Maŋtsɛyeli Jajelɔi Bɔ Amaniɛ

Aashiɛ ‘Heyeli Aatsɔɔ Nomii Iɛ’ yɛ Brazil

YEHOWA mumɔ lɛ miitsu nii kɛ hewalɛ kpele yɛ ewebii anɔ yɛ Brazil yɛ be mli ni amɛshiɛɔ sanekpakpa ni ji heyeli kɛha mɛi ni apasa jamɔ eŋɔ amɛ nom lɛ. (Yesaia 61:​1, 2; Luka 4:18) Yɛ 1947 lɛ, no mli Iɛ Odasefoi 648 pɛ yɔɔ maŋ lɛ mli fɛɛ. Yɛ 1967 lɛ, yibɔ Iɛ ekwɔ kɛyashɛ 41,548. Kɛtsɔ Yehowa jɔɔmɔ nɔ lɛ, etee nɔ kɛyashɛ nɔ ni fa fe 302,000 yɛ 1991 afi lɛ shishijee mli gbɛ! Lɛlɛŋ, ‘Nyɔŋmɔ ji mɔ ni ha eshwere.’ (1 Korintobii 3:⁠7) Abaptisi mɛi 27,068 yɛ 1990 sɔɔmɔ afi lɛ pɛ mli.

Nɛkɛ shweremɔ nɛɛ eha ehe abahia ni ato kpokpaa hee kome he gbɛjianɔ daa nyɔŋ nɔ, ni ajɔɔ Maŋtsɛyeli Asai heei 150 nɔ yɛ afi kome pɛ mli. Nɔ ni fe fɛɛ Iɛ, nitsumɔ he nine lɛ he shikpɔŋ ni edalɛ shɛɔ kpãi 450 koni akɛlɛɛ amɛ woji akalamɔ nitsumɔ he, he ni amrɔ nɛɛ amɛkalaa Biblia yɛ, yɛ amɛ diɛŋtsɛ amɛ wolo kalamɔ tsɔnei anɔ lɛ mli. No hewɔ Iɛ, Odasefoi ni yɔɔ Brazil lɛ miitsu nii waa koni amɛkɛye amɛbua mɛi ni yɔɔ tsui kpakpa Iɛ ni amɛje “Babilon Kpeteŋkpele Iɛ” mli dani “amanehulu kpeteŋkpele” lɛ aba​—Kpojiemɔ 7:​9, 10, 14; 18:​2, 4.

□ Shiɛlɔ ko ni eye afii kpaanyɔ ha polisifoi anɔ onukpa lɛ ŋa wolo, kɛkɛ ni no sɛɛ lɛ, ekome pɛ etee eŋɔɔ ekoŋŋ kɛha sɛɛsaramɔ. Jwɛŋmɔ ni gbekɛnuu nɛɛ kɛtee jɛmɛ ji akɛ eeya ni awula Iɛ akane emli saji lɛ ekomɛi eha lɛ koni awula Iɛ agba nɔ ni enu shishi kɛjɛ eko fɛɛ eko mli lɛ etsɔɔ lɛ. Beni awula lɛ gbalaa saji lɛ amli etsɔɔ lɛ lɛ, lɛ diɛŋtsɛ ehiɛ bɔi wolo lɛ sɔɔ ni ekɛɛ lɛ ni ekɛ lɛ ayatsɔɔ lɛ gbekɛnuu lɛ nyɛ. Efee nakai, ni amrɔ nɛɛ awula Iɛ miina shia Biblia mli nikasemɔ mli miishɛɛ.

□ Yɛ 1984 lɛ, osatofeemɔ ni Maria naa yɛ emaŋbii ahe lɛ je etsine, ni enijiaŋ je wui yɛ amanehului ni yaa nɔ yɛ je lɛŋ ni ekaneɔ he sane lɛ he. No hewɔ Iɛ ebakɔ nɔ ni atsɛɔ lɛ punk loo atuatsemɔ shihilɛ gbɛ. Obalayoo nɛɛ jaje akɛ: “Oti ni ma wɔhiɛ ji ni wɔte shi wɔwo nɔ fɛɛ nɔ kɛ mɔ fɛɛ mɔ. Misaa mihe bɔ ni kɛ mɛi na mi lɛ amɛhe baajɔ̃ amɛhe​—atadei gbohii ni yɔɔ taŋ, kɛ miyitseiahe ni mishɛ afa. Miku mihiɛ mifɔ miwu, mibii, kɛ wɔshia lɛ nɔ ni mibɔi marijuana loo wii shɛremɔ kɛ cocaine kɛ nitsumɔ bɔni afee ni mikɛjo shihilɛ lɛ naa foi. Shi enɛ ha mifite kwraa moŋ. Mifo. Beni mikane Biblia lɛ, minuuu shishi. No hewɔ lɛ misɔle miha Nyɔŋmɔ kɛha yelikɛbuamɔ.

“Gbi ko lɛ, Odasefoi enyɔ komɛi ba mishia, ni beni amɛkɛ mi gba sane be fioo ko sɛɛ lɛ, amɛha mi woji tɛtrɛbii enyɔ. Beni migbeleɔ ekome mli mikwɛɔ mli lɛ, mihiɛ gba sane ko ni yitso ji ‘He ni Atseɔ Kwraa Kɛjɛɔ Nyɔŋmɔ He​—Mɛni Hewɔ Ehiii Lɛ?a nɔ. Nakai sane lɛ sa mitsui he. Minu he akɛ Nyɔŋmɔ eha misɔlemɔi lɛ ahetoo, ni nakai gbi lɛ nɔ nɔŋŋ Iɛ, Odasefoi lɛ kɛ mi bɔi Biblia lɛ kasemɔ. Kɛjɛ nakai gbi lɛ nɔ kɛyaa lɛ mibɔi tsakemɔ kɛ shihilɛ kpakpa mli baa. Kɛjɛ shishijee mli lɛ miwu kɛ miweku Iɛ te shi amɛwo Biblia lɛ ni mikaseɔ Iɛ, shi beni amɛna tsakemɔi ni baa mishihilɛ mli Iɛ, amɛbɔi mi hewalɛwoo. Amrɔ nɛɛ mibatsɔ Nyɔŋmɔ sɔɔlɔ ni abaptisi lɛ.”

Yehowa Odasefoi ni yɔɔ Brazil lɛ kɛ ekaa miishiɛ “heyeli kɛha nomii lɛ,” taakɛ amɛfeɔ yɛ je lɛŋ hei krokomɛi fɛɛ Iɛ. Gbɔmɛi asafo babaoo miihere nɔ, ni amɛmiina anɔkwa heyeli kɛ miishɛɛ yɛ Yehowa sɔɔmɔ mli.

[Shishigbɛ niŋmai]

Box on page 30]

BRAZIL

Gbɔmɛi ayifalɛ - 150,367,800

1990 Shiɛlɔi ni fa - 293,466

Mlijaa Shiɛlɔi 1 kɛha - 512

990 Mɛi ni Abaptisi - 27,068

Shiɛlɔi ni ji Gbɛgbalɔi Mlijaa - 30,115

Asafoi Ayifalɛ - 4,625

Biblia Kasemɔ Mlijaa - 341,305

Yibɔ ni ba Kaimɔ - 790,926