Mɛni Baaba Kristendom Hei Krɔŋkrɔŋi lɛ Anɔ?

MƐI ni kala wolo, Holy Places of Christendom ni shitsalɔ ni taoɔ blema nibii, Stewart Perowne ŋma lɛ bi akɛ: “Namɔ, ni Kristofoi atsɔsemɔ fɛɛ mli ni ejɛ lɛ kɔɔɔ he eko baanyɛ adamɔ Calvary yɛ Church of Resurrection [loo Church of the Holy Sepulcher] lɛ mli yɛ Yerusalem ni enaŋ henumɔ ko ni yɔɔ naakpɛɛ: ejaakɛ biɛ ni ji heko ni akɛ jamɔ kɛ woo haa, ni awuu ta po yɛ he afii ohai babaoo Iɛ, ji Kristendom shikwɛɛ he diɛŋtsɛ.”

Mɔ ko mɔ ko nyɛko aye he odase akɛ ama nɛkɛ sɔlemɔtsu nɛɛ yɛ Calvary, he ni Yesu Krista gbo yɛ lɛ. Yɛ anɔkwale mli lɛ, dani Roma maŋtsɛ Konstantino aaakpɛ eyiŋ akɛ eeema sɔlemɔtsu po yɛ jɛmɛ lɛ, no mli lɛ wɔŋjalɔi asɔlemɔtsu ko ma jɛmɛ. Agbɛnɛ Yesu kɛɛ: “Nyɔŋmɔ lɛ, mumɔ ni, ni mɛi ni jaa lɛ lɛ, ja amɛja lɛ yɛ mumɔ kɛ anɔkwale mli.” (Yohane 4:24) Jalɔi ni tamɔ nɛkɛ kɛ woo haaa heloo naa hei”krɔŋkrɔŋi.”

Be ko lɛ, Yerusalem ji he ni Nyɔŋmɔ sɔlemɔtsu lɛ ma, ni no hewɔ lɛ eji jamɔ krɔŋŋ shikwɛ̃ɛ he diɛŋtsɛ. Shi akɛni maŋ lɛ mlibii yeee anɔkwale hewɔ lɛ, Yehowa Nyɔŋmɔ kpoo maŋ lɛ, taakɛ Yesu gba efɔ shi lɛ. (Mateo 23:​37, 38) Yesu gba akɛ nakai jamɔ he lɛ ni mɛi pii yaa nɔ amɛbuɔ lɛ he krɔŋkrɔŋ lɛ hu baatsɔ amaŋfɔ. Ewiemɔi lɛ ba mli beni Romabii lɛ kpata Yerusalem kɛ esɔlemɔtsu lɛ hiɛ yɛ afi 70 Ŋ.B. Iɛ.​—Mateo 24:​15, 21.

Etsɛŋ ni Yesu gbalɛ lɛ baaba mli yɛ gbɛ ni da nɔ yɛ Kristendom jamɔ shihilɛ he lɛ fɛɛ, ni ekɛɔ akɛ eji he krɔŋkrɔŋ lɛ nɔ. Nɔ ni ka Kristendom kɛ ehei ni yɔɔ krɔŋkrɔŋ lɛ ahiɛ ji hiɛkpatamɔ ni hewalɛ ko ni leee jamɔ, ni atsɛɔ lɛ”amaŋfɔfeemɔ nihii nii” lɛ kɛbaaba. (Daniel 11:31) Yehowa Odasefoi baagbao bɔ ni nii ni haa mɔ he jɔ̃ɔ lɛ nɛɛ baaba mli aha lɛ he saji babaoo.

[Mfoniri ni yɔɔ baafa 32]

Sɔlemɔtsu ko ni yɔɔ Church of the Holy Sepulcher lɛ mli

[He ni Sane lɛ Jɛ]

Pictorial Archive (Near Eastern History) Est.