“Nyɛhaa Wɔkanea Fioo Kɛtsaa Nɔ Dani Wɔye Amɛhe Fɛo”

Nakai ji bɔ ni mɔ ko ni jɛ New Zealand lɛ wie yɛ Buu-Mɔɔ, ni ji wolo tɛtrɛɛ ni okaneɔ nɛɛ he. Nuu nɛɛ ŋma yɛ sane ko ni kɔɔ Nyɔŋmɔ ŋwɛi shwiili ni awie he jogbaŋŋ yɛ Ezekiel yitso 1 lɛ mli lɛ he akɛ:

“Bɔɔnii hiɛkalɔi, loo kerubim ejwɛ lɛ ateŋ mɔ fɛɛ mɔ yɛ fiji ejwɛ kɛ hiɛi ejwɛ. Amɛyɛ jata hiɛ, ni feɔ Yehowa jalɛsaneyeli he mfoniri; tsina hiɛ, ni damɔ shi kɛha Nyɔŋmɔ hewalɛ; okropɔŋ hiɛ, ni tsɔɔ nilee; kɛ gbɔmɔ hiɛ, ni feɔ Yehowa suɔmɔ he mfoniri.

“Beni mikane enɛ aahu shi abɔ sɛɛ lɛ, mina miishɛɛ henumɔ ko yɛ mitsui mli. Yaafonui jɛ mihiŋmɛiaŋ, miishɛɛ yaafonui. Susumɔi ni ba miyiŋ amrɔ nɔŋŋ ji akɛ, ‘Kwɛ bɔ ni ohe baafee fɛo kɛ akɔnɔ aha, Yehowa!’ Minaa ekpɛ mihe waa yɛ nɛkɛ henumɔi heei ni mina yɛ nɛkɛ Yehowa Nyɔŋmɔ ni miye ehe fɛo aahu afii babaoo nɛɛ he, yɛ jeŋnyo ni miji lɛ hewɔ. Miikɛɛ Yehowa Odasefoi akɛ ‘nyɛyiwala dɔŋŋ,’ ni mɛi babaoo ni tamɔ mi lɛ hu, miikɛɛ amɛ akɛ, ‘Nyɛhaa wɔkanea fioo kɛtsaa nɔ dani wɔye amɛhe fɛo.’”