Mɛni Biblia Lɛ Kɛɔ Yɛ Musu Ni Afiteɔ Lɛ He?

No ji sane ni gbalashihilɛ mli hefatalɔi ni yɔɔ Argentina lɛ bi yoo ko ni ba ebasara amɛ lɛ, ejaakɛ amɛle akɛ yoo nɛɛ le Biblia lɛ jogbaŋŋ. Gbalashihilɛ mli hefatalɔi lɛ miisumɔ ni amɛle kɛji akɛ Nyɔŋmɔ buɔ musu ni afiteɔ lɛ akɛ esha. Ŋa lɛ hiɛ musu nyɔji enyɔ ni eeto gbɛjianɔ ni efite musu lɛ, eyɛ mli akɛ ewu lɛ ekpɛlɛɛɛ nɔ.

Yoo ni yasara gbalashihilɛ mli hefatalɔi nɛɛ kɔ ewolo ni ji Reasoning From the Scriptures lɛ ni egbele kɛtee baafai 25. Ekane musu ni afiteɔ lɛ lɛ mlitsɔɔmɔ ni eha gbalashihilɛ mli hefatalɔi lɛ kane ŋmalɛi ni ato naa yɛ wolo lɛ mli lɛ, ni tsɔɔ bɔ ni Nyɔŋmɔ buɔ gbekɛ ni afɔko lɛ lɛ wala ehaa lɛ mli. Nyɔji kpawo sɛɛ lɛ, afɔ gbekɛ lɛ. Beni be shwieɔ mli lɛ, fɔlɔi ni ena miishɛɛ nɛɛ batsɔmɔ Biblia kaselɔi.

Onine baanyɛ ashɛ wolo ni sɛɛnamɔ babaoo yɔɔ he ni akɛkaseɔ Biblia lɛ ekome nɔ ni ebaaha bo saji ohai abɔ ni abiɔ ŋmɛnɛ lɛ ahetoo.

Nyɛfainɛ, nyɛkɛ wolo Reasoning From the Scriptures ni aha sɛɛ kɛ wolo ni wa ni hiɛ baafai 448 lɛ ekome amajea mi. Mikɛ ₵400.00 ewo mli kɛmiiwo nyɔmɔ.