mfoniri ni yɔɔ baafa 3]

Kɛji akɛ Nyɔŋmɔ yeɔ je lɛ nɔ lɛ, mɛni hewɔ piŋmɔi kɛ basabasa-feemɔi pii yɔɔ nɛkɛ?

[He ni Mfoniri ni yɔɔ baafa 2 lɛ Jɛ]

Cover: NASA photo