DAA AFI KPEE​—OCTOBER 6, 1990

DAA AFI KPEE ni Watch Tower Bible and Tract Society of Pennsylvania lɛ mlibii lɛ feɔ lɛ baaba nɔ yɛ October 6, 1990, yɛ Assembly Hall of Jehovah’s Witnesses, 2932 Kennedy Boulvard, Jersey City, New Jersey. Abaafee emlibii lɛ pɛ akpee kɛtsɔ hiɛ yɛ 9:30 a.m., ni no sɛɛ lɛ kpee ni mɛi krokomɛi fɛɛ fata he lɛ baaba nɔ yɛ 10:00 a.m.

Esa akɛ Corporation loo Nitsumɔ lɛ mlibii lɛ atswa Woloŋmalɔ lɛ Nitsumɔ he lɛ adafi yɛ amɛ adrɛs ni ekolɛ etsake yɛ nyɛsɛɛ afi lɛ mli lɛ he koni woji ni akɛmajeɔ amɛ ni kɔɔ mɛi ni amɛbaasumɔ ni amɛye amɛnajiaŋ lɛ he lɛ ashɛ amɛdɛŋ yɛ August 15 sɛɛ nɔŋŋ.

Esa akɛ amɛkɛ mɛi ni baaye amɛnajiaŋ lɛ ahe woji ni akɛbaafata daa afi kpee lɛ he adafitswaa he kɛmaje amɛ lɛ ashɛ Asafo lɛ Woloŋmalɔ lɛ Nitsumɔ he lɛ dani September 1 aho. Esa akɛ kpee lɛ mlibii lɛ ateŋ mɔ fɛɛ mɔ aŋmala woji ni ekɛtsɔɔ mɛi ni baaye enajiaŋ lɛ mli ni akɛmaje mra, koni etsɔɔ kɛji lɛ diɛŋtsɛ ebaaba kpee lɛ loo enyɛŋ eba. Esa akɛ adafitswaa ni akɛmajeɔ yɛ enɛ he lɛ ama oti lɛ nɔ mi pɔtɛɛ, ejaakɛ abaadamɔ no nɔ ni akɛna mɛi pɔtɛɛ ni baaba kpee lɛ.

Aakpa gbɛ akɛ abaagbe kpee muu lɛ fɛɛ, ni nitsumɔ hesusumɔ kɛ amaniɛbɔi akanemɔ hu fata he lɛ naa aaafee 1:00 p.m. aloo yɛ no sɛɛ nɔŋŋ. Afeŋ kpee lɛ eko yɛ shwane mli. Akɛni jɛmɛ edaaa tsɔ hewɔ lɛ, mɛi ni abaaha amɛba jɛmɛ lɛ ji mɛi ni yɔɔ tikiti pɛ. Atoŋ gbɛjianɔ ko ni atsɔ tɛlifon nɔ ni akɛ kpee lɛ mli nifeemɔi lɛ atsa kɛya hei krokomɛi.