‘Ewieɔ Jamɔi Pii Ahe Lɛŋlɛŋ’

Nɛkɛ ji bɔ ni kanelɔ ko ni jɛ Argentina tsɔɔ bɔ ni Mankind’s Search for God wolo ni aŋma nyɛsɛɛ nɛɛ ji ha. Eŋma akɛ: “Eyɛ sui kɛ nibii krokomɛi babaoo, tamɔ mfoniri fɛfɛo ko ji lɛ pɛpɛɛpɛ. Bɔ ni anyɛɔ anaa nibii sɔrɔtoi babaoo yɛ mfoniri ko ni atɛŋ mli lɛ, nakai nɔŋŋ saneyitsei kɛ amɛnaatsɔɔmɔi babaoo yɛ wolo nɛɛ mli ni kɔɔ jamɔi ahe, aahu po akɛ ehaa kanelɔ lɛ naa kpɛɔ ehe.”

“Efɔɔ kaa akɛ, Anaigbɛbii pii leee Bokagbɛbii ahemɔkɛyelii ahe saji kɛ amɛshishijee he nɔ ko kwraa.” Ni kɛlɛ, taakɛ kanelɔ ni hiɛ sɔɔ nii nɛɛ ekadi lɛ, nɛkɛ wolo nɛɛ yaa shɔŋŋ “kɛjɛ Hindu jamɔ he kɛyaa Yudafoi ajamɔ he, kɛ Buddha jamɔ, kɛ Kristendom kui bibii, kɛ jamɔŋ susumɔi babaoo ni anyɛŋ ale amɛyifalɛ lɛ fɛɛ ahe.” Etsɔɔ mli akɛ: “Eji yelikɛbuamɔ nɔ fɛfɛo ko kɛha mɔ fɛɛ mɔ ni miikase jamɔi ahe nii lɛ.”

Mɛi babaoo yɛ ni amɛfɔlɔi ajamɔi pɛ ahe saji amɛle, ni bei pii lɛ, amɛle lɛ hiɛaŋhiɛaŋ kɛkɛ. Shi ani esa akɛ ojamɔ lɛ afee nɔ ni afɔ bo awo mli lɛ kɛkɛ, aloo esa akɛ okɛ nilee ahala nɔ ni sa lɛ yɛ be mli ni okɛ ojamɔ lɛ eto ekrokomɛi ahe lɛ sɛɛ? Nɛkɛ wolo ni hiɛ baafai 384 ni ji Mankind’s Search for God nɛɛ baaye abua bo ni onyɛ okɛto he okwɛ. Ekolɛ eeenyiɛ ohiɛ kɛbɛŋkɛ Nyɔŋmɔ he kpaakpa hu.

Masumɔ ni minine ashɛ Mankind’s Search for God wolo ni hiɛ baafai 384 kɛ emli mfonirii fɛfɛji lɛ nɔ. (Kɛ jeee Ghana oyɔɔ lɛ, ŋmaa kɛya Watch Tower nitsumɔ he ni yɔɔ maŋ nɔ ni oyɔɔ lɛ ni obi he saji. Kwɛmɔ baafa 2.)