La Kanyaa Tsumaa he Gbɛjianɔtoo

“LA! LA! Yehowa Odasefoi a-Kpee Asa lɛ miishã!” Nakai bolɔmɔ ni hɛleɔ mɔ shi lɛ jije yɛ Sohaa shwane, yɛ October 1989 yɛ Heerenveen maŋ lɛ mli, yɛ Netherlands kooyigbɛ niiaŋ.

Yehowa Odasefoi kɛ Kpee Asa fɛfɛo nɛɛ etsu nii aahu afii 11. Etamɔ nɔ ni daa otsi naagbee lɛ, gbɔmɛi ohai obɔ buaa amɛhe naa yɛ jɛmɛ kɛhaa gbii enyɔ kpokpaa nɔ kpee loo gbi kome kpee krɛdɛɛ. Efee miishɛjemɔ he kɛha Biblia kasemɔ.

Oshara ko ba beni asaa asa tsu lɛ yiteŋ Iɛ. Hiŋmɛitswaa fioo ko pɛ mli Iɛ, asa muu lɛ fɛɛ etsɔ koikoi ni la esha. Shi duromɔ naa lɛ, mɔ ko mɔ ko epilaaa.

Odasefoi lɛ ye awerɛho yɛ nɔ ni amɛlaaje lɛ hewɔ moŋ, shi amɛnijiaŋ ejeee wui, amɛto gbɛjianɔ kɛha asa hee yɛ he kroko. Amɛna he ko ni sa jogbaŋŋ yɛ Swifterbant, yɛ Flevoland niiaŋ. Eji shikpɔŋ ko ni da ni kulɛ nu loo jɛmɛ ni aloo su awo mli, yɛ tsutsu Zuider Zee, ebaa shi mitai 5 [ninetalɔi 16] yɛ ŋshɔ ŋɛlɛ nɔ.

Akɛ hegbɛ lɛ ha yɛ January 1991 akɛ aje Kpee Asa tsu hee lɛ maa shishi. Abaama enɛ yɛ 1991 May kɛ September teŋgbɛ. Odasefoi ohai abɔ kɛ amɛhe ha akɛ amɛbaatsu nii yɛ he ni abaama tsu lɛ yɛ Iɛ, ni obalaŋtai komɛi na nitsumɔ nɛɛ akɛ nɔ ni amɛbaatsɔ nɔ amɛkɛ amɛhe awo be-fɛɛ ni amɛkɛaasɔmɔ Yehowa Nyɔŋmɔ lɛ mli. Nitsulɔi pii jɛ Belgium kɛ England amɛba.

Ama tsu fɛfɛo ko ni ato emaa he gbɛjianɔ jogbaŋŋ. Nɔ ni akɛfo shitaramɔ he lɛ kɛ niyeli he lɛ mli ji abalanaa ni akɛ glase eha yiteŋ. Asa lɛ diɛŋtsɛ heɔ gbɔmɛi 1,008 ni mɛi 230 hu baanyɛ ana nɔ ni yaa nɔ lɛ yɛ televishin nɔ yɛ asa kroko ni bɛŋkɛ lɛ nɔ.

Ŋmɛnɛ, akpei abɔ miikɛɛ akɛ: ‘Nyɛbaa ni wɔyakwɔa Yehowa gɔŋ lɛ, ni eeetsɔɔ wɔ egbɛi lɛ ahe nii.’ (Yesaia 2:​2, 3) Nɛkɛ Kpee Asa hee nɛɛ ji hei pii ni akɛ mumɔŋ tsɔsemɔ haa yɛ lɛ ateŋ ekome pɛ. Yehowa Odasefoi a-Maŋtsɛyeli Asa lɛ hu ji ekroko. Akɛ miishɛɛ baahere bo hiɛmɛɛ diɛŋtsɛ yɛ jɛmɛ.