Maŋtsɛyeli Jajelɔi Bɔ Amaniɛ

Yehowa kɛ Yelikɛbuamɔ Haa

NYƐSƐƐ nɛɛ, Yehowa Odasefoi ni yɔɔ South Afrika lɛ anine shɛ wiemɔ nɔ akɛ amɛmumɔŋ nyɛmimɛi ni yɔɔ maŋ ko ni bɛŋkɛ amɛ, he ni agu amɛshiɛmɔ nitsumɔ lɛ yɛ lɛ miina amanehulu waa. Aha amɛle akɛ nu hɔmɔ ni naa wa ni eba jɛmɛ Iɛ hewɔ Iɛ, amɛnyɛmimɛi lɛ miiye tsei komɛi ashishifai koni amɛhi wala mli. Amɛnaaa atadei kpakpa hu, ni enɛ eha Odasefoi Iɛ ekomɛi nyɛɛɛ amɛkɛ amɛhe awo sɔɔmɔ nitsumɔ lɛ mli.

Amrɔ nɔŋŋ kɛkɛ ni nyɛmimɛi ni yɔɔ South Afrika lɛ tsu he nii. Atswa asafoi fɛɛ ni yɔɔ Johannesburg lɛ adafi yɛ atadei ahe hiamɔ ni eba nɛɛ he. Gbii fioo sɛɛ lɛ, akɛ atadei ni kɛ abua naa lɛ etsiimɔ shɛɔ tɔn etɛ bake. Kɛkɛ ni nyɛmimɛi kɛ amɛhe ha ni amɛhala atadei Iɛ amli. Ato gbɛjianɔ hu ni akɛ yɔɔ tɔn 3, mu tɔn 1, samala tɔn 1, kɛ abele niyenii tɔn 17 amaje kɛya. Beni nitsumɔ he ni kɛ abele Iɛ bake lɛ na enu Odasefoi ni nu hɔmɔ eba amɛmaŋ nɛɛ amanehulu lɛ he lɛ, amɛkɛ niyenii ni he hiaa waa nɛɛ falɛ fe tɔn kome bake.

Yɛ Ju, April 16,1990 Iɛ, tsɔne wulu ko ni awo lɛ obɔ kɛ yelikɛbuamɔ nibii ni tsiimɔ shɛɔ tɔn 25 shi South Afrika kɛje egbɛfaa ni jɛkɛmɔ ji shitoi 3,400 lɛ shishi. Shi agbɛnɛ ebabi ni ana gbɛŋmɛɛ wolo kɛjɛ maŋ onukpai lɛ adɛŋ koni anyɛ akɛ yelikɛbuamɔ nibii nɛɛ anyɛ atsɔ amɛmaŋ ni awuɔ ta yɛ mli lɛ mli.

Onukpai ni yɔɔ maŋ najiaŋdamɔlɔi anitsumɔ he lɛ kɛɛ eyɛ mli akɛ mla eŋmɛɛɛ Yehowa Odasefoi agbɛ yɛ amɛmaŋ moŋ, shi kɛlɛ amɛle jogbaŋŋ akɛ amɛyɛ amɛmaŋ Iɛ mli. Naatsii ko bɛ yelikɛbuamɔ nibii ni akɛyaa ayaha wɔnyɛmimɛi lɛ he. Amɛŋmɛ gbɛ ni akɛya. Amɛha woji ni he hiaa Iɛ fɛɛ, ni yɛ Sohaa April 20 lɛ, Odasefoi Iɛ fo husu Iɛ ni amɛnaaa naagba ko kwraa. Shi kɛlɛ, amɛyanina ni atsi gbɛ nɔ ni fe shii 30 sɔŋŋ, ni he fɛɛ he ni amɛshɛɔ nakai Iɛ, abiɔ amɛ amɛgbɛŋmɛɛ woji. Nakai beaŋ ni amɛna bɔ ni woji ni aha amɛ nɛɛ he hiaa ha.

Beni amɛtee amɛhiɛ saŋŋ aaafee shitoi 90 yɛ nakai maŋ lɛ mli lɛ, faa ko ni eyi waa ni miiho tsi amɛnaa kwraa. Nu hiɛ agba ni afee klɛŋklɛŋ lɛ ekumɔ, ni ekroko ni afee yɛ no najiaŋ koni atsɔ nɔ kɛyashi abaasaa emomo Iɛ he waaa bɔ ni tsɔne agbo baanyɛ atsɔ nɔ. Shi kɛlɛ, amɛna akɛ tsɔji bibii ni fata he kɛfaa gbɛ Iɛ nyɛɔ amɛtsɔɔ agba lɛ nɔ shweshweeshwe. No hewɔ lɛ amɛkpɛ amɛyiŋ akɛ amɛbaaja amɛmli kui enyɔ. Amɛfee shihilɛ he bibioo ko yɛ faa ni eyi waa nɛɛ naa kɛha kui lɛ ekome, ni kuu kroko Iɛ tsa nɔ kɛfa gbɛ Iɛ kɛtee kooyigbɛ aaafee shitoi 160 ni amɛkɛ nyɛmimɛi Iɛ yakpe. Kwɛ bɔ ni amɛna miishɛɛ amɛha akɛ yɛ naagbee Iɛ, amɛkɛ nyɛmimɛi lɛ yakpe! Miishɛɛ kɛ ŋmɔlɔ, kɛ amɛfuamɔ, kɛ amɛdɛtaa lɛ sɛɛ efooo. Amrɔ nɔŋŋ ni tsɔji enyɔ yi gbɛ koni amɛkɛ kuu kroko ni mɛɔ yɛ faa lɛ naa lɛ abakpe. Kɛkɛ ni amɛjie yelikɛbuamɔ nibii lɛ fɛɛ kɛjɛ tsɔne wulu Iɛ mli awo tsɔji bibii enyɔ lɛ amli.

Amaniɛbɔi ni nine shɛ nɔ Iɛ tsɔɔ bɔ ni amɛhiɛ sɔ yelikɛbuamɔ nibii ni Yehowa ha amɛnine shɛ nɔ nɛɛ waa amɛha. Shi kɛlɛ, yɛ amɛheloo gbɛfaŋ amanehulu lɛ fɛɛ sɛɛ lɛ, nyɛmimɛi lɛ abolɔmɔ kɛha mumɔŋ niyenii Iɛ naa wa kwraa po fe nakai. Asafo ko nine shɛ Buu-Mɔɔ kome pɛ nɔ, ni ebabi ni akwɛ nɔ afee ekrokomɛi aha weku fɛɛ weku. Shi shidaa aha Yehowa, akɛ amrɔ nɛɛ aato gbɛjianɔ koni aha nyɛmimɛi ni yɔɔ nakai maŋ Iɛ mli Iɛ anine ashɛ mumɔŋ niyenii nɔ ni etsara nɔ.