Ani Jeŋ Nilee Baanyɛ Atsɔɔ Akɛ Naakpɛɛ Nii Bɛ?

Ani Biblia lɛ mli naakpɛɛ nii lɛ ba mli lɛlɛŋ? Mɛi babaoo yɛ ni haa hetoo dabi, ni jeŋ nilelɔi kɛ jamɔ mli hiɛnyiɛlɔi babaoo fata amɛhe. Amɛnuɔ he akɛ hemɔkɛyeli ni ayɔɔ yɛ naakpɛɛ nii amli lɛ ji yinɔbii ni yɔɔ hemɔkɛyelii foji lɛ anɔ́, ni akɛ ŋmɛnɛŋmɛnɛ beaŋ jeŋ nilee etsɔɔ akɛ amɛnyɛŋ amɛba mli kɔkɔɔkɔ. No hewɔ lɛ, wolo ni nyiɛ sɛɛ nɛɛ ni akala yɛ The Times ni afeɔ yɛ London lɛ mli, ni jeŋ nilelɔi pii kɛ amɛwaonaa gbɛi .‘Wo shishi lɛ sa kadimɔ waa. Ekɛɛ:

“Ejaaa yɛ niiahesusumɔ naa akɛ akɛ jeŋ nilee atsu nii ni akɛte shi awo naakpɛɛ nii. Ni aaahe aye akɛ naakpɛɛ nii nyɛŋ aba mli lɛ ji hemɔkɛyeli nifeemɔ tamɔ bɔ ni aheɔ ayeɔ akɛ amɛbaanyɛ amɛba mli lɛ nɔŋŋ lɛ. . . . Naakpɛɛ nii ji nibii ni atsɔko hiɛ afeko eko da. Bɔ fɛɛ bɔ ni jeŋ nilee etsɔ eha ŋmɛnɛ aloo nibii ni ajie amɛ kpo yɛ mɛi ajwɛŋmɔ naa lɛ baatsɔɔ po lɛ, ehe miihia ni ama nɔ mi akɛ jeŋ nilee (ni damɔ nibii ni atsɔ hiɛ afee lɛ akase mɔ) lɛ nyɛŋ ana nɔ ko kɛɛmɔ yɛ sane lɛ he. ‘Emlai’ lɛ ji wɔniiashikpamɔ ni atsɔɔ mli kɛkɛ. Hemɔkɛyeli damɔɔ nibii krokomɛi anɔ. (Nɔ ni atsɔmɔ lɛ ji wɔnɔ.) Lɛlɛŋ, gbɛ ko kwraa bɛ ŋmɛnɛŋmɛnɛ beaŋ jeŋ nilee baanyɛ atsɔ nɔ atsɔɔ akɛ naakpɛɛ nibii ni aŋmala yɛ Biblia lɛ mli lɛ baaa mli.