Wɔkɛ Miishɛɛ Miifɔ̃ Bo Nine

Nuu ni atsɛɔ lɛ yesu kristo lɛ gbele, nɔ ni fe afii 1,900 ni eho nɛ lɛ ji adesai ayinɔsane mli nii ni he hiaa fe fɛɛ ni eba. Egbele naanɔ wala yɛ paradeiso shikpɔŋ nɔ shihilɛ mli he gbɛkpamɔ eha wɔ. Yesu kɛ akpiti aboloo kɛ wein tsu nii yɛ nifeemɔ ko ni yɔɔ kuku mli akɛ adesa afɔleshaa ni ekɛha yɛ suɔmɔ mli lɛ he okadii. Kɛkɛ ni ekɛɛ ekaselɔi lɛ akɛ: “Nyɛfea enɛ ni nyɛŋɔkai mi.” (Luka 22:19) Ani obaakai nɛkɛ nifeemɔ ni he hiaa nɛɛ? Yehowa Odasefoi kɛ miishɛɛ miifɔ̃ bo nine ni obafata amɛhe ni akɛye nɛkɛ kaimɔ gbijurɔ nɛɛ. Abaafee yɛ hulu shinyɔɔ sɛɛ yɛ gbi ni kɛ nisan 14 nyiɛɔ yɛ Biblia mli nyɔŋtsere kalenda lɛ nɔ lɛ nɔ. Obaanyɛ oya yɛ maŋtsɛyeli asa ni bɛŋkɛ oshia fe fɛɛ lɛ nɔ. Bi Yehowa Odasefoi ni yɔɔ he ni oyɔɔ lɛ kɛha be pɔtɛɛ kɛ he ni abaafee yɛ. Gbi ni akɛbaaye gbijurɔ nɛɛ yɛ 1995 mli ji Sohaa, April 14.