Tamɔ Okpoi ni flikiɔ kɛbaa amɛtsuiaŋ

EKOLƐ okpoi ji klɛŋklɛŋ loofɔji ni gbɔmɔ jɔɔ amɛhe lɛ eko. Afii akpei abɔ ni eho nɛ, beni Mizraimbii lɛ​—kɛ nilee toɔ gbɛjianɔ ni amɛnaa niyenii afi muu fɛɛ lɛ​—amɛmamɔ okpo tsui yɛ amɛshiai amasɛi. Amɛsumɔɔ loofɔji nɛɛ aloo waa, ni amɛkɛ amɛwamɔ duɔ nii. Beni shɛɔ Teŋgbɛ Afii lɛ amli lɛ, no mli lɛ okpo tsui ebafee gboshi nii ni hiɛ kɔ̃ɔ nɔ aahu akɛ yɛ maji komɛi anɔ lɛ abladei kɛ osɔfoi ashiai pɛ aŋmɛɔ amɛ gbɛ koni amɛna eko.

Eyɛ mli akɛ amrɔ nɛɛ ayeɔ wuɔi yɛ shiai pii fe okpoi moŋ, shi kɛlɛ ayaa nɔ anaa blema okpo tsui nɛɛ ekomɛi lolo. Anaa okpo tsui ni yɔɔ biɛ lɛ yɛ Mizraim.

Kɛ amɛ fɛɛ amɛku amɛsɛɛ kɛmiiba shia gbɛkɛ lɛ, amɛyifalɛ lɛ tamɔɔ atatu ni miikpeleke shi kɛmiiba okpo tsu lɛ nɔ. Hebri gbalɔ Yesaia wie enɛ he beni ebi akɛ: “Namɛi ji mɛnɛɛmɛi ni filikiɔ tamɔ atatu, loo tamɔ okpoi ni baa amɛ samfɛjiaŋ nɛɛ?” Ni taakɛ shishitsɔɔmɔ kroko wie he lɛ: “Namɛi ji mɛi ni hoɔ tamɔ atatui, ni filikiɔ tamɔ okpoi kɛyaa amɛtsui amli nɛɛ?”​—Yesaia 60:​8, The New English Bible.

Anaa hetoo lɛ ŋmɛnɛ yɛ gbɔmɛi akpei ohai abɔ ni sheɔ Nyɔŋmɔ gbeyei ni hoɔ yuu kɛyaa Yehowa gbɛjianɔtoo lɛ mli lɛ ahe. Amɛkaseɔ bɔ ni amɛaafee ni amɛkɛ amɛhiɛ afɔ Nyɔŋmɔ nɔ yɛ Yehowa Odasefoi a-Amaŋtsɛyeli Asa tsui lɛ amli. (Yesaia 60:⁠9) Yɛ Nyɔŋmɔ webii ateŋ lɛ, amɛnaa akɛ mumɔŋ nibii ni jara wawai, hemɔkɛyeli diɛŋtsɛ ni tsuɔ nii, kɛ naanyobɔɔ kpakpa kɛ toiŋjɔlɛ kɛ shweshweeshwe henumɔ ko ni tamɔ nɔ ni okpo naa yɛ etsu mli lɛ baa.

[He ni Mfoniri ni yɔɔ baafa 32 lɛ Jɛ]

Pictorial Archive (Near Eastern History) Est.